<p><span style="color: #000000;">ព័ត៌មានកីឡា៖ ក្លឹប Manchester United កាលពីម្សិលមិញបានសម្រេចទីផ្សារកីឡាករខ្សែប្រយុទ្ធម្នាក់ទៀត ហើយ មកពីក្លឹប Monaco ឈ្មោះថា Anthony Martial ក្នុងតម្លៃខ្លួន ៣៦ លានផោន មុនពេលទីផ្សារត្រូវបិទទ្វារ ជាស្ថាពរ។ </span></p>
<p><span style="color: #000000;">ខ្សែប្រយុទ្ធវ័យក្មេង របស់ក្លឹប Monaco ឈ្មោះថា Anthony Martial បានត្រូវ Man United យល់ព្រមចុះហត្ថលេខាផ្ទេរយកក្នុងតម្លៃខ្លួន ៣៦ លានផោន និងផ្ដល់ឲ្យកិច្ចកុងត្រារយៈពេល ៤ឆ្នាំ ដែលមានជម្រើសដល់ឆ្នាំទី ៥បន្ទាប់ពីផុតកិច្ចកុងត្រា។ Anthony Martial គឺជាមុខសញ្ញាកីឡាករខ្សែប្រយុទ្ធទី២ហើយ ដែល Man United ហ៊ានទិញបាន ក្នុងតម្លៃដែលថ្លៃ បន្ទាប់ពីកីឡាករ Angel Di Maria កាលពីឆ្នាំ ២០១៤ ដែលមានតម្លៃដល់ទៅ ៥៩.៧ លានផោន ជាតម្លៃបំបែកកំណត់ត្រាប្រចាំនៅអង់គ្លេស។ </span></p>
<p><span style="color: #000000;">Anthony Martial ធ្លាប់មានប្រវត្ដិត្រូវ Monaco ផ្ទេរចេញពីក្លឹប Lyon អស់រយៈពេល ២ឆ្នាំមកហើយ ក្នុងតម្លៃខ្លួន តែ ៤.៤លានផោនប៉ុណ្ណោះ ។ ហើយសមត្ថភាពរបស់ខ្សែប្រយុទ្ធស្បែកខ្មៅជនជាតិ បារាំងមួយនេះ ធ្លាប់ចូលលេងជាមួយ ក្លឹប Monaco បានចំនួន ៤៩ ប្រកួត ហើយអាចរកគ្រាប់បាល់បាន ១១គ្រាប់ផងដែរ។ </span></p>
<p><span style="color: #000000;"><a class="thickbox" title="" href="/FileManager/Commons/2015/9/2/9-2-2015-11-15-32-am-02-09-2015--11-22-03.png"><span style="color: #000000;"><img src="/FileManager/Articles/mce/2015/9/2/9-2-2015-11-15-32-am-02-09-2015--11-22-03.png" alt="" /></span></a></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ដោយ៖ អឿ អ៊ុយ</span></p>
<p style="text-align: right;"><span style="color: #000000;">ប្រភព៖ ប៊ីប៊ីស៊ី</span></p>