<p><span style="color: #000000;">ព័ត៌មានអន្តរជាតិ ៖ ជារឿងស្នេហ៍ដ៏គួរអោយរំភើប ច្រើនជាង សេចក្តីស្រឡាញ់ ការបេជ្ញាចិត្ត ការតាំង ចិត្ត និង ការយកចិត្តទុកដាក់ គូស្នេហ៍មួយគូនេះ ពិតជាធ្វើអោយ ពិភព លោកមានភាពស្ងប់ស្ងែងជា ខ្លាំងជាមួយនឹងសេចក្តីស្រឡាញ់ ដ៏ស្មោះសរ របស់ពួកគេ ។ </span></p>
<p><span style="color: #000000;"><a class="thickbox" title="" href="/FileManager/Commons/2014/11/21/20-21-11-2014--15-07-54.jpg"><img src="/FileManager/Articles/mce/2014/11/21/20-21-11-2014--15-07-54.jpg" alt="" width="492" height="319" /></a><br /></span></p>
<p><span style="color: #000000;">ស្ថិតនៅក្នុងវ័យទើបតែ ២៥ ឆ្នាំ នាង Fan Huixiang បានជួបវាសនាអាក្រក់ កើតជម្ងឺមហារីក ដំណាក់ កាលធ្ងន់ធ្ងរ ចាំតែថ្ងៃស្លាប់ ។ ភ្លាមៗ ខណៈបានដឹងឮ ដំណឹងអាក្រក់មួយនេះបុរសជាមិត្តប្រុសលោក Yu Haining វ័យ ២៤ ឆ្នាំ បានឈប់ពីការងាររបស់ខ្លួន នៅឯខេត្ត Shandongដើម្បីមានឱកាសបានមក មើលថែ ក៏ដូចជា លើកទឹកចិត្ត មិត្តស្រីរបស់ខ្លួនដែលកំពុងតែសម្រាកព្យាបាលនៅក្នុងមន្ទីរពេទ្យមួយ កន្លែង ក្នុងទីក្រុង Zhengzhou នាខេត្ត Henan ប្រទេសចិន ។</span></p>
<p><span style="color: #000000;"><a class="thickbox" title="" href="/FileManager/Commons/2014/11/21/21-21-11-2014--15-08-08.jpg"><img src="/FileManager/Articles/mce/2014/11/21/21-21-11-2014--15-08-08.jpg" alt="" width="486" height="322" /></a></span></p>
<p><a class="thickbox" title="" href="/FileManager/Commons/2014/11/21/22-21-11-2014--15-08-19.jpg"><img src="/FileManager/Articles/mce/2014/11/21/22-21-11-2014--15-08-19.jpg" alt="" width="484" height="324" /></a><span style="color: #000000;"><a class="thickbox" title="" href="/FileManager/Commons/2014/11/21/21-21-11-2014--15-08-08.jpg"></a><br /></span></p>
<p><span style="color: #000000;">ជាការលះបង់ ទាំងកម្លាំងកាយ និងកម្លាំងចិត្ត ក្រោយពីកើតមានទឹកចិត្ត ស្រឡាញ់ ខ្លាំងលើសលប់ បន្ទាប់ពីមានទំនាក់ទំនងជាមួយនឹងគ្នា អស់រយៈពេល ៥ ឆ្នាំមកនេះ បុរសជាមិត្តប្រុស ក៏បានសម្រេច ចិត្តដោយផ្ទាល់ ពោលធ្វើការរៀបការជាមួយនឹងមិត្តស្រី ឈឺធ្ងន់របស់ខ្លួន ក្នុងនោះ ពួកគេបានរៀបការ ជាមួយនឹងគ្នា ដោយកម្មវិធីអាពាហ៍ពិពាហ៍ទាំងមូល ត្រូវបានធ្វើឡើងនៅឯមន្ទីរពេទ្យខាងលើ កាលពី ថ្ងៃច័ន្ទ កន្លងទៅនេះ ។ </span></p>
<p><span style="color: #000000;">ជាការពិត មនុស្សស្រីគ្រប់រូបពិតជាចង់បាន ការរៀបការស្របច្បាប់ ខ្ញុំពិត ជាមិនដឹងថា ខ្ញុំអាចមានឱ កាសរស់រានមានជីវិត បានយូរដល់ពេលណានោះទេ ដូច្នេះ ប្រសិនបើខ្ញុំយល់ព្រមរៀបការជាមួយនឹង គាត់ នឹងចាកចេញពីគាត់នាពេលអនាគតដ៏ខ្លីនេះ តើគាត់អាចធ្វើអ្វីបានច្រើនជាងនេះ នេះយោងតាម ការផ្តល់ជាកិច្ចសម្ភាសន៍ ពីសំណាក់នាង Fan ។ </span></p>
<p><span style="color: #000000;">ជាការគូសបញ្ជាក់អោយដឹង អំឡុងពេលកម្មវិធីរៀបមង្គលការ លោក Yu អះ អាងក្តែងអោយដឹងទៅ វិញផងដែរថា ៖ ពីព្រោះតែសេចក្តីស្រឡាញ់ ខ្ញុំកាន់ដៃអ្នក យ៉ាងតឹងណែន អមជាមួយនឹងភាពកក់ក្តៅ ជាមួយនឹង សេចក្តីស្រឡាញ់ ខ្ញុំសង្ឃឹមថា នឹងមានអព្ភូតហេតុ ដូច្នេះ សូម អនុញ្ញាតអោយខ្ញុំបាទបាន បំពាក់ជញ្ជៀនលើម្រាមដៃ នារីដែលខ្ញុំស្រឡាញ់តែម្នាក់គត់ ។ </span></p>
<p><span style="color: #000000;"><a class="thickbox" title="" href="/FileManager/Commons/2014/11/21/23-21-11-2014--15-08-36.jpg"><img src="/FileManager/Articles/mce/2014/11/21/23-21-11-2014--15-08-36.jpg" alt="" /></a><br /></span></p>
<p><span style="color: #000000;">ជាការចូលរួមយ៉ាងអធឹកអធម ពីសំណាក់ក្រុមគ្រួសារ និង មិត្តភក្កិខណៈមានការសម្លឹងយ៉ាងយកចិត្ត ទុកដាក់ ជាមួយនឹងការអោនគោរពគ្នា និងបំពាក់ជញ្ជៀននោះ អ្នករាល់គ្នា ពិតជារំភើប ខ្លះសម្រក់ទឹក ភ្នែក អមជាមួយនឹងសម្លេងហ៊ោរសប្បាយ និង ទះដៃអបអរសាទរ ។ លោក Yu ប្តេជ្ញាអោយដឹងថាមិន ខ្វល់ថាមានរឿងអ្វីកើតឡើងនាពេលអនាគតនោះទេ ខ្ញុំនឹងនៅក្បែរនាងជាដរាប តរៀងទៅ ៕</span></p>
<p><span style="color: #000000;"><a class="thickbox" title="" href="/FileManager/Commons/2014/11/21/25-21-11-2014--15-08-50.jpg"><img src="/FileManager/Articles/mce/2014/11/21/25-21-11-2014--15-08-50.jpg" alt="" /></a><br /></span></p>
<p style="text-align: right;"><span style="color: #000000;">ប្រែសម្រួល ៖ កុសល</span><br /><span style="color: #000000;">ប្រភព ៖ អាស៊ីវ័ន</span></p>