<p><span style="color: #000000;"><strong>(ក្រុងឡុងដ៍)៖</strong> លោក Antonio Conte ដែលជាគ្រូបង្វឹកក្រុមតោខៀវ Chelsea បានព្រមានកូនក្រុមរបស់ខ្លួនថា Chelsea នៅមិនទាន់ធានាបាន ១០០% ថានឹងឈ្នះពាន Premier League នារដូវកាលនេះនៅឡើយ បើទោះបីជានាំមុខកំពូលតារាងរហូតដល់ទៅ ៩ពិន្ទុក៏ដោយ នេះបើយោងតាម BBC។</span></p>
<p><span style="color: #000000;">អតីតគ្រូបង្វឹកក្រុមជម្រើសជាតិអ៊ីតាលីខាងលើបានធ្វើការពន្យល់អ្នកគាំទ្រទាំងឡាយ ក៏ដូចជាព្រមានកូនក្រុមរបស់ខ្លួនថា <strong>«វាមិនទាន់ឆ្លងផុតគ្រោះថ្នាក់នៅឡើយទេ និងក៏មិនទាន់សង្ឃឹមទាំងស្រុងដែរ ថា Chelsea ពិតជាឈ្នះជើងឯក Premier League នារដូវកាលឆ្នាំ២០១៦-២០១៧ នេះ ក្នុងខណៈដែលកំពុងនាំមុខក្រុមលេខ២ Tottenham Hotspur ៧ពិន្ទុក៏ដោយ ដែលវាតិចណាស់សម្រាប់គូប្រជែងពីបណ្តាក្លឹបធំៗជាច្រើនទៀត»</strong>។</span></p>
<p><span style="color: #000000;">លោក Conte បន្ថែមទៀតថា ថ្វីត្បិតតែយើងបានយកឈ្នះក្រុមខ្លាំងៗអស់ទៅហើយមែន តែនៅចុងបញ្ចប់នៃរដូវកាល គឺពិតជាស្វិតខ្លាំងឡើង ដោយសារតែក្រុមនាំមុខ ប្រជែងគ្នាយកកៅអីលេងក្នុងពានរង្វាន់អឺរ៉ុប (Champions League និង UEFA Europa League) ហើយក្រុមខ្សោយៗ ប្រជែងគ្នា ដើម្បីយកកៅអីបន្តលេងនៅ Premier League រដូវ កាលក្រោយ។</span></p>
<p><span style="color: #000000;">តែផ្ទុយទៅវិញ ក្នុងនាមជាគ្រូបង្វឹកដូចគ្នាលោក Pep Guardiola បានលើកឡើង ក្រោយពីក្រុម Manchester City របស់រងបរាជ័យ ៤-០ នៅពហុកីឡដ្ឋាន Stamford Bridge ក្នុងជើងទី២ថា Chelsea គឺពិតជាឈ្នះជើងឯក Premier League នារដូវកាលនេះយ៉ាងប្រាកដ គ្រាដែលលោក Arsene Wenger គ្រូបង្វឹកក្រុមកាំភ្លើងធំ Arsenal ក៏បានលើក ឡើងបែបនេះដូចគ្នា បន្ទាប់ពី Arsenal បានចាញ់ Chelsea ៣-១ វិញនោះ តែកីឡាករខ្សែបម្រើប្រយុទ្ធ Mesut Ozil ថា Arsenal មិនទាន់អស់សង្ឃឹមទេ គឺនៅមានឱកាសលើកពានលំដាប់កំពូលអង់គ្លេសមួយនេះក្នុងរដូវកាលនេះទៅ វិញ។</span></p>
<p><span style="color: #000000;">សូមបញ្ជាក់ផងដែរថា នេះជាឆ្នាំដំបូងដែលលោក Antonio Conte មកដឹកនាំ Chelsea បន្ទាប់ពីលាឈប់ពីក្រុម ជម្រើសជាតិអ៊ីតាលី ហើយនៅតែ១៤ប្រកួតទៀតប៉ុណ្ណោះ នឹងបិទរដូវកាល Premier League វិញហើយ ហើយបើពិត ជា Chelsea ឈ្នះពានវិញនោះ នោះមានន័យថា Chelsea ខកខានតែ ១ឆ្នាំក្នុងការឈ្នះពាននេះ បន្ទាប់ពីក្លឹបមួយនេះ ឈ្នះក្នុងឆ្នាំ២០១៥ ក្រោមការដឹកនាំរបស់គ្រូបង្វឹក Jose Mourinho ដែលត្រូវបានបណ្តេញចេញពីតំណែងកាលពីចុង ឆ្នាំ២០១៥ កន្លងទៅ៕</span></p>
<p><span style="color: #000000;"><img class="irc_mi" src="http://cdn.images.express.co.uk/img/dynamic/67/590x/secondary/Chelsea-latest-news-Antonio-Conte-773256.jpg" alt="លទ្ធផលរូបភាពសម្រាប់ antonio conte" width="590" height="405" /></span></p>
<p><span style="color: #000000;"><img class="irc_mi" src="http://www.chelseafc.com/content/cfc/en/homepage/news/boilerplate-config/latest-news/2016/11/report-chelsea-v-everton.img.png" alt="លទ្ធផលរូបភាពសម្រាប់ chelsea" width="640" height="360" /></span></p>
<p><span style="color: #000000;"><img class="spotlight" src="https://scontent-kul1-1.xx.fbcdn.net/v/t1.0-9/16649391_1846823428890507_1240859116329154583_n.png?oh=497799b6f7a955e73fdc1f39e362b867&oe=593E5A9D" alt="No automatic alt text available." /></span></p>
<p style="text-align: center;"><span style="color: #000000;">តារាងពិន្ទុបណ្តោះអាសន្ន ប្រចាំសប្តាហ៍ទី២៤</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>