<p><span style="color: #000000;"><strong>(ឡូសអេនជឺឡេស)៖</strong> អតីតស្តេចប្រដាល់សកលលំដាប់លេខ២ របស់ពិភពលោក Manny Pacquiao នឹងត្រឡប់មកកាន់សង្វៀនជាថ្មីទៀត នៅថ្ងៃទី០៥ ខែវិច្ឆិកា ឆ្នាំ២០១៦ ខាងមុខ ប្រកួតទល់នឹងជើងខ្លាំងជនជាតិអាមេរិក Jessie Vargas នេះបើយោងតាមលោក Michael Koncz ថ្លែងប្រាប់ Channel News Asia កាលពីម្សិលមិញ។</span></p>
<p><span style="color: #000000;">លោក Michael Koncz បានបន្តថា <strong>«វាមិនទាន់ស័ក្តិសមនោះទេ សម្រាប់ជើងខ្លាំង Pacquiao ចូលនិវត្តន៍ គ្រាដែលការហ្វឹកហាត់ និងការប្រកួតផ្សេងៗនៅតែរំជើបរំជួលនោះ»</strong>។</span></p>
<p><span style="color: #000000;">សូមរំលឹកផងដែរថា កីឡាករជើងខ្លាំងជនជាតិហ្វីលីពីន វ័យ៣៧ឆ្នាំ Pacquiao បានប្រកាសចូលនិវត្តន៍ភ្លាមៗ បន្ទាប់ពីទទួលបានជ័យជំនះដោយពិន្ទុទៅលើសត្រូវចាស់ជនជាតិអាមេរិក Timothy Bradley កាលពីថ្ងៃទី០៩ ខែមេសា ឆ្នាំ ២០១៦ នៅលើសង្វៀន MGM Grand Arena នៅអាមេរិកតែម្តង ដោយយកពេលវេលាលាឈប់ពីអាជីពឈឺសាច់នេះ ទៅបម្រើនយោបាយវិញ ខណៈដែលរូបលោក ត្រូវបានបោះឆ្នោតជាសមាជិកសភានោះ។</span></p>
<p><span style="color: #000000;">តែក្រោយមកនាពេលថ្មីៗនេះ អតីតម្ចាស់ជើងឯកខ្សែក្រវាត់ពិភពលោក ៨សម័យកាល Pacquiao បានប្រកាសជាច្រើនលើកច្រើនសា ថាគេនឹងវិលមកកាន់សង្វៀនប្រដាល់វិញ ដោយនឹងត្រូវជួបគូប្រកួត Jessie Vargas ផងដែរ សម្រាប់១ប្រកួតដំបូងរបស់គេ គិតចាប់តាំងពីដើមខែមេសា ឆ្នាំ២០១៦ មក។</span></p>
<p><span style="color: #000000;">តែយ៉ាងណាមិញ ប្រធានផ្សព្វផ្សាយការប្រដាល់ធំៗលំដាប់ពិភពលោក Bob Arum បានកំពុងតែរៀបចំការប្រកួតថា នឹងធ្វើនៅប្រទេសអារ៉ាប់រួម ឬក៏នៅទីក្រុង Las Vegas ប្រទេសអាមេរិកឡើយ ស្របពេលដែលជើងខ្លាំង Manny Pacquiao មានប្រវត្តិប្រកួត ៦៦ដង ឈ្នះ៥៨ដង ចាញ់៦ដង និងស្មើ២ដង ខណៈដែលគូប្រជែង Vargas ធ្លាប់ប្រកួតបាន ២៨ដង ឈ្នះ២៧ដង ចាញ់១ដង និងមិនដែលស្មើឡើយ៕</span></p>
<p><span style="color: #000000;"><img src="https://usatboxingjunkie.files.wordpress.com/2016/04/usp_boxing__bradley_vs_pacquiao_81116274.jpg?w=1000&h=600&crop=1" alt="" width="730" /></span></p>
<p><span style="color: #000000;"><img src="http://a2.espncdn.com/combiner/i?img=%2Fphoto%2F2015%2F0416%2Fbox_pacquiao_bradley_d1_1296x729.jpg&w=570" alt="" width="730" /></span></p>
<p style="text-align: center;"><span style="color: #000000;">១ប្រកួតចុងក្រោយរបស់ Pac Man ទល់នឹង Timothy Bradley</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>