<div class="article-content">
<p><strong>កំពង់ចាម ៖</strong> យុវជនម្នាក់ បានដាច់ចិត្ដ លោតទឹកសម្លាប់ខ្លួន ពីលើស្ពានគីហ្សូណា ក្នុងក្រុងកំពង់<br />ចាម ខេត្ដកំពង់ចាម ដោយ សារតែរូបគេ តូចចិត្ដនឹងមិត្ដរួមការងារលួច បើកលុយប្រាក់ខែ អស់ <br />៣០ម៉ឺនរៀល ប៉ុន្ដែ នៅពេលដែលជនរងគ្រោះ លោតពីលើស្ពាន គីហ្សូណាជីវិតថ្លៃមិនទាន់អស់<br />អាយុ បានទើ លើខ្សែកាប នៅខាងក្រោមស្ពានក៏ត្រូវបាន ប្រជាពលរដ្ឋឃើញទាន់ រាយការណ៍ជូន សមត្ថកិច្ចជួយសង្គ្រោះស្រង់មកលើគោក វិញ ។</p>
<p>សាក្សីដែលស្ថិតនៅកន្លែងកើតហេតុ បានឱ្យដឹងថា នៅវេលាម៉េង ១១ និង៣០ នាទីព្រឹក ថ្ងៃទី០៦<br /> ខែវិច្ឆិកា ឆ្នាំ២០១៣នេះ ស្រាប់តែគេឃើញ មានបុរសម្នាក់ស្លៀក ខោជើងវែងពណ៌ខ្មៅ អត់មានអាវ <br />អត់ ស្បែកជើង ទើលើខ្សែកាបរត់ខ្វាត់ខ្វែងនៅ ក្រោមស្ពានគីហ្សូណា ពេលនោះបានរាយការណ៍<br />ជូនកម្លាំងនគរបាល ប្រចាំគោលដៅ ស្ពាន រួចហើយយកខ្សែពួទម្លាក់ឱ្យយុវជន រូបនេះ តោងឡើង<br />មកលើគោកវិញដើម្បី សួរនាំពីដំណើររឿង ។</p>
<p>នៅចំពោះមុខសមត្ថកិច្ច យុវជនរូបនេះ បាននិយាយថា ខ្លួនឈ្មោះ ដា វណ្ណៈ អាយុ ១៨ឆ្នាំ មានស្រុក<br />កំណើតនៅភូមិស្លា ឃុំ ទន្លង់ ស្រុកមេមត់ ខេត្ដកំពង់ចាម ។យុវជន ដា វណ្ណៈ បានបន្ដថា ក្រោយចាក<br />ចេញពី ស្រុកកំណើត រូបគេបានទៅធ្វើជាកម្មករនៅ ស្រុកជើងព្រៃ ខេត្ដកំពង់ចាម ។ ប៉ុន្ដែ ក្រោយពី<br />បានធ្វើ រហូតដល់ថ្ងៃទី០៥ ខែវិច្ឆិកា ជាថ្ងៃបើកប្រាក់ខែនោះ ស្រាប់តែ មិត្ដរួមការងារ លួចបើកប្រាក់<br />ខែ របស់ខ្លួន ចំនួន ៣០ម៉ឺនរៀល គេចខ្លួនទៅស្រុកបាត់ ។ ដោយឡែក យុវជនដែលមានលុយកាក់ <br />តិចតួចក្នុងហោប៉ៅ បានជិះរថយន្ដឈ្នួល ឆ្ពោះទៅស្រុកកំណើត នៅឯស្រុកមេមត់ វិញ ប៉ុន្ដែ ពេល<br />មកដល់គល់ស្ពានគីហ្សូណា ម្ចាស់រថយន្ដឈ្នួលបានទម្លាក់រូបគេចោល ដោយសារតែអត់មានលុយ<br />ជិះបន្ដទៅទៀត ។</p>
<p>នៅពេលដែលម្ចាស់រថយន្ដឈ្នួល ទម្លាក់ ខ្លួនចោលនៅគល់ស្ពានគីហ្សូណា រូបគេបាន ដើរទៅលើ<br />ស្ពាន ដោយគ្មានលុយមួយកាក់ មួយសេន ដូច្នោះហើយបែកគំនិតចង់សម្លាប់ ខ្លួនព្រោះតែមិត្ដភ័ក្ដិ<br />លួចបើកប្រាក់ខែអស់ ក៏ដោះស្បែកជើងទាំងគូរ បោះចោលទៅ ក្នុងទឹកមុន រួចដោះអាវបោះទៅទៀត បន្ទាប់មកទើបរូបគេលោតតាមក្រោយ ។ ប៉ុន្ដែ ទឹកដោះម្ដាយថ្លៃអាយុមិនទាន់អស់ យមបាលមិនទាន់<br />មកយក ក៏ទើនៅលើខ្សែកាប រត់ខ្វាត់ខ្វែងក្រោមស្ពានមិនធ្លាក់ចូល ទៅក្នុងទឹកស្លាប់នោះឡើយ ទើប<br />ប្រជាពលរដ្ឋឃើញទាន់ ក៏រាយការណ៍ជូនសមត្ថកិច្ច យកខ្សែពួទម្លាក់ឱ្យតោងមកលើគោកវិញ ។</p>
<p>ក្រោយពីការសួរនាំ នឹងដឹកពីរឿងរ៉ាវ រួចមក សមត្ថកិច្ចដោយមានចិត្ដអាណិត អាសូរ ក៏បានឱ្យលុយ<br />បន្ដដំណើរទៅស្រុក កំណើត ជួបជុំគ្រួសារតែម្ដងទៅ ៕</p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0202.jpg" alt="" width="500" /></p>
<p style="text-align: center;"><img src="http://image.dap-news.com:81/dap-news/dap-images/2013/November/id-067/CH-0203.jpg" alt="" width="500" /></p>
<p style="text-align: right;">ដោយ៖ ដើមអំពិល<br />ផ្តល់សិទ្ធិដោយ៖ ដើមអំពិល</p>
</div>