<p><span style="color: #000000;">ព័ត៌មានអន្តរជាតិ ៖ ព្រះសូរស័ព្ទរបស់ អតីតព្រះចៅអធិរាជជប៉ុន ហ៊ីរ៉ូហ៊ីតុ ត្រូវបានចេញផ្សាយជា សាធារណៈហើយដោយទី ភ្នាក់ងារនៃព្រះរាជវាំងជប៉ុន នៅថ្ងៃសៅរ៍ ទី០១ ខែសីហា ឆ្នាំ ២០១៥ នេះ។ សូរសំឡេងដើមរបស់ ព្រះចៅអធិរាជ ខាងលើនេះ គឺមានអត្ថន័យដល់ការ យល់ព្រមឲ្យទ័ពជប៉ុនប្រគល់ខ្លួនចុះចាញ់សង្គ្រាមជាមួយអាម៉េរិក ដោយគ្មានលក្ខខណ្ឌ កាលពីសម័យសង្គ្រាមលោកលើកទីពីរ ឆ្នាំ ១៩៤៥។</span></p>
<p><span style="color: #000000;">ទីភ្នាក់ងារកិច្ចការរាជវាំងខាងលើនេះ បានចេញផ្សាយនូវសំឡេងដើម របស់ព្រះចៅអធិរាជ ដែលកាលណោះ ត្រូវបានផ្តល់ព្រះនាមថា សូវ៉ា ដែលបានធ្លាប់បានចេញផ្សាយតាមវិទ្យុជាតិជប៉ុន កាលពីថ្ងៃទី១៥ ខែសីហា ឆ្នាំ១៩៤៥ ដើម្បីជាការរំលឹក ដល់ខួបលើកទី ៧០ឆ្នាំនៃការ បញ្ចប់សង្គ្រាមលោកលើកទីពីរ។ នេះបើតាមការផ្សាយ របស់ទីភ្នាក់ងារព័ត៌មាន ក្យូដូ។</span></p>
<p><span style="color: #000000;">តាមពិតទៅ សូរសំឡេងដើមបំផុតនោះ គឺមានលក្ខណៈពិបាកនឹងស្តាប់ខ្លាំងណាស់ ដោយសារតែ បច្ចេកទេសសំឡេងកាលណោះ មិនល្អ។ ប៉ុន្តែកាលពីខែធ្នូ ឆ្នាំ២០១៤ ទីភ្នាក់ងាររាជវាំង បានយកសំឡេងខាងលើនេះ ទៅធ្វើការកែសំរួល ដោយប្រើប្រាស់បច្ចេកវិទ្យាបំលែង គុណភាពកម្រិតខ្ពស់ ទើបទទួលបានលទ្ធផលប្រសើរជាងមុន។</span></p>
<p><span style="color: #000000;">ទោះជាបែបនេះក្តី សម្រាប់មនុស្សមួយចំនួន ពិតជាមិនអាចស្តាប់ព្រះបន្ទូលព្រះចៅអធិរាជ នោះយល់ឡើយ ព្រោះតែព្រះអង្គ បានប្រើប្រាស់ភាសា បែបសម័យកាល នៅត្រង់ផ្នែកមួយ ចំនួនក្នុងសេចក្តីអត្ថាធិប្បាយ។ នៅក្នុងនោះដែរ ព្រះចៅអធិរាជជប៉ុន បានយល់ព្រមចុះចាញ់ សង្គ្រាមដោយគ្មានលក្ខខណ្ឌ ចំពោះអាម៉េរិក, អង់គ្លេស, ចិន, និង សហភាពសូវៀត៕</span></p>
<p><span style="color: #000000;"><a class="thickbox" title="" href="/FileManager/Commons/2015/8/3/92-03-08-2015--15-53-13.jpg"><img src="/FileManager/Articles/mce/2015/8/3/92-03-08-2015--15-53-13.jpg" alt="" /></a></span></p>
<p><a class="thickbox" title="" href="/FileManager/Commons/2015/8/3/91-03-08-2015--15-53-21.jpg"><img src="/FileManager/Articles/mce/2015/8/3/91-03-08-2015--15-53-21.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/8/3/92-03-08-2015--15-53-13.jpg"></a></span></p>
<p><a class="thickbox" title="" href="/FileManager/Commons/2015/8/3/90-03-08-2015--15-53-29.jpg"><img src="/FileManager/Articles/mce/2015/8/3/90-03-08-2015--15-53-29.jpg" alt="" /></a><span style="color: #000000;"><br /></span></p>
<p style="text-align: right;"><span style="color: #000000;">ប្រភព និង ផ្តល់សិទ្ធដោយ ៖ ដើមអម្ពិល</span></p>
<p> </p>