<p><span style="color: #000000;"><strong>ភ្នំពេញៈ</strong> តារាសម្តែងសាច់សរម៉ដ្ឋរលោង ធ្លាប់មានឈ្មោះបោះសំឡេង តាមរយៈការសម្តែង ឈុតកាយវិការក្នុងបទ «ចោលបងទៅស្នេហ៍អ្នកណា» របស់លោក ឆន សុវណ្ណរាជ កញ្ញា ពេជ្រ សុវណ្ណសក្កដា បានសម្រចផ្តាច់ខ្លួន ពីសិល្បៈទៅទាំងស្រុងហើយ ក្រោយពីលេចឮព័ត៌មានថា នាងមានអ្នកមានទ្រព្យស្តុកម្នាក់ ចំាជួយទំនុកបម្រុង លើការរស់នៅរបស់នាង គ្រប់បែបយ៉ាង ។</span></p>
<p><span style="color: #000000;">អស់រយៈពេលជាង៣ឆ្នាំហើយ ដែលតារាសម្តែងស្រីវ័យក្មេង ពេជ្រ សុវណ្ណសក្កដា បានដកឃ្លាចេញ ពីពិភពសិល្បៈ ទៅសម្ងំ រស់នៅយ៉ាងមានក្តីសុខ ដោយនាងធ្លាប់បានអះអាងថា ការបាត់មុខនាងចេញពីសង្វៀនសិល្បៈ គឺនាង ទៅសម្ងំជួយមើលចំការកៅស៊ូ របស់ម្តាយ នៅឯខេត្តកំពង់ចាម ។ ម្យ៉ាងទៀតក្រុមគ្រួសារ របស់នាង មានការរារាំងមិនចង់ឲ្យនាង នៅបន្តអាជីពសិល្បៈ ហេតុនេះ នាងក៏ផ្តាច់ខ្លួនតែម្តង ។</span></p>
<p><span style="color: #000000;">បើទោះបីជា តារាសម្តែងរូបស្អាត ធ្មេញជំពើស កញ្ញា ពេជ្រ សុវណ្ណសក្កដា បានផ្តាច់ខ្លួនពីសិល្បៈ អស់ពេលច្រើនឆ្នាំហើយក៏ដោយ តែនាងនៅតែទទួលបានការគាំទ្រ និងការតាមដានជីវិតឯកជន មិនឈប់មិនឈរទេ ។ ជាក់ស្តែងដូចកាលពីពេលថ្មីៗនេះ មានព័ត៌មានដ៏រសើបមួយ បានលេចឮតៗគ្នាថា មូលហេតុដែលនាងឈប់ពីសិល្បៈ ដោយសារតែនាងមានអ្នកមានទ្រព្យ ចាំជួបទំនុកបម្រុង ជីវិតរស់នៅ ឲ្យនាងរស់នៅលើគំនរមាសប្រាក់ ដោយមិនចាំបាច់មកសន្សំប្រាក់កាស ពីសិល្បៈ ហាលខ្យល់ ហាលភ្លៀងនោះទេ ។</span></p>
<p><span style="color: #000000;">ទាក់ទងទៅនឹងព័ត៌មាន ដែលលេចឮថា តារាស្រី កញ្ញា ពេជ្រ សុវណ្ណសក្កដា មានអ្នកចាំជួយឧបត្ថម្ភ ពីក្រោយខ្នងនោះ គឺជាគូស្នេហ៍របស់នាង ឬយ៉ាងណានោះ គេហទំព័រ LookingTODAY មិនទាន់អាចទាក់ទង ទៅតារាស្រីរូបនេះបានទេ នៅព្រឹកថ្ងៃទី៦ ខែសីហានេះ ដោយសារទូរស័ព្ទដែលនាង ធ្លាប់ប្រើមិន អាចទាក់ទងបាន ៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/6/70-06-08-2015--16-20-44.jpg"><img src="/FileManager/Articles/mce/2015/8/6/70-06-08-2015--16-20-44.jpg" alt="" /></a></span></p>
<p><a class="thickbox" title="" href="/FileManager/Commons/2015/8/6/71-06-08-2015--16-20-51.jpg"><img src="/FileManager/Articles/mce/2015/8/6/71-06-08-2015--16-20-51.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/6/70-06-08-2015--16-20-44.jpg"></a></span></p>
<p><a class="thickbox" title="" href="/FileManager/Commons/2015/8/6/72-06-08-2015--16-20-58.jpg"><img src="/FileManager/Articles/mce/2015/8/6/72-06-08-2015--16-20-58.jpg" alt="" /></a></p>
<p><a class="thickbox" title="" href="/FileManager/Commons/2015/8/6/73-06-08-2015--16-21-05.jpg"><img src="/FileManager/Articles/mce/2015/8/6/73-06-08-2015--16-21-05.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>