<p><span style="color: #000000;"><strong>(ចិន)៖</strong> បុរសចំណាស់ម្នាក់ រស់នៅទីក្រុង ខេត្ត Sichuan ប្រទេសចិន ដែលត្រូវបានគេប្រកាសថា ស្លាប់ទៅហើយ បានធ្វើឲ្យក្រុមគ្រួសារភ្ញាក់ផ្អើលយ៉ាងខ្លាំង នៅពេលដែលគាត់ងើបឡើង ពីមឈូសកំឡុងប្រារព្ធពិធីបុណ្យសព ហើយសួរពួកគេ ពីអ្វីកំពុងកើតឡើង។</span></p>
<p><span style="color: #000000;">បុរសចំណាស់អាយុ៧៥ឆ្នាំ មានអាការៈលែងដកដង្ហើម ហើយត្រជាក់ដៃជើងខ្លាំង រហូតដល់គ្រូពេទ្យ និងគ្រួសារជឿថា គាត់បាត់បង់ជីវិតទៅហើយ ក៏សមាជិកគ្រួសារបានចាត់ចែងរៀបចំ មឈូសដាក់សព និងរៀបចំពិធីបុណ្យ ស្រាប់តែ៨ម៉ោងក្រោយ អព្ភូតហេតុដ៏អស្ចារ្យកើតឡើង គឺបុរសចំណាស់រូបនេះ ស្ទុះក្រោកឡើងពីមឈូស ហើយស្រែកសួរកូន ថា តើមានអ្វីកើតឡើង កំពុងរៀបចំបុណ្យសពគាត់ ឬមិនមែន?</span></p>
<p><span style="color: #000000;">ចំណែកកូនៗឃើញ ដូច្នេះហាក់តក់ស្លុតណាស់សឹងមិនជឿថា ឪពុកនៅមានជីវិតឡើយ តែពួកគេក៏ត្រេកអរដែរ និងបានលើកគាត់ចេញពីមឈូសរួច សុំខមាទោសឪពុក។ ទោះជាយ៉ាងណា បុរសចំណាស់រូបនេះ ហាក់មានសម្ពាធឈាមខ្សោយណាស់ និងបរិភោគអាហារមិនបានច្រើនឡើយ៕</span></p>
<p><span style="color: #000000;"><a class="thickbox" title="" href="/FileManager/Commons/2017/1/19/38-19-01-2017--15-14-06.jpg"><img src="/FileManager/Articles/mce/2017/1/19/38-19-01-2017--15-14-06.jpg" alt="" /></a><br /><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>