<p><span style="color: #000000;"><strong>(កោះកុង)៖</strong> ជនសង្ស័យម្នាក់ឈ្មោះ ចាប ថុល អាយុ៤៥ឆ្នាំ ត្រូវបានកម្លាំងនគរបាលលចាប់បញ្ជូន ទៅតុលាការខេត្តនៅថ្ងៃទី៦ ខែតុលា ឆ្នាំ២០១៦នេះ ដើម្បីចាត់ការទៅតាមនីតិវិធីច្បាប់ ពាក់ព័ន្ធការចាប់រំលោភកូនស្រីចុង រហូតបានសម្រេច២ដង។</span></p>
<p><span style="color: #000000;">លោកវរសេនីយ៍ត្រី ឡាយ ទីរូ នាយរងការិយាល័យព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្តកោះកុង បានឲ្យដឹងថា ជនសង្ស័យរស់នៅភូមិ២ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង មានមុខកម្មករ ចំណែកក្មេងស្រីរងគ្រោះ ឈ្មោះ ធ.ផ.ល អាយុ១០ឆ្នាំ រស់នៅក្នុងបន្ទុកឪពុកម្តាយ។</span></p>
<p><span style="color: #000000;">លោកបានបន្តទៀតថា ជនសង្ស័យខាងលើត្រូវសមត្ថកិច្ចឃាត់ខ្លួន នៅវេលាម៉ោង១៦៖៣០នាទី ថ្ងៃទី៥ ខែតុលា ឆ្នាំ២០១៦ ស្ថិតនៅ ភូមិឃុំខាងលើ។</span></p>
<p><span style="color: #000000;">លោកបន្តថា មុនការឃាត់ខ្លួនជនសង្ស័យ សមត្ថកិច្ចបានទទួលពាក្យបណ្តឹង ដោយសារមានអង្គកាលីការដូ មកប្តឹងហើយនាំក្មេងស្រី រងគ្រោះ មកជាមួយគាត់។ មន្រ្តីអង្គការលីកាដូរូបនោះ បាននិយាយថា គាត់ជាអ្នករស់នៅផ្ទះជិតគ្នា ដល់ពេលឃើញកូនស្រីរងគ្រោះ ស្រែកយំខ្លាំង ទើបរត់មកឲ្យគាត់ជួយ ពេលគាត់សួរនាំទៅក្មេងស្រី រងគ្រោះប្រាប់ថា ឪពុកចុងនាងបានចាប់នាងរំលោភ បានសម្រេច រហូតទៅ២ដង នៅចុងខែកញ្ញានេះ នៅពេលម្តាយមិននៅផ្ទះ។</span></p>
<p><span style="color: #000000;">ដើម្បីចង់ដឹងការពិត សមត្ថកិច្ចបានហៅក្មេងស្រីរងគ្រោះទៅធ្វើកោសលវិច្ច័យ នៅមន្ទីរពេទ្យបង្អែកទើបដឹងថានាងត្រូវឪពុកចុង ចាប់រំលោភពិតប្រាកដមែន ទើបសមត្ថកិច្ចធ្វើការឃាត់ខ្លួនសង្ស័យតែម្តង។ ក្មេងស្រីរងគ្រោះបាននិយាយប្រាប់សមត្ថកិច្ចថា ឪពុកចុងចាប់ រំលោភនាងបានសម្រេច ហើយគំរាមថា បើហ៊ានប្រាប់ម៉ែឲ្យដឹង ឪពុកចុងនឹងអារ-កសម្លាប់ចោលទៀតផង៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14520591_337622619903580_2011586847018843790_n.jpg?oh=35066c39eb9e49d7c95f7eb1e07d6637&oe=587144A3" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/14470640_337622613236914_2658594535237540_n.jpg?oh=f36e9cd2662cc6dd07fd9ac17282108a&oe=58A9A368" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ហ្រ្វេសញ៉ូវអាសុី </span></p>