<p><span style="color: #000000;"><strong>(អង់គ្លេស)៖</strong> ស្ត្រីជនជាតិអង់គ្លេសម្នាក់ ត្រូវបានគេរកឃើញកំហុសថា នាងបានបង្ហោះរូបភាពអាសអាភាស របស់ចៅហ្វាយប្រុស នៅលើអ៉ីនធឺណេត បន្ទាប់ពីនាងផ្ទុះកំហឹង នឹងមេនោះ ដែលបណ្តេញនាងចេញ ពីការងារ។</span></p>
<p><span style="color: #000000;">នាង Kaylea Reid អាយុ២៦ឆ្នាំ គឺជាបុគ្គលិកនៅ Affinity Trust ដែលជាអង្គការសប្បុរសធម៌ ស្វែងរកមូលនិធិជួយជនពិការ តែនាងក៏ត្រូវមេបណ្តេញចេញ ពីការងារ ហើយជាការសងសឹក នឹងចៅហ្វាយឈ្មោះ Robert Page ស្ត្រីរូបនេះ ក៏យករូបភាពអាក្រាតកាយ របស់មេ ដែលផ្ញើឲ្យមើលមុនពេលរៀបការ យកទៅបង្ហោះនៅលើទំព័រហ្វេសប៊ុក រកស៊ីរបស់ប្រពន្ធមេនោះតែម្ដង។</span></p>
<p><span style="color: #000000;">ដំបូង បុរសជាចៅហ្វាយ និងបុគ្គលិកស្រីរូបនេះ ហាក់ស្និទ្ធស្នាលនឹងគ្នា ក្រោយពីនាងបែកពីមិត្តប្រុស ទើបមានការផ្ញើរូបអាក្រាត ឲ្យគ្នាមើលបែបនេះ។ លុះក្រោយមក Page ក៏រៀបការប្រពន្ធថ្មី ដែលជានាយកក្រុមហ៊ុនមួយ ហើយក៏មានរឿងរ៉ាវ ជាមួយ Reid រួចបានបណ្តេញនាង ចេញពីការងារ ធ្វើឲ្យស្ត្រីរូបនេះ ផ្ទុះកំហឹងក៏បង្ហោះរូបអាក្រាត របស់ចៅហ្វាយ ដើម្បីធ្វើឲ្យគេរងការអាម៉ាស់។</span></p>
<p><span style="color: #000000;">Reid ប្រឈមនឹងការជាប់គុក រយៈពេល២ឆ្នាំ តែក៏ត្រូវតុលាការបន្ធូរបន្ថយទោស នៅត្រឹម៦ខែវិញ ហើយក៏មិនបានបញ្ជាឲ្យនាងបង់សងជំងឺចិត្ត អ្វីដែរ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/11/13/09b-13-11-2016--17-00-01.png"><img src="/FileManager/Articles/mce/2016/11/13/09b-13-11-2016--17-00-01.png" alt="" /></a><br /></span></p>
<p> </p>
<div id="news_detail" class="postcontainer">
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
</div>