<div class="article-content">
<p><strong>-ក្រុមអង្គរក្សព្រមានអ្នកកាសែតមិន ឱ្យថតរូប</strong> <br /><br /><strong>ភ្នំពេញ ៖</strong> គ្រោះថ្នាក់ចរាចរ ក្នុងទ្រង់ ទ្រាយបន្ដិចបន្ដួច នៅរង្វង់មូលទួលគោក កាលពីវេលា<br />ម៉ោងប្រហែល ៩យប់ ថ្ងៃទី ២៨ ខែមីនា ឆ្នាំ ២០១៣ គឺកើតឡើងរវាង រថយន្ដស៊េរីទំនើប ដែល<br />គេអះអាងថា ជារថយន្ដម៉ាក ហ្ស៊ីប ពណ៌ស បានប៉ះជាមួយ រថយន្ដឡង់គ្រីស័រ ស្រាប់តែលោក<br />ជំទាវម្នាក់ ដែលគេមិនស្គាល់ឈ្មោះជិះ នៅក្នុង ហ្ស៊ីបនោះ បានបោះពាក្យសំដីឱ្យម្ចាស់ រថយន្ដ<br />ឡង់គ្រីស័រ ធ្វើដូចដើមទាំងអស់ រួចហើយជិះរថយន្ដមួយគ្រឿងផ្សេងទៀត ម៉ាក លុច្សស៊ីស <br />៥៧០ ចេញទៅបាត់ទៅ ទុកតែក្រុមអង្គរក្ស នៅដោះស្រាយ ។</p>
<p>យោងតាមសេចក្ដីរាយការណ៍ ពីសាក្សី នៅកន្លែងកើតហេតុ បានឱ្យដឹងថា នៅ វេលាម៉ោងកើត<br />ហេតុខាងលើ មានរថយន្ដ ម៉ាកហ្ស៊ីប ពណ៌ស ១គ្រឿង ពាក់ស្លាកលេខ រដ្ឋ ០៨-២-០៩១៣ ធ្វើ<br />ដំណើរពីស្ដុបទួល គោក ដោយមានរថយន្ដស៊េរីទំនើប២-៣ គ្រឿងផ្សេងទៀត ម៉ាកលុច្សស៊ីស<br /> ៤៧០ និង ៥៧០ ធ្វើដំណើរពីមុខពីក្រោយអម រថយន្ដមួយនេះ ដែលគេឃើញថា មានលោកជំទាវ<br />ម្នាក់ ជិះនៅក្នុងរថយន្ដ ប៉ុន្ដែ មិនដឹងថា មានឈ្មោះអ្វីនោះទេ ។ សាក្សី បានបន្ដថា បន្ទាប់មកនៅ<br />ពេលដែល រថយន្ដ ខាងលើនេះ ធ្វើដំណើរទៅដល់រង្វង់មូល ខណ្ឌទួលគោក គាប់ជួនមានរថយន្ដ<br />ឡង់គ្រីស័រ ១គ្រឿង បើកបរដោយបុរសម្នាក់ និង អមដំណើរដោយស្ដ្រីម្នាក់ និងក្មេងតូចម្នាក់ទៀត<br />នោះ កំពុងធ្វើដំណើរស្របទិសគ្នានៅ ខាងស្ដាំដៃ ។ ពេលនោះរថយន្ដដែលលោក ជំទាវជិះ បាន<br />បើកវ៉ាទៅមុន ក៏ប៉ះផ្នែកខាង មុខរបស់រថយន្ដ ឡង់គ្រីស័រតែម្ដង បណ្ដាល ឱ្យរងការខូចខាត មិន<br />ធ្ងន់ធ្ងរនោះឡើយ ។</p>
<p>យោងតាមសាក្សីបានបន្ដថា បន្ទាប់ពី មានគ្រោះថ្នាក់ចរាចរបន្ដិចបន្ដួចខាងលើ នេះ លោកជំទាវ<br />ដែលជិះនៅក្នុងរថយន្ដ ស៊េរីទំនើបបានចុះពីលើរថយន្ដ ហើយប្រាប់ម្ចាស់រថយន្ដឡង់គ្រីស័រនោះ<br />ថា ធ្វើឱ្យដូចដើម រួចហើយលោកជំទាវក៏បានជិះរថយន្ដ លុច្សស៊ីស ៥៧០មួយគ្រឿងទៀត ចេញ<br />ពីកន្លែងកើតហេតុបាត់ទៅ ទុកឱ្យតែកូនចៅ និងអង្គរក្សរបស់ខ្លួនចរចា ជាមួយភាគីម្ខាងទៀត ។</p>
<p>ជាមួយគ្នានេះ ក្រោយពីមានគ្រោះថ្នាក់ ចរាចរកើតឡើង អ្នកកាសែតក្នុងស្រុកមួយ ចំនួន បាននាំ<br />គ្នាជិះម៉ូតូចង់ដាច់ច្រវ៉ាក់ទៅ យកព័ត៌មាន និងថតរូបភាពនៅកន្លែង កើតហេតុ ដោយសារតែដឹងថា<br /> រថយន្ដបង្កគ្រោះ ថ្នាក់ខាងលើសុទ្ធតែរថយន្ដស៊េរីទំនើប ដូច្នេះច្បាស់ជាអ្នកជិះនៅក្នុងរថយន្ដនោះ<br /> ជាអ្នកមានមុខមាត់ និងបុណ្យស័ក្ដិជាក់ជាមិនខាន ។ ប៉ុន្ដែ ពេលទៅដល់កន្លែងកើតហេតុ ក៏ចាប់<br />ទាញយកកាម៉េរាថតទិដ្ឋភាព នៃគ្រោះថ្នាក់ចរាចរនេះ ប៉ុន្ដែគ្រាន់តែចាប់ផ្ដើមថតបានមួយប៉ុស្ដិ៍ ពីរ<br />ប៉ុស្ដិ៍ ក៏ត្រូវក្រុមអង្គរក្ស របស់លោកជំទាវខាងលើមករារាំង ហើយនិយាយថា លោកឯងមានសិទ្ធិ<br />មកថតអី ហើយមានការអនុញ្ញាតពីសាម៉ីខ្លួន ដែរឬអត់ ?</p>
<p>យ៉ាងណាក៏ដោយចំពោះការ ថតរូបទិដ្ឋភាពគ្រោះថ្នាក់ចរាចរខាងលើនេះ របស់អ្នកកាសែតមិន<br />ខុសនោះឡើយ ពីព្រោះតែគ្រោះថ្នាក់ចរាចរនេះ បានកើតឡើងនៅលើផ្លូវសាធារណៈ ដូច្នេះពុំ<br />មាន នរណាម្នាក់ មានសិទ្ធិហាមឃាត់នោះទេ ។ បន្ទាប់ពីក្រុមអង្គរក្ស មករារាំង និងមិន ឱ្យអ្នក<br />កាសែតថតហើយមើលទៅ ទំនងចង់ សម្លុតគំរាមកំហែង មកលើអ្នកកាសែតផងនោះ ស្រាប់តែ<br />មន្ដ្រីនគរបាលចរាចរខណ្ឌ ទួលគោក ដែលចុះមកវាស់វែង និងអន្ដរាគមន៍ គ្រោះថ្នាក់ចរាចរ នេះ<br />បានប្រាប់ទៅ ក្រុមអង្គរក្សថា អនុរដ្ឋលេខាធិការក្រសួង យុត្ដិធម៌ម្នាក់ បានរត់ចោលស្រុកបាត់<br />ហើយ ព្រោះតែបានវាយតប់ និងប្រើអំពើហិង្សា លើអ្នកកាសែតនោះ ។ យ៉ាងណាក៏ដោយពុំ<br /> មានព័ត៌មានច្បាស់ការណ៍ណាមួយ ពីសមត្ថកិច្ចបញ្ជាក់អំពីអត្ដសញ្ញាណលោកជំទាវ នោះឡើយ<br /> ដោយឡែកសំណងយ៉ាងណា នោះ ក៏មិនទាន់ដឹងដែរ ខណៈដែលក្រោយ កើតហេតុភ្លាមៗ និង<br />សុំឱ្យធ្វើរថយន្ដដូច ដើមពីសំណាក់លោកជំទាវនោះ ម្ចាស់រថយន្ដឡង់គ្រីស័រ ក៏បាននិយាយតប<br />ទៅវិញថា លោករង់ចាំឱ្យខាងក្រុមហ៊ុនធានា រ៉ាប់រង មកដោះស្រាយផងដែរ ៕</p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0806.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0807.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0808.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0809.jpg" alt="Photo by DAP-News" width="400" /></p>
<p style="text-align: center;"><img src="http://111.92.240.170:81/dap-news/dap-images/2013/March/id-015/T-0810.jpg" alt="Photo by DAP-News" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>