<p><span style="color: #000000;">ការត្រួតពិនិត្យខ្លឹមសារនៅលើប្រព័ន្ធអ៊ីធឹរណែតរបស់ចិន ទើបតែត្រូវបានរដ្ឋាភិបាលប្រទេសនេះ</span><br /><span style="color: #000000;"> ធ្វើការរឹតបន្តឹង ដោយចេញការព្រមានចំពោះគេហទំព័រសារព័ត៌មាន កាសែត និងបណ្ដាញសង្គម</span><br /><span style="color: #000000;"> បើសិនព័ត៌មានទាំងនោះមិនទាន់ត្រូវបានត្រួតពិនិត្យខ្លឹមសារ មុនពេលចេញផ្សាយ។</span></p>
<p style="text-align: center;"><span style="color: #000000;"><a class="thickbox" title="" href="/FileManager/Commons/2016/7/5/ចិន-05-07-2016--10-16-49.jpg"><span style="color: #000000;"><img src="/FileManager/Articles/mce/2016/7/5/ចិន-05-07-2016--10-16-49.jpg" alt="" /></span></a></span></p>
<p style="text-align: center;"><span style="color: #000000;">លោក Xu Lin អគ្គនាយកអង្គភាពសន្តិសុខអ៊ីធឺរណែតចិន</span><br /><br /></p>
<p><span style="color: #000000;">សេចក្ដីប្រកាសព័ត៌មានត្រូវបានចេញផ្សាយដោយអង្គភាពគ្រប់គ្រងអ៊ីធឺរណែតចិន បន្ទាប់ពី</span><br /><span style="color: #000000;">លោក Xu Lin ឡើងកាន់កាប់តំណែងអគ្គនាយកអង្គភាពសន្តិសុខអ៊ីធឺរណែតចិន។ ជាក់ស្ដែង</span><br /><span style="color: #000000;"> បណ្ដាព័ត៌មានទាំងអស់នៅក្នុងប្រទេសនេះ គឺត្រូវឆ្លងកាត់ការត្រួតពិនិត្យយ៉ាងតឹងរឹងបំផុត ហើយ</span><br /><span style="color: #000000;">បើរដ្ឋាភិបាលមិនបានត្រួតពិនិត្យ នោះព័ត៌មាននឹងមិនត្រូវបានអនុញ្ញាតឱ្យចេញផ្សាយនោះទេ</span><br /><span style="color: #000000;"> បើទោះប្រើរូបភាពណាក៏ដោយ។</span></p>
<p><span style="color: #000000;">“គេហទំព័រទាំងអស់ មានតួនាទីចុះផ្សាយព័ត៌មាន ទន្ទឹមនឹងនេះគេត្រូវតាមដានភាពត្រឹមត្រូវរបស់</span><br /><span style="color: #000000;">បណ្ដាប្រភពព័ត៌មានពីបណ្ដាញសង្គម ដូចជា Weibo និង Wechat។ ហាមដាច់ខាតនូវការប្រើ</span><br /><span style="color: #000000;">ប្រាស់ដំណឹងចចាមអារ៉ាមដើម្បីបង្កើតព័ត៌មានបំភ្លៃការពិត” នេះគឺជាឃ្លាមួយដែលដកស្រង់ចេញ</span><br /><span style="color: #000000;"> ពីសេចក្ដីប្រកាសរបស់អង្គភាពគ្រប់គ្រងអ៊ីធឺរណែតចិន។</span></p>
<p><span style="color: #000000;">រដ្ឋាភិបាលចិន បានចេញនូវសេចក្ដីប្រកាសខាងលើ សម្រាប់គេហទំព័រនានា និងបានដំឡើង</span><br /><span style="color: #000000;">ចំនួនប្រាក់ពិន័យ បើសិនអង្គការ ឬក្រុមហ៊ុនណាមួយមិនអនុវត្តតាម។ លោក Xu Lin ថ្លែងថា </span><br /><span style="color: #000000;">“គេហទំព័រនានា គ្មានសិទ្ធិចុះផ្សាយនូវព័ត៌មានដែលមិនមានប្រភពច្បាស់ការណ៍ ឬសរសេរ</span><br /><span style="color: #000000;">ព័ត៌មានខុសពីការពិត”។</span></p>
<p><span style="color: #000000;">សេចក្ដីរាយការ ឱ្យដឹងថា បណ្ដាគេហទំព័រល្បីៗមួយចំនួនរបស់ចិន ដូចជា Sina.com, Ifeng.com,</span><br /><span style="color: #000000;"> Caijing.com.cn, Qq.com និង 163.com ជាដើម ត្រូវបានគេពិន័យ និងព្រមាន ព្រោះបានចេញផ្សាយព័ត៌មានដែលមិនទាន់ត្រូវបានរដ្ឋាភិបាលត្រួតពិនិត្យ។ បច្ចុប្បន្ន ប្រាក់ពិន័យ មិនទាន់ត្រូវ</span><br /><span style="color: #000000;">បានគេបង្ហើបឱ្យដឹងនៅឡើយ។</span></p>
<p><span style="color: #000000;">សូមបញ្ជាក់ថា តាំងពីយូរណាមកហើយ រដ្ឋាភិបាលចិន បានធ្វើការត្រួតពិនិត្យយ៉ាងតឹងរឹងទៅ</span><br /><span style="color: #000000;">លើប្រព័ន្ធអ៊ីនធឺរណែត។ បណ្ដាគេហទំព័រអន្តរជាតិ ដូចជា Google, Youtube ឬ Facebook ជា</span><br /><span style="color: #000000;">ដើម សុទ្ធតែត្រូវបានរារាំង ដើម្បីទប់ស្កាត់បញ្ហាដែលចិនយល់ថា អាចនឹងនាំគ្រោះថ្នាក់ដល់</span><br /><span style="color: #000000;">ប្រទេសជាតិ ដូចជាភេរវកម្មជាដើម៕</span></p>
<p style="text-align: right;"><span style="color: #000000;">ប្រែសម្រួល ៖ បុត្រា</span></p>
<p> </p>