<p><span style="color: #000000;"><strong>(ភ្នំពេញ)៖</strong> ប្រជាពលរដ្ឋរស់នៅ ក្លឹបរាត្រីយីហោ «Wok» ដែលមានទីតាំងនៅសណ្ឋាគារ ហូលីដេ បាន និងកំពុងបញ្ចេញសម្លេងតន្រ្តីយ៉ាងខ្លាំង ឮញ័ររន្ធត់ធ្វើឲ្យមានការរំខាន ដល់ការសម្រាកពេលយប់របស់ពួកគាត់ ជារៀងរាល់យប់ ទើបពួកគាត់សុំអន្តរាគមន៍ ទៅអាជ្ញាធរ និងមន្រ្តីជំនាញចុះមកណែនាំផង។</span></p>
<p><span style="color: #000000;">ក្លឹបរាត្រីយីហោ «Wok» ដែលកំពុងបង្កផលប៉ះពាល់ដល់ការរស់នៅ របស់ប្រជាពលរដ្ឋខាងលើនេះ មានទីតាំងនៅផ្លូវលេខ៨៤ កែងផ្លូវលេខ៦៥ នៅបរិវេណសណ្ឋាគារ ហូលីដេ សង្កាត់ស្រះចក ខណ្ឌដូនពេញ។</span></p>
<p><span style="color: #000000;">ប្រជាពលរដ្ឋរស់នៅក្បែរក្លឹបមួយនេះ បានសុំឲ្យអង្គភាព Fresh News ចុះផ្សាយផងថា ជារាល់យប់ពួកគាត់ ដេកពួនមិនបានឡើយ ដោយសារតែមានការរំខានយ៉ាងខ្លាំង ពីសម្លេងតន្រី្ត ដែលឮបុកញ័រយ៉ាងខ្លាំង ហើយម្យ៉ាងវិញទៀត ភ្ញៀវដែលជាប្រភេទក្មេងប្រុសស្រី ចូលចិត្តសប្បាយពីផឹកស៊ីរាំរែក ក៏ដូចជាកាលេងថ្នាំញៀនជាដើមនោះ បានមកពពាក់ពពូនគ្នា ដោយអ្នកខ្លះជិះរថយន្តទំនើបៗ មកចូលក្លឹបនោះ លុះពេលពួកគេចេញវិញ បានស្រែកឡូឡាប្រសេកប្រសាចធ្វើឲ្យមានការរំខានរឹតតែខ្លាំងៗឡើង។</span></p>
<p><span style="color: #000000;">ប្រជាពលរដ្ឋបានលើកទៀតថា <strong>«នៅពេលព្រឹក នាំគ្នាចេញធ្វើការងារ និងរកស៊ីចិញ្ចិមគ្រួសារសង្ឃឹមថា ពេលយប់បានដេកពួក ដោយសុខសាន្ត តែផ្ទុយទៅវិញ ដេកពួនមិនបានដោយសារតែមានការរំខានព្រោះក្លឹបនេះ បានបើកអាជីវកម្មចាប់ពីម៉ោង២១យប់ រហូតទល់ភ្លឺឯណ្ណោះ»</strong>។ </span><br /><span style="color: #000000;">ប្រជាពលរដ្ឋ សូមទទូចស្នើសុំឲ្យលោក សុខ ពេញវុធ អភិបាលខណ្ឌដូនពេញ មានវិធានការផង បើមិនដូច្នោះទេ ពួកគាត់ពិតជារស់នៅ ឬដេកពួនមិនបានឡើយព្រោះតែការរំខាននៃក្លឹបមួយនេះជារៀងរាល់យប់៕</span></p>
<p><span style="color: #000000;"><img src="http://image.freshnewsasia.com/2017/113/fn-2017-02-21-11-04-00-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>