<p>កាលពីវេលាម៉ោង ១២និង២០នាទី រសៀល ថ្ងៃទី១៩ ខែមិថុនា ឆ្នាំ២០១២ នេះ បុរសម្នាក់ អាយុ<br />ជាង ៤០ឆ្នាំ ត្រូវបានគេដឹងថា ជាអ្នកកាសែតនៅអង្គភាព រស្មីបុរី ត្រូវបានជនមិនស្គាល់មុខ ចាក់<br />សាំងដុតទាំងរស់ ខណៈដែលជនរងគ្រោះរូបនេះ កំពុងដេកលក់ នៅលើប៉ាវអ៊ី ក្រោមដើមស្វាយ<br /> ក្នុងបរិវេណ ពុទ្ធសាសនបណ្ឌិត្យ ក្បែរវិមានរដ្ឋសភា ក្នុងសង្កាត់ទន្លេបាសាក់ខណ្ឌចំការមន ។ <br />គេមិនទាន់ ដឹងថា តើជនរងគ្រោះ មានស្ថានភាពយ៉ាងណានោះទេ ខណៈកំពុងជួយសង្គ្រោះជា<br />បន្ទាន់ នៅក្នុងមន្ទីរពេទ្យកាល់ ម៉ែត ។</p>
<p><a class="thickbox" title="" href="/FileManager/Commons/2012/6/20/chaksang-20-06-2012--09-02-33.jpg"><img src="/FileManager/Articles/mce/2012/6/20/chaksang-20-06-2012--09-02-33.jpg" alt="" /></a></p>
<p>យោងតាមប្រភពព័ត៌មានពីកាសែតដើមអម្ពិលបានឲ្យដឹងថា លោក អ៊ឹម វុទ្ធី អាយុជាង ៤០ឆ្នាំ ក្រៅ<br />ពីធ្វើជាអ្នកកាសែតក្នុងអង្គភាព ដែលមិនល្បីឈ្មោះមួយនេះ ជនរងគ្រោះបានរត់ម៉ូតូកង់បី ដើម្បីរក<br />ប្រាក់ចំណូល បន្ថែមក្នុងគ្រួសារ ។</p>
<p>លុះដល់វេលាម៉ោង ១២ និង២០នាទី រសៀលថ្ងៃទី១៩ ខែមិថុនា ឆ្នាំ២០១២ ដោយសារតែ រាងអស់<br />កម្លាំងបន្ដិច ជនរងគ្រោះរូបនេះ បានចតម៉ូតូកង់បីរបស់ខ្លួន រួចហើយទៅដេកនៅលើប៉ាវអ៊ី ក្រោម<br />ដើម ស្វាយ ក្នុងបរិវេណពុទ្ធសាសនបណ្ឌិត្យ ក្បែរវិមានរដ្ឋសភា។ ពេលកំពុងដេកលក់ យ៉ាងស្កប់<br />ស្កល់នោះ ស្រាប់តែមានជនមិនស្គាល់មុខម្នាក់ បានជិះម៉ូតូមួយគ្រឿង មកឈប់នៅកន្លែងជនរង<br />គ្រោះ ដេក ពេលនោះបានយកសាំងចាក់ទៅលើជនរងគ្រោះ រួចដុតតែម្ដង ហើយគេចខ្លួនបាត់ <br />ដោយសុវត្ថិភាព។</p>
<p><a class="thickbox" title="" href="/FileManager/Commons/2012/6/20/chaksang-2-20-06-2012--09-03-10.jpg"><img src="/FileManager/Articles/mce/2012/6/20/chaksang-2-20-06-2012--09-03-10.jpg" alt="" /></a></p>
<p>យ៉ាងណាក៏ដោយ សមត្ថកិច្ចមិនទាន់អាចបញ្ជក់ពីហេតុផលពិត ប្រាកដ ដែលនាំឱ្យមានការ ដុត<br />មនុស្សទាំងរស់នេះនៅឡើយទេ ហើយបច្ចុប្បន្នកំពុងធ្វើការ ស្រាវជ្រាវ តាមចាប់ ឃាតក៕</p>
<p style="text-align: right;"><br />ដោយ៖ មិនា<br />ប្រភព៖ ដើមអម្ពិល</p>