<p><span style="color: #000000;"><strong>(ព្រះសីហនុ)៖</strong> កម្លាំងនគរបាលខេត្តព្រះសីហនុ នៅយប់ថ្ងៃទី៧ ខែកុម្ភៈ ឆ្នាំ២០១៦នេះ បានចាប់ខ្លូនបុរសជនជាតិអេស្ប៉ាញម្នាក់ ក្រោយសម្លាប់មិត្តភក្តិរបស់ខ្លួន យកសពទៅទម្លាក់ទឹក នៅប្រទេសថៃ ហើយរត់មកសម្ងំលាក់ខ្លួន នៅខេត្តព្រះសីហនុ ប្រទេសកម្ពុជា។</span></p>
<p><span style="color: #000000;">ស្នងការនគរបាលខេត្តព្រះសីហនុ លោកឧត្តមសេនីយ៍ ជូន ណារិន្ទ បានបញ្ជាក់ថា ជនសង្ស័យរូបនេះត្រូវចាប់ខ្លួន នៅហាងឈ្មោះ ឆាលី ហេបភេី ស្ថិតក្នុងសង្កាត់លេខ២ ក្រុងព្រះសីហនុ ដែលមានឈ្មោះ Segarra Princep អាយុ៣៧ឆ្នាំ សញ្ជាតិអេស្ប៉ាញ កាន់លិខិតឆ្លងដែនលេខ AAI515994 មានសុពលភាព 29.01.2024 ទិដ្ឋាកាលេខ TI 09758149 មានសុពលភាព 08.10.2015។</span></p>
<p><span style="color: #000000;">លោកឧត្តមសេនីយ៍ស្នងការ បានបញ្ជាក់ថា <strong>«ជនជាតិអេស្ប៉ាញនេះយើងឃាត់ខ្លួនក្នុងករណី ឃាតកម្មសម្លាប់មិត្តភក្ដិខ្លួន ទំលាក់ចោលក្នុងទឹក នៅប្រទេសថៃ ហើយរត់គេចខ្លួនចូលមកប្រទេសកម្ពុជា មកសម្ងំលាក់ខ្លួនក្នុងខេត្តព្រះសីហនុ។ ជនបរទេសរូបនេះ កម្លាំងនឹងបញ្ជូនខ្លួនទៅកាន់ នាយកដ្ឋានអន្តោប្រវេសន៍ នៅថ្ងៃស្អែក»</strong>៕</span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xpl1/v/t1.0-9/12669564_1555325208115178_2536894462401300207_n.jpg?oh=ae2f37f74a794cd121df588dc0d0af63&oe=57373969" alt="" width="730" /></span></p>
<p style="text-align: center;"><span style="color: #000000;"><img src="https://z-1-scontent-hkg3-1.xx.fbcdn.net/hphotos-xfa1/v/t1.0-9/12662471_1555325201448512_1318641902699889363_n.jpg?oh=02904a827924e3a8fe4dcac12ec632cb&oe=572EA91C" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>