<p><span style="color: #000000;"><strong>(បាងកក)៖</strong> អាជ្ញាធរ និងក្រុមមន្ត្រីជំនាញរបស់ប្រទេសថៃ កំពុងតែធ្វើការត្រួតពិនិត្យ និងស្រាវជ្រាវទៅលើបំណែកថ្មី មួយដែលសង្ស័យថា ជាបំណែកយន្តហោះ Malaysia Airlines Flight MH370 ដែលបានបាត់ដំណឹងជិត ២ឆ្នាំ នេះបើយោងតាមការចេញផ្សាយ របស់កាសែតបាងកកប៉ុស្ដិ៍ ចេញផ្សាយនៅថ្ងៃទី២៥ ខែមករា ឆ្នាំ២០១៦។</span></p>
<p><span style="color: #000000;"><a class="thickbox" title="" href="/FileManager/Commons/2016/1/25/17a-25-01-2016--13-35-33.jpg"><img src="/FileManager/Articles/mce/2016/1/25/17a-25-01-2016--13-35-33.jpg" alt="" /></a><br /></span></p>
<p><span style="color: #000000;">មានបំណែកថ្មីមួយ ដែលមានលក្ខណៈជាបំណែកយន្តហោះ ត្រូវបានអ្នកនេសាទប្រទះឃើញ នៅឆ្នេរសមុទ្រ Nakhon Si Thammarat និងត្រូវបានបញ្ជូនទៅកាន់ទីក្រុងបាងកក ដោយតាមការសន្និដ្ឋានជាជំហានដំបូងរបស់ក្រុមអ្នកជំនាញ វាជាបំណែកយន្តហោះ ក៏ប៉ុន្តែគេមិនប្រាកដថា ជាបំណែកយន្តហោះប្រភេទណានោះទេ។</span></p>
<p><span style="color: #000000;"><a class="thickbox" title="" href="/FileManager/Commons/2016/1/25/17b-25-01-2016--13-35-22.jpg"><img src="/FileManager/Articles/mce/2016/1/25/17b-25-01-2016--13-35-22.jpg" alt="" /></a><br /></span></p>
<p><span style="color: #000000;">លោក Liow Tiong Lai នាយករដ្ឋមន្ត្រីដឹកជញ្ជួនម៉ាឡេស៊ី បានទាក់ទងមកកាន់ភាគីថៃ ក្រោយពេលទទួលបានដំណឹងពីការ ប្រទះឃើញបំណែកយន្តហោះនេះ ប៉ុន្តែរបាយការណ៍ នៃការស៊ើបអង្កេតនៅមិនទាន់ទម្លាយឲ្យដឹងនោះទេ។</span></p>
<p><span style="color: #000000;">គួរបញ្ជាក់ផងដែរថា យន្តហោះ Malaysia Airlines Flight MH370 ជាមួយនឹងមនុស្សនៅលើយន្តហោះ ២៣៩នាក់ បានបាត់ដំណឹងកាលពីថ្ងៃទី០៨ ខែមីនា ឆ្នាំ២០១៤ ក្នុងជើងហោះហើរពីទីក្រុងកូឡាឡាំពួរ ទៅកាន់ទីក្រុងប៉េកាំង៕</span></p>
<p><a class="thickbox" title="" href="/FileManager/Commons/2016/1/25/17c-25-01-2016--13-35-15.jpg"><img src="/FileManager/Articles/mce/2016/1/25/17c-25-01-2016--13-35-15.jpg" alt="" /></a></p>
<p style="text-align: right;"><span style="color: #000000;">ប្រភព ៖ បាងកកប៉ុស្ដិ៍</span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>