<p><span style="color: #000000;"><strong>(ភ្នំពេញ)៖</strong> ភ្លាមៗបន្ទាប់ពីលទ្ធផលបានប្រកាសថា លោក ដូណាល់ ត្រាំ ជាប់ឆ្នោតក្លាយជាប្រធានាធិបតីអាមេរិកនោះ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា ក៏បានចេញមកសម្តែងការអបអរសាទរផងដែរ។</span></p>
<p><span style="color: #000000;">សម្តេចតេជោ ហ៊ុន សែន បានបង្ហាញការអបអរសាទតាមទំព័រ Facebook របស់សម្តេចថា <strong>«អបអរសាទរ ឯកឧត្តម ដូណាល់ ត្រាំ (Donald Trump) ដែលបានទទួលជោគជ័យសំរាប់ការបោះឆ្នោតជាប្រធាធិបតីអាមេរិក»</strong>។</span></p>
<p><span style="color: #000000;">សម្តេចតេជោ ហ៊ុន សែន ក៏ឆ្លៀតឌឺដងឲ្យមេបក្សប្រឆាំង ដែលបានហៅសម្តេច និង លោក ត្រាំ ជាជនផ្តាច់ការផងដែរ។ សម្តេចតេជោ បានថ្លែងដូច្នេះ<strong> «ប៉ុន្មានថ្ងៃមុន នៅពេលដែលខ្ញុំបង្ហាញនូវការគាំទ្ររបស់ខ្ញុំ ចំពោះ ឯកឧត្តម មានមនុស្សមួយចំនួនបានចេញមកវាយប្រហារខ្ញុំ រហូតចោទ ឯកឧត្តម ថាជាមនុស្សផ្តាច់ការទើបមានមនុស្សដូចខ្ញុំទៅគាំទ្រ»</strong>។</span></p>
<p><span style="color: #000000;">សូមបញ្ជាក់ថា ការគាំទ្ររបស់ប្រមុខរាជរដ្ឋាភិបាលកម្ពុជា ចំពោះលោក ត្រាំ បានធ្វើឡើងមុនពេលដំណើរការបោះឆ្នោតមកម្ល៉េះ។ សម្តេចតេជោ ហ៊ុន សែន ថា បើដូណាល់ ត្រាំ ឈ្នះឆ្នោត ពិភពលោកនឹងមានសភាពការណ៍ល្អប្រសើរ។</span></p>
<p><span style="color: #000000;">ពេលនេះអ្វីៗច្បាស់ហើយ គឺប្រជាជនអាមេរិកត្រូវការឯកឧត្តមដឹកនាំ ហើយការគាំទ្ររបស់ខ្ញុំក៏មិនខុសដែរ៕</span></p>
<p><span style="color: #000000;"><a class="thickbox" title="" href="/FileManager/Commons/2016/11/9/10c-09-11-2016--15-51-38.jpg"><img src="/FileManager/Articles/mce/2016/11/9/10c-09-11-2016--15-51-38.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>