<div class="article-content">
<p><strong>ភ្នំពេញ៖</strong> នារីវ័យក្មេងរូបស្រស់ម្នាក់ ដែលសមត្ថកិច្ចអះអាងថា ជាជនសង្ស័យ<strong> </strong>ត្រូវបានចាប់ខ្លួន<br /> ត្រៀមបញ្ជូនទៅកាន់ សាលាដំបូងរាជធានីភ្នំពេញ ដើម្បីចាត់ការតាមច្បាប់ ក្រោយពីជាប់ពាក់ព័ន្ធ និងករណីប៉ុនប៉ងគាស់បន្ទប់សណ្ឋាគារ ទន្លេសេកុង ចូលលួចទ្រព្យសម្បត្តិ របស់ភ្ញៀវចូលដេក<br />នៅទីនោះ ។</p>
<p>មន្ត្រីនគរបាល ខណ្ឌទួលគោក បាននិយាយថា នារីម្នាក់ត្រូវបានចាប់ខ្លួន បន្ទាប់ពីត្រូវប្តីប្រពន្ធ<br /> ២នាក់ ដែលជាភ្ញៀវចាប់ខ្លួន ប្រគល់ឱ្យសន្តិសុខ ខណៈដែលធ្វើសកម្មភាពឆ្កឹះបន្ទប់ លេខ៣០៦ <br />ក្នុងសណ្ឋាគារ «ទន្លេសេកុង» ប៉ុនប៉ងលួចកាបូបលុយ តែពុំបានសម្រេច ដោយម្ចាស់បន្ទប់ ភ្ញាក់<br />ទាន់ កាលពីវេលាម៉ោង ៥ និង០៥នាទីទៀបភ្លឺថ្ងៃទី២៦ ខែវិច្ឆិកា ឆ្នាំ២០១៣ ស្ថិតនៅសង្កាត់ផ្សារ<br />ដេប៉ូទី៣ ខណ្ឌទួលគោក ។</p>
<p>មន្ត្រីដដែលបានបន្តថា នារីដែលចាប់ខ្លួនខាងលើឈ្មោះ កែវ ស្រីលក្ខណ៍ អាយុ ១៧ឆ្នាំ មានទីលំ<br />នៅផ្ទះជួល ក្រុងតាខ្មៅ ខេត្តកណ្តាល ។ ចំណែកម្ចាស់កាបូបឈ្មោះ ស្រេង ស្រីអូន អាយុ៤៧ឆ្នាំ <br />មានទីលំនៅ ភូមិខ្សាច់ប្រឆេះក្រោម ឃុំក្រូចឆ្មារ ស្រុកក្រូចឆ្មារ ខេត្តកំពង់ចាម ។ ជនសង្ស័យ <br />បានសារភាពថា ខ្លួនពិតជាធ្វើសកម្មភាពនេះពិតប្រាកដមែន ដោយសារតែអត់ប្រាក់ ជិះម៉ូតូឌុប<br />ទៅក្រុងតាខ្មៅវិញ ។ ទោះបីជាយ៉ាងណា សមត្ថកិច្ចមានការសង្ស័យស្ត្រីរូបនោះ មានបក្ខពួកផ្សេង<br />ទៀត ដែលដើរជួលបន្ទប់សណ្ឋាគារ ធ្វើសកម្មភាពលួចបែបនេះ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0914.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0915.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0916.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>