<p>នេះក៏ជាសកម្មភាពដំបូង បន្ទាប់ពី CEO Facebook ប្រកាសថា នឹងបរិច្ចាគ ៩៩% នៃទ្រព្យនៅក្នុង<br /> Facebook ដើម្បីធ្វើសកម្មភាពមនុស្សធម៌។</p>
<p>ឯកសារមួយដែលទើបត្រូវបានបញ្ជូនទៅកាន់ SEC កាលពីថ្ងៃទី ១៨កន្លងទៅ បានបង្ហើបឱ្យដឹងថា <br />Mark Zuckerberg បានលក់ភាគហ៊ុន Facebook ចំនួន ៧៦៨.០០០ហ៊ុន ដែលគាត់កំពុងកាន់កាប់។<br /> ភាគហ៊ុននេះ មានតម្លៃប្រមាណជា ៩៥លានដុល្លារអាមេរិក។</p>
<p style="text-align: center;"><a class="thickbox" title="" href="/FileManager/Commons/2016/8/20/face-20-08-2016--09-32-46.jpg"><img style="display: block; margin-left: auto; margin-right: auto;" src="/FileManager/Articles/mce/2016/8/20/face-20-08-2016--09-32-46.jpg" alt="" /></a><span>Mark Zuckerberg និងភរិយា<br /></span></p>
<p>នៅក្នុងឯកសារនេះក៏បានឱ្យដឹងថា ការលក់ភាគហ៊ុនខាងលើនេះ គឺជាសកម្មភាពមួយដែលត្រូវ<br />នឹងការសន្យារបស់ CEO Facebook ។ នោះគឺជាបរិច្ចាគចំនួន ៩៩% នៃទ្រព្យរបស់ខ្លួននៅក្នុង <br />Facebook ដើម្បីធ្វើសកម្មភាពមនុស្សធម៌។ ចំនួនទឹកប្រាក់ខាងលើនេះនឹងត្រូវបានបញ្ចូលទៅក្នុង<br />មូលនិធិមនុស្សធម៌ដែលត្រូវបានបង្កើតឡើងដោយ Mark Zuckerberg និងភរិយា។</p>
<p>Zuckerberg ឱ្យដឹងថា មូលនិធិរបស់លោក និងប្រពន្ធ នឹងផ្ដោតសំខាន់ទៅលើ “ការអប់រំ ព្យាបាល<br />ជម្ងឺ”។ Zuckerberg ក៏មានបំណងបង្កើតពិភពលោកមួយដែលល្អជាងបច្ចុប្បន្ន សម្រាប់មនុស្ស<br />ជំនាន់ក្រោយ និងសម្រាប់កូនស្រីរបស់លោក ដែលទើបនឹងចាប់កំណើត។</p>
<p>នេះក៏ជាលើកដំបូងដែល CEO Facebook សម្រេចចិត្តលក់ភាគហ៊ុនរបស់ខ្លួន ជាជំហានដំបូងក្នុង<br />គម្រោងបរិច្ចាគ ១ពាន់លានដុល្លារ ក្នុងរយៈពេល ៣ឆ្នាំ ដើម្បីធ្វើសកម្មភាពមនុស្សមម៌។ ប្រការ<br />នេះមានន័យថា CEO Facebook នឹងលក់ភាគហ៊ុនបែបនេះជាច្រើនលើកទៀត ក្នុងពេលអនាគត។</p>
<p>បច្ចុប្បន្ន Mark Zuckerberg កំពុងតែកាន់កាប់ភាគហ៊ុនចំនួន ៤០០លានហ៊ុនរបស់ Facebook ដូច្នេះ<br /> ៩៥លានដុល្លារខាងលើ គ្រាន់តែជាចំណែកដ៏តូចមួយក្នុងចំណោមទ្រព្យសម្បត្តិដ៏ច្រើនរបស់មហា<br />សេដ្ឋីវ័យក្មេងរូបនេះ។ បើទោះបីជាគាត់បានលក់ភាគហ៊ុនមួយភាគធំរបស់ខ្លួន ក៏ប៉ុន្តែ CEO Mark <br />Zuckerberg នៅតែមានសិទ្ធិសម្រេចវាសនារបស់ Facebook។</p>
<p style="text-align: right;">ប្រែសម្រួល ៖ បុត្រា<br /><br /></p>