<p><span style="color: #000000;"><strong>(ភ្នំពេញ)៖</strong> បុរសម្នាក់រងរបួសធ្ងន់ និងម្នាក់ទៀតរងរបួសស្រាល នៅក្នុងហេតុការណ៍បាញ់រះជិត១០គ្រាប់ ពីបុរសស្រវឹងម្នាក់ នៅម៉ោង៣៖២០នាទីយប់ឈានចូល ថ្ងៃទី១១ ខែមករា ឆ្នាំ២០១៦ ស្ថិតនៅក្លឹប មេន ហាតធេន នៅជាប់ខាងក្រោយសណ្ឋាគារហូលីដេ ដែលជាក្លឹបធ្លាប់កើតរឿងបាញ់បោះរាប់ភ្លេច និងសង្ស័យប្រើប្រាស់គ្រឿងញៀនផងដែរ ស្ថិតនៅតាមបណ្តោយផ្លូវលេខ៥៦ ស្ថិតក្នុងសង្កាត់ស្រះចក ខណ្ឌដូនពេញ។</span></p>
<p><span style="color: #000000;">មន្ត្រីអាវុធហត្ថខណ្ឌដូនពេញមួយរូបបានឲ្យដឹងថា នៅមុនមានករណីបាញ់រះ ជនបង្កបានដឹកប្រពន្ធទៅរាំលេង នៅក្នុងក្លឹបកំសាន្តមួយកន្លែង ពេលកំពុងតែរាំ ក៏មានក្រុមផ្សេងទៀតមករាំប៉ះចង្កេះប្រពន្ធ ហើយជនសង្ស័យជាប្តី បានខឹងហើយនាំប្រពន្ធចេញមកក្រៅ និងបានឈ្លោះគ្នាជាមួយអ្នកដែលរាំប៉ះចង្កេះប្រពន្ធ។ នៅពេលនោះសន្តិសុខ ក៏បានឃាត់កុំឲ្យមានការឈ្លោះគ្នា ជនសង្ស័យក៏ព្រមឈប់ ហើយក៏បានលួងប្រពន្ធទៅផ្ទះ ជាមួយបងថ្លៃដែលនៅខាងក្រៅ ពេលនោះជនសង្ស័យបានជិះម៉ូតូតែម្នាក់ឯង ទៅយកកាំភ្លើងនៅផ្ទះ ពេលជិះមកដល់ ក៏បានឈប់ជិតកន្លែកើតហេតុ ហើយបានដកកាំភ្លើងចេញពីម៉ូតូ ធ្វើការបាញ់រះនៅបណ្តាលឲ្យត្រូវសន្តិសុខ២នាក់ ដែលកំពុងតែដើរចេញមកក្រៅ រកទិញទឹកផឹក ដោយ ជនរងគ្រោះម្នាក់ត្រូវត្រង់ពោះ និងម្នាក់ទៀតត្រូវដៃខាងស្តាំ។</span></p>
<p><span style="color: #000000;">សន្តិសុខដែលរងរបួស នៅក្នុងការបាញ់នោះទី១-ឈ្មោះ កង ចិត្រា អាយុ៤៦ឆ្នាំ និងទី២ឈ្មោះ ដុំ ធី អាយុ៤២ឆ្នាំ។ បន្ទាប់ពីបាញ់បណ្តាលឲ្យរងរបួសធ្ងន់ធ្ងរហើយ សន្តិសុខទាំងពីរត្រូវបានមិត្តភក្តិ ដែលធ្វើការជាមួយដឹកយកទៅសង្គ្រោះ នៅមន្ទីរពេទ្យកាល់ម៉ត្រភ្លាមៗ ដើម្បីឲ្យរួចផុតពីសេចក្តីស្លាប់។</span></p>
<p><span style="color: #000000;"><strong>រឺឯជនបង្កវិញបន្ទាប់ពីបាញ់ហើយ ត្រូវបានកម្លាំងអាវុធហត្ថខណ្ឌដូនពេញ ឃាត់ខ្លួនបានភ្លាមៗ រួមនិងអាវុធវែង១ដើមម៉ាក អឹមសី លេខ៥៦៧៧ គ្រាប់៦គ្រាប់ ម៉ូតូមួយគ្រឿង ម៉ាក PCX ស្លាកលេខភ្នំពេញ 1FB-9233 នៅកន្លែងកើតហេតុតែម្តង។</strong></span></p>
<p><span style="color: #000000;">កម្លាំងអាវុធហត្ថបានបន្តទៀតថា ជនបង្កនៅក្នុងការបាញ់បោះនោះឈ្មោះ ចៅ រង្សី អាយុ៣១ឆ្នាំ មុខរបរមិនពិតប្រាកដ និងស្នាក់នៅផ្ទះលេខ១១Eo សង្កាត់ស្រះចក ខណ្ឌដូនពេញ។ ជនបង្កក៏បានសារភាពថា កាំភ្លើងដែលប្រើប្រាស់ក្នុងការបាញ់នេះ គឺខ្លួនទិញមកពីមន្ត្រីយោធាមួយរូប នៅឯខេត្តប៉ៃលិន។ ជាចុងក្រោយជនបង្កត្រូវបាន កម្លាំងអាវុធហត្ថខណ្ឌដូនពេញ បញ្ជួនបន្តទៅកាន់ការិយាល័យជំនាញ នៃអាវុធហត្ថក្រុងភ្នំពេញ ដើម្បីចាត់ការទៅតាមផ្លូវច្បាប់។</span></p>
<p><span style="color: #000000;"><a class="thickbox" title="" href="/FileManager/Commons/2016/1/11/1-11-2016-1-35-22-pm-11-01-2016--13-43-17.png"><img src="/FileManager/Articles/mce/2016/1/11/1-11-2016-1-35-22-pm-11-01-2016--13-43-17.png" alt="" /></a></span></p>
<p><a class="thickbox" title="" href="/FileManager/Commons/2016/1/11/1-11-2016-1-35-10-pm-11-01-2016--13-43-45.png"><img src="/FileManager/Articles/mce/2016/1/11/1-11-2016-1-35-10-pm-11-01-2016--13-43-45.png" alt="" /></a></p>
<p><a class="thickbox" title="" href="/FileManager/Commons/2016/1/11/1-11-2016-1-35-44-pm-11-01-2016--13-43-58.png"><img src="/FileManager/Articles/mce/2016/1/11/1-11-2016-1-35-44-pm-11-01-2016--13-43-58.png" alt="" /></a></p>
<p><a class="thickbox" title="" href="/FileManager/Commons/2016/1/11/1-11-2016-1-34-35-pm-11-01-2016--13-44-19.png"><img src="/FileManager/Articles/mce/2016/1/11/1-11-2016-1-34-35-pm-11-01-2016--13-44-19.png" alt="" /></a></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វ្រេសញ៉ូវអាស៊ី</span></p>