<p>ព័ត៌មានអន្តរជាតិ ៖ ទំព័រសារព័ត៌មាន បរទេស ស៊ីអិនអិន កាលពីប៉ុន្មានម៉ោង មុននេះ បានចេញផ្សាយ អត្ថបទសារព័ត៌មាន អោយដឹងថា នៅឯ ប្រទេស ឥណ្ឌា ឯណោះវិញ បុរស ៣ នាក់ ត្រូវបានរដ្ឋាភិបាល ប្រទេសនេះ សម្រេច កាត់ទោស ប្រហារជីវិត ក្រោយពីពួកគេ បានប្រព្រឹត្តិល្មើលច្បាប់ ចាប់រំលោភស្រ្តី ភេទជាច្រើនលើកច្រើនសា នៅក្នុងប្រទេស ពោល រំលោភស្រ្តី ពីរនាក់ នៅកណ្តាលក្រុង Mumbai កាលពីអំឡុងឆ្នាំមុន នេះបើតាមការអោយដឹងពីលោក Ujjwal Nikam ជាព្រះរាជអាជ្ញាម្នាក់ ។</p>
<p><a class="thickbox" title="" href="/FileManager/Commons/2014/4/5/01-05-04-2014--09-03-00.jpg"><img src="/FileManager/Articles/mce/2014/4/5/01-05-04-2014--09-03-00.jpg" alt="" /></a></p>
<p>លើសពីនេះ ប្រភពសារព័ត៌មានដដែល បន្តអោយដឹងថា បុរសដែលជាជនជាប់ចោទ ទាំង ៣នាក់នោះ មានឈ្មោះថា Vijay Jadhav, Mohammad Qasim និង Salim Ansari ។ លើសពីនេះ បើតាមសេចក្តី រាយការណ៍ បញ្ជាក់អោយដឹងថា ជនជាប់ចោទ ទាំងអស់ មានគ្នាដល់ទៅ ៥ នាក់ ដោយនៅក្នុងនោះ ៣ នាក់ ប្រឈមនឹងការកាត់ទោស ប្រហារជីវិត ខណៈម្នាក់ផ្សេងទៀត ប្រឈមនឹងការជាប់ពន្ធនាគារអស់ មួយជីវិត និងម្នាក់ទៀត ជាក្មេងជំទង់ ពុំទាន់ពេញវ័យ ស្ថិតនៅក្រោម ការសម្រេច ចិត្តនៅឡើយ ៕</p>
<p><a class="thickbox" title="" href="/FileManager/Commons/2014/4/5/02-05-04-2014--09-03-08.jpg"><img src="/FileManager/Articles/mce/2014/4/5/02-05-04-2014--09-03-08.jpg" alt="" /></a></p>
<p>គួររំឭកថា កាលពីប៉ុន្មានខែ កន្លងទៅនេះ មានការផ្ទុះការតវ៉ា ជាខ្លាំង នៅក្នុងក្រុង ក្នុងប្រទេសមួយនេះ ក្រោយពីមានករណី នារីម្នាក់ សម្រេចចិត្តសម្លាប់ខ្លួន ក្រោយពីត្រូវបានជនអន្ធពាល មួយក្រុម ចាប់រំ លោភនាង បានសម្រេច នៅលើ រថយន្តប៊ើស ក្នុងក្រុង ៕</p>
<p style="text-align: right;">ប្រែសម្រួល ៖ កុសល<br />ប្រភព ៖ ស៊ីអិនអិន</p>