<div>
<p><span style="color: #000000;"><strong>(ក្រុងឡុងដ៍)៖</strong> របួសសរសៃពួរជើងធ្ងន់ធ្ងរ បានធ្វើឲ្យកីឡាករខ្សែការពារ John Terry អវត្តមានពីក្លឹប៥ប្រកួតមកហើយ និងបន្តអត់បានជួយ ក្រុមតោខៀវ Chelsea ទៀតពេលប៉ះក្រុមភ្ញៀវ Paris Saint Germain នៅក្របខណ្ឌកំពូល Champions League ជើងទី២ វគ្គ១៦ក្រុមរាត្រីខានស្អែកនេះ ។</span></p>
<p><span style="color: #000000;">កាលពីជើងទី១ នៅទឹកដីនៃកីឡដ្ឋាន Stade de France ដែលប្រកួតចាញ់ម្ចាស់ផ្ទះ PSG ត្រឹមតែលទ្ធផល បច្ចេកទេស ២-១ ខ្សែការពារប្រធាន ក្រុម John Terry បានចូលលេងពេញម៉ោង តែអាចនឹងចូលលេងវិញបាន នៅពេលដែល Chelsea ប៉ះជាមួយ Everton នៅពាន FA Cup វគ្គ៨ក្រុមចុងក្រោយនៅរាត្រីថ្ងៃ សៅរ៍ចុងសប្តាហ៍នេះ ។ </span></p>
<p><span style="color: #000000;">កីឡាករជនជាតិអង់គ្លេសវ័យ៣៤ឆ្នាំ John Terry មិនបានចូលលេងទេ ពេល Chelsea ប្រកួតបានត្រឹមស្មើ ១-១ ទល់នឹង ភ្ញៀវ Stoke City កាលពីរាត្រីថ្ងៃសៅរ៍ សប្តាហ៍មុន ខណៈដែលខ្សែប្រយុទ្ធ Diego Costa ក៏ត្រូវបានប្តូរចេញ ដែរ ដោយសារតែមានបញ្ហារបួសតិច តែស្អែកកីឡាករដើមកំណើតប្រេស៊ីល ជនជាតិអេស្ប៉ាញខាងលើអាចនឹងចូល លេងបានធម្មតា ព្រោះជាជំនួបស្លាប់-រស់ ដើម្បីប្រជែងយកកៅអីមួយឡើងទៅវគ្គ៨ក្រុមចុងក្រោយ ដោយ Chelsea ត្រូវរកឲ្យបានចាប់ពី១គ្រាប់ឡើងទៅផងដែរ ទើបអាចចរចាជាមួយនឹងក្រុមជើងឯកបារាំង Paris ។</span></p>
<p><span style="color: #000000;">ខ្សែការពារ Gary Cahill និង Branislav Ivanovic ជាអ្នកទទួលរ៉ាប់រងក្នុងតំបន់ការពារ ពេលជួបក្រុមខ្លាំង PSG យប់ ខានស្អែកនេះ ៕</span></p>
<p style="text-align: center;"><span style="color: #000000;"><img src="http://cdn.thisisfutbol.com/wp-content/uploads/2015/04/John-Terry.jpg?admin" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/03/06/22/31E2A8DE00000578-0-image-a-88_1457302989975.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/03/06/22/31E3161000000578-0-image-a-91_1457303000826.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/03/06/22/31E512FB00000578-0-image-a-89_1457302992537.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/03/06/22/31E33E8500000578-0-image-a-92_1457303083777.jpg" alt="" width="730" /></span></p>
<p style="text-align: right;"><span class="a2a_kit a2a_kit_size_32 addtoany_list" style="line-height: 32px; color: #000000;" data-a2a-url="http://www.freshnewsasia.com/index.php/en/19431-2016-03-06-02-00-11.html" data-a2a-title="ឃាតកម្មសាហាវមួយទៀតហើយនៅសៀមរាប យុវជនល្មោភកាមរំលោភហើយសម្លាប់ កុមារីអាយុ១១ឆ្នាំម្នាក់"><a class="a2a_button_google_plus" rel="nofollow" href="http://www.freshnewsasia.com/#google_plus" target="_blank"><span class="a2a_label" style="color: #000000;"><br class="a2a_label" /></span></a>ផ្តល់សិទ្ធដោយ ៖ ហ្វ្រេសញូវអាស៊ី </span></p>
</div>