<p><strong>បាត់ដំបង ៖</strong> មន្ដ្រីអាវុធហត្ថ ស្រុកសំពៅ លូន ខេត្ដបាត់ដំបង ថ្នាក់មេបញ្ជាការ មេ បញ្ជាការរង<br />បានស្លាប់ និងរងរបួសធ្ងន់ ស្រាលទាំង ៣នាក់ ក្នុងនោះ មេបញ្ជាការរងម្នាក់ស្លាប់ភ្លាមៗ នៅ<br />កន្លែងកើតហេតុ ខណៈដែលពួកគេបានជួបគ្រោះថ្នាក់បើករថយន្ដ ចុះពីលើភ្នំព្រឹក ហើយដាច់<br />កាឡេ បណ្តាលឲ្យបែកកង់ក្រឡាប់ ៤-៥ត្រឡប់ ។</p>
<p>គ្រោះថ្នាក់ដែលបានផ្ដាច់ជីវិត មេបញ្ជាការរង ស្រុកសំពៅលូន លោក ស្រី សុធា ដែលទើបទទួល<br />បានតំណែងនេះ កាលពី ពេលថ្មីៗ ហើយបណ្ដាល ឱ្យលោក គឹម វាសនា ជាមេបញ្ជាការអាវុធហត្ថ<br />ស្រុក សំពៅលូន រងរបួសក្រិចជើង និងមេបញ្ជាការរងម្នាក់ទៀត រងរបួសស្រាលខាងលើនេះ បាន<br />កើតឡើង កាលពីវេលាម៉ោង ៣ និង ៣០នាទី រសៀលថ្ងៃទី២៩ ខែឧសភា ឆ្នាំ ២០១៣ នេះ ស្ថិតនៅ<br />ភូមិភ្នំព្រឹក ឃុំភ្នំព្រឹក ស្រុកភ្នំព្រឹក ខេត្ដបាត់ដំបង ។ </p>
<p>មេបញ្ជាការអាវុធហត្ថ ខេត្ដបាត់ដំបង លោកឧត្ដមសេនីយ៍ផ្កាយ ១ ប៉ោ វណ្ណៈ បាន ថ្លែងប្រាប់ មជ្ឈ<br />មណ្ឌលព័ត៌មានដើមអម្ពិល តាមទូរស័ព្ទ នៅ រសៀលថ្ងៃទី២៩ ខែឧសភា ឆ្នាំ ២០១៣ នេះថា គ្រោះ<br />ថ្នាក់ដែលបាន ផ្ដាច់ជីវិតលោកអនុសេនីយ៍ទោ ស្រី សុធា មេបញ្ជាការរង អាវុធហត្ថស្រុកសំពៅ លូន<br /> និងបណ្ដាលឱ្យលោក គឹម វាសនា ជាមេ បញ្ជាការរងរបួសក្រិចជើង រីឯមេបញ្ជាការ រងម្នាក់ទៀត <br />ឈ្មោះ ឱម វណ្ណារិទ្ធ រងរបួស ស្រាលផងនោះ បានកើតឡើងខណៈដែល ពួកគេកំពុងជិះរថយន្ដ<br />លុច្សស៊ីស RX 300 ពណ៌ស ពាក់ស្លាកលេខ ភ្នំពេញ 2Q-5764 ធ្វើដំណើរ ត្រឡប់មកពីផ្សព្វ ផ្សាយ<br />ផែនការ ដើម្បីត្រៀមការពារ សន្ដិសុខនាអំឡុងការ ឃោសនាបោះឆ្នោត និងការបោះឆ្នោតនៅ ពេល<br />ខាងមុខ ។</p>
<p>លោកឧត្ដមសេនីយ៍ ប៉ោ វណ្ណៈ បានបន្ដថា ពេលដែលពួកគេកំពុងបើករថយន្ដចុះពីលើភ្នំព្រឹក ដែល<br />ជាផ្លូវចុះចំណោតផងនោះ ស្រាប់តែរថយន្តដាច់កាឡេ ហើយក្រឡាប់តែម្ដងទៅ ។</p>
<p>យោងតាមមន្ដ្រីនគរបាល មូលដ្ឋានបាន ឱ្យដឹងថា ក្រោយពីជួបគ្រោះថ្នាក់ខាងលើ នេះ ជនរងគ្រោះ<br />ដែលរងរបួសត្រូវបាន បញ្ជូនទៅកាន់មន្ទីរពេទ្យ រីឯជនរងគ្រោះ ដែលបានស្លាប់ ត្រូវបានសមត្ថកិច្ច<br />ជួយរក្សា សពដើម្បីប្រគល់ជូនក្រុមគ្រួសារវិញ ។ នេះ ចាត់ទុកជារឿងដ៏គួរឱ្យសោកស្ដាយជាទី បំ<br />ផុត ចំពោះមន្ដ្រីអាវុធហត្ថ ថ្នាក់មេបញ្ជាការ និងមេបញ្ជាការរង បានជួបបែបនេះ ក្រោយពីមកបំពេញ<br />ការងារជូនជាតិ ៕</p>
<p style="text-align: center;"><img src="http://image.dap-news.com:81/dap-news/dap-images/2013/May/id-015/T-0608.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-015/T-0609.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/May/id-015/T-0610.jpg" alt="" width="500" /></p>
<p style="text-align: center;"><object width="500" height="400" data="http://www.youtube.com/v/pA-RZ2mwlyY&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/pA-RZ2mwlyY&rel=1" /></object></p>
<p style="text-align: right;">ផ្តល់សិទ្ធិដោយ៖ ដើមអំពិល</p>