<p><span style="color: #000000;">ព័ត៌មានអន្តរជាតិ ៖ ការវះកាត់សាកសព លោក Kim Jong Nam ដើម្បីធ្វើកោសល្យវិច័យនោះ បាន រួចសព្វគ្រប់ហើយ ក្រោយសពរបស់លោក ត្រូវបានគេលួចលបសម្លាប់ដោយអាថ៍កំបាំងបំផុត កាល ពីពេលថ្មីៗនេះ ។ </span></p>
<p><span style="color: #000000;"><a class="thickbox" title="" href="/FileManager/Commons/2017/2/16/12-16-02-2017--11-27-12.jpg"><img src="/FileManager/Articles/mce/2017/2/16/12-16-02-2017--11-27-12.jpg" alt="" /></a><br /></span></p>
<p><span style="color: #000000;">របាយការណ៍ បញ្ជាក់ឲ្យដឹងថាលោក Kim Jong Nam បានស្លាប់បាត់បង់ជីវិតនៅថ្ងៃច័ន្ទ ដើមសប្តាហ៍ នេះក្រោយពីត្រូវបានគេបំពុលឲ្យស្លាប់ ខណៈកំពុងតែអង្គុយរង់ចាំដើម្បីធ្វើការហោះហើរនៅព្រលាន យន្តហោះទីក្រុង Kuala Lumpur ប្រទេសម៉ាឡេស៊ី ។ ប្រភពពីមន្រ្តីប៉ូលីសក្នុងស្រុកអោយដឹងថា ស្រ្តីម្នាក់ នឹងលេចមុខចំពោះមុខតុលាការនៅថ្ងៃព្រហស្បត្តិ៍ ខណៈស្រ្តីទី ២ ត្រូវបានចាប់ឃាត់ខ្លួន ហើយ ពាក់ព័ន្ធនឹងការចោទប្រកាន់ សង្ស័យថាជាប់ពាក់ព័ន្ធនឹងការសម្លាប់លោក Kim Jong Nam ។ </span></p>
<p><span style="color: #000000;"><br /><a class="thickbox" title="" href="/FileManager/Commons/2017/2/16/13b-16-02-2017--11-27-34.jpg"><img src="/FileManager/Articles/mce/2017/2/16/13b-16-02-2017--11-27-34.jpg" alt="" /></a><br /></span></p>
<p><span style="color: #000000;">យ៉ាងណាមិញ មានសេចក្តីរាយការណ៍ធ្លាប់បានលើកឡើងឲ្យដឹងថា កូរ៉េខាងជើង គឺជាអ្នកនៅពី ក្រោយខ្នងចារនារី ២នាក់ ដែលបានសម្លាប់លោក Kim តែពុំមានការបញ្ជាក់អះអាង តាមវិជ្ជាជីវៈ នោះទេ ។ ដោយឡែក នៅថ្ងៃព្រហស្បត្តិ៍ ទី ១៦ នេះ កូរ៉េខាងជើង កំពុងតែប្រារព្ធខួបលើកទៅ ៧៥ នៃថ្ងៃកំណើត អតីតមេដឹកនាំរបស់ខ្លួន គីម ជុងអ៊ីល ដែលជាឪពុករបស់លោក គីម ជុងអ៊ុន និងលោក Kim Jong nam ។ គួរបញ្ជាក់ថា លោក គីម ជុងអ៊ុន នៅថ្ងៃពុធនេះ បានចូលរួមកិច្ចប្រជុំបក្ស កាន់អំណាចរបស់ខ្លួ តែបើយោងតាម ខ្សែអាថ៍ពីសារព័ត៌មានជាតិ កូរ៉េខាងជើង សរបញ្ជាក់យ៉ាង ច្បាស់ថា ទឹកមុខរបស់លោក ហាក់មានសភាពក្រៀមក្រំ ស្របពេលដែលលោក មិនបានលើកដៃ លាកិច្ចប្រជុំ ដូចដែលលោកបានធ្វើជាទម្លាប់ និងសព្វមួយដងនោះទេ ៕</span></p>
<p><span style="color: #0000ff;"><a href="/News/Detail/42688/kim-jong-nam-suspect-assassin-arrested-at-kl-international-airport" target="_blank"><span style="color: #0000ff;">-ក្តៅៗ ស្រ្តី ទី២ សង្ស័យសម្លាប់ លោក Kim Jong Nam នោះ ត្រូវបានចាប់ឃាត់ខ្លួនហើយ ពេលនេះ កំពុង...</span></a></span></p>
<p><span style="color: #000000;"><br /><a class="thickbox" title="" href="/FileManager/Commons/2017/2/16/13-16-02-2017--11-27-22.jpg"><img src="/FileManager/Articles/mce/2017/2/16/13-16-02-2017--11-27-22.jpg" alt="" /></a><br /></span></p>
<p><span style="color: #000000;"><br /><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ ប៊ីប៊ីស៊ី </span></p>