<div class="article-content">
<p><strong>ភ្នំពេញ ៖</strong> គ្រួសារមួយ ត្រូវបានជនរង គ្រោះចំនួន ៣នាក់ ប្ដឹងចោទប្រកាន់ថា ឃុបឃិតគ្នាខ្ចីប្រាក់<br />របស់ខ្លួន អស់ជាង១ម៉ឺន ដុល្លារ ដើម្បីយកទៅរកស៊ីតែ ទីបំផុតមិន ព្រមសង ប្ដីរត់គេចខ្លួនបាត់ ចំ<br />ណែកប្រពន្ធ នៅផ្ទះ មិនទទួលខុសត្រូវដោយសំអាងថា ប្ដីជាអ្នកខ្ចី ខ្លួនមិនមែនជាអ្នកខ្ចីឡើយ ។</p>
<p>យោងតាមការអះអាង របស់ជនរង គ្រោះចំនួន ៣នាក់ ដែលរួមមានឈ្មោះ ប៊ុន រ៉ងម៉ារីលី ឈ្មោះ <br />យស់ សុឃឿន និងឈ្មោះ អ៊ុន ប៊ុណ្ណា បានឱ្យដឹងថា ពួក ខ្លួនទាំង ៣ នាក់ ត្រូវបានប្ដី-ប្រពន្ធ ដែល<br />ប្ដីមានឈ្មោះ ដួង ច័ន្ទតារា និងប្រពន្ធឈ្មោះ ប៉ែន ប៉ុណ្ណា មានទីលំនៅផ្ទះលេខ ៣៣អា ផ្លូវលេខ<br />១០៩ ក្នុងបុរីសឡា ភូមិក្បាលដំរី សង្កាត់កាកាប ខណ្ឌពោធិសែនជ័យ រាជធានីភ្នំពេញខ្ចីលុយសរុប<br />អស់ចំនួន ១០.៥០០ដុល្លារ ហើយមិន ព្រមសង ពេលដែលទៅទារជួបតែ ប្រពន្ធ ហើយធ្វើការបដិ<br />សេធមិនទទួលខុសត្រូវ ចំពោះការជំពាក់លុយខាងលើនេះ ដោយ សំអាងថា ខ្លួនមិនមែនជាអ្នកខ្ចី <br />ចំណែកអ្នក ខ្ចីគឺជាប្ដី ដែល បច្ចុប្បន្នបានរត់គេចខ្លួនបាត់ ទៅហើយ ។</p>
<p>ពាក់ព័ន្ធទៅនឹងការខ្ចីប្រាក់មិនសងខាង លើនេះ ជនរងគ្រោះបានអះអាងឱ្យដឹងថា កន្លងមក ពីរ<br />នាក់ប្ដី-ប្រពន្ធខាងលើនេះ បាន ទៅខ្ចីលុយពីពួកខ្លួន ដោយ អះអាងថា យក ទៅរកស៊ី ហើយនឹង<br />សងមកវិញដោយផ្ដល់ ទាំងការប្រាក់ផងដែរ ដោយក្នុងនោះឈ្មោះ ប៊ុន រ៉ងម៉ារីលី បានឱ្យខ្ចីចំនួន<br /> ៣ពាន់ដុល្លារ ឈ្មោះ យស់ សុឃឿន ឱ្យខ្ចីចំនួន ៤ពាន់ ដុល្លារ និងឈ្មោះ អ៊ុន ប៊ុណ្ណា ឱ្យខ្ចីចំនួន <br />៣៥០០ដុល្លារ សរុប ១០.៥០០ដុល្លារដោយ អះអាងថា នឹងសងគ្រប់ចំនួន វិញ នៅថ្ងៃទី ០១ ខែ<br />ឧសភា ឆ្នាំ ២០១៣ បើដល់ថ្ងៃកំណត់មិនសងទេ នឹងឱ្យគិតការទ្វេមួយជាពីរ ។ លុះដល់ថ្ងៃកំណត់<br />ក្រុមជនរងគ្រោះ នាំគ្នាទៅយកលុយ របស់ខ្លួនវិញ ស្រាប់ ឃើញតែប្រពន្ធ ឯប្ដីបានគេចខ្លួនបាត់<br />ទើប ពួកគេសម្រេចនាំគ្នាដាក់ពាក្យបណ្ដឹង ទៅ ស្នងការដ្ឋាននគរបាល រាជធានីភ្នំពេញដើម្បី ឱ្យ<br />ចាត់ការតាមច្បាប់ ។</p>
<p>ពាក់ព័ន្ធទៅនឹងការខ្ចីប្រាក់មិនសង ហើយគេចវេសខាងលើនេះ ភាគីជនរងគ្រោះ បានដកស្រង់<br />សំដីស្ដ្រីជាប្រពន្ធរបស់អ្នកខ្ចី បានអះអាងឱ្យដឹងថា រូប នាង មិនមែនជា អ្នកខ្ចីនោះទេ ហើយក៏មិន<br />ទទួលខុសត្រូវ ដែរ គឺប្ដីរបស់ខ្លួនគឺជាអ្នកខ្ចីហើយបានចុះ ចោលផ្ទះអស់រយៈពេលជិត១ឆ្នាំមក<br />ហើយ បើម្ចាស់បំណុល ចង់ ប្ដឹង ប្ដឹងប្ដីរបស់នាងទៅ តែភាគីរងគ្រោះបានអះអាងថា ករណីខាង <br />លើ គឺគ្រាន់តែជាលេសយករួចខ្លួនប៉ុណ្ណោះ។</p>
<p>ពាក់ព័ន្ធទៅនឹងករណីខាងលើនៅរសៀល ថ្ងៃទី០៣ ខែមិថុនា ឆ្នាំ២០១៣ ដើមអម្ពិល មិនអាចធ្វើ<br />ការទាក់ទង សុំការបំភ្លឺពីភាគី ប្ដី-ប្រពន្ធខាងលើនេះបានឡើយ ដោយមិនមានលេខទូរស័ព្ទសម្រាប់<br />ធ្វើការទាក់ទង ៕</p>
<p style="text-align: center;"><img title=" " src="http://image.dap-news.com:81/dap-news/dap-images/2013/June/id-015/T-0058.jpg" alt="" width="500" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>