<p><span style="color: #000000;"><strong>ក្រុងម៉ាឌ្រីដ៖</strong> ក្រុមជើងឯកអេស្ប៉ាញ Atletico Madrid បានសង្កត់ក្រុមការពារតំណែងជើងឯក Real Madrid មិន ឲ្យងើបមុខរួចតាមរយៈបំបាក់ ២-០ យប់មិញនេះប្រចាំ ជើងទី១វគ្គ១៦ក្រុមចុងក្រោយនៃព្រឹត្តិការណ៍ពានរង្វាន់លំដាប់ទី២ Copa del Rey ។</span></p>
<p><span style="color: #000000;">នេះជាកិច្ចបើកទំព័រថ្មីមួយទៀតសម្រាប់ខ្សែប្រយុទ្ធ Fernando Torres ដែលបានវិលមកកាន់ក្លឹបចាស់ At.Madrid វិញ ក្នុងជាកីឡាករខ្ចីជើងទីក្លឹបអ៊ីតាលី AC Milan ក្នុងការបំបាក់ក្រុមខ្លាំងរបស់លោក Carlo Ancelotti នៅកីឡដ្ឋាន Vicente Calderon ដោយមានអ្នកចូលរួមទស្សនាជាង៤៥០០០នាក់ ។ ក្នុងជំនួបដ៏ស្វិតស្វាញនេះដែរកីឡាករខ្សែ បម្រើ Raul Garcia បានស៊ុតបាល់ប៉េណាល់ទីបើកឆាកនៅនាទី៥៨ មុនពេលមិត្តរួមក្រុម Jose Gimenez ធ្វើបានសម្រេចគ្រាប់ទីនៅនាទី៧៦ដែលជាគ្រាប់បាល់ធ្វើឲ្យ Real Madrid ឈឺចាប់បំផុត ។</span></p>
<p><span style="color: #000000;">ក្នុងរយៈពេល ២ទៅ៣ឆ្នាំចុងក្រោយនេះ Real Madrid កម្រលេងឈ្នះក្រុមម្ចាស់ផ្ទះ Atletico Madrid ហើយមានពេលខ្លះទៀតក្រុមស្តេចសមួយនេះក៏បានលេងចាញ់ At.Madrid នៅកីឡដ្ឋាន Santiago Bernabeu ផងដែរ ។ ក្រុម ដែលឈ្នះជើងឯក Copa del Rey កាលពីឆ្នាំ២០១៣ At.Madrid នឹងជួបប្រកួតជាមួយក្រុម FC Barcelona នៅ La Liga នាថ្ងៃអាទិត្យចុងសប្តាហ៍ មុនពេលធ្វើដំណើរទៅជួប Real Madrid ក្នុងជើងទី២នាថ្ងៃទី១៥ ខែមករា ឆ្នាំ២០១៥ ដោយទាមទារឲ្យ Real Madrid រកឲ្យបានចាប់ពីគ្រាប់ឡើងទៅផងដែរដើម្បីប្រជែងយកកៅអីវគ្គ៨ក្រុម ៕</span></p>
<p><span style="color: #000000;"><a class="thickbox" title="" href="/FileManager/Commons/2015/1/8/80-08-01-2015--09-58-30.jpg"><img src="/FileManager/Articles/mce/2015/1/8/80-08-01-2015--09-58-30.jpg" alt="" /></a></span></p>
<p><a class="thickbox" title="" href="/FileManager/Commons/2015/1/8/81-08-01-2015--09-58-36.jpg"><img src="/FileManager/Articles/mce/2015/1/8/81-08-01-2015--09-58-36.jpg" alt="" /></a></p>
<p><object width="499" height="428" data="http://www.youtube.com/v/0Ia0nczsmSE&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/0Ia0nczsmSE&rel=1" /></object><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>