<p><span style="color: #000000;"><strong>(ភ្នំពេញ)៖</strong> «បើនាងម្នាក់ហ្នឹងមិនបានតាំងខ្លួន ជាតារាឬមិនពាក់ព័ន្ធ និងសិល្បៈទេ ចង់នាងដើរទៅណាមកណាធ្វើអ្វី ឬថតអ្វីមិនស្លៀកពាក់ខោអាវសោះតែម្តង ក៏គ្មាននរណាទៅឆ្កួត ខឹងនឹងនាងដែរ ផ្ទុយទៅវិញគឺមានតែអរគុណនាងទៅវិញ ដែលនាងចិត្តល្អ ឲ្យភ្នែកគ្រប់គ្នា រាប់តាំងពីពូៗម៉ូតូឌុប អ្នកលក់លៀសហាល អ្នកបោសសំរាមផង ក៏អាចមើលរបស់នាង Free Free បាននោះ»។ នេះជាសម្តីលើកឡើង ពីសំណាក់តារាចម្រៀងសម្លេងរណ្តំចិត្ត អ្នកនាង ម៉េង កែវពេជ្ជតា ប្រតិកម្មចំពោះភាពសិចស៊ី និងការប្រើពាក្យសម្តីក្រអើតក្រទម របស់នាង ដេននី ខ្វាន់។</span></p>
<p><span style="color: #000000;">នៅលើបណ្តាញសង្គមហ្វេសប៊ុក របស់តារាស្រីចាស់វស្សា អ្នកនាង ម៉េង កែវពេជ្ជតា បានសរសេរទៀតថា «សំខាន់នាងយកឈ្មោះជាតារា ឈ្មោះអ្នកសិល្បៈមកលាប ដើម្បីទាញការចាប់អារម្មណ៍ និងពង្រីកទីផ្សាររបស់នាង ហើយពេលមហាជនតិះទៀន នាងបែរជានិយាយ បែបបន្ទាបបន្ថោកថា នាងមិនរស់ដោយសារសិល្បៈទៅវិញ។ សម្តីក្អេងក្អាង ចំអកដល់ក្រសួងវប្បធម៌ និងជេរបញ្ជោះតបត ដល់អ្នកតិះទៀនទាំងប៉ុន្មានរបស់នាង និងបងប្អូនរបស់នាង គឺវាលើសពេកហើយ.!»។</span></p>
<p><span style="color: #000000;">ជាមួយគ្នានេះអ្នកនាង ម៉េង កែវពេជ្ជតា ក៏បានបង្ហាញពីអារម្មណ៍ មិនសប្បាយចិត្ត ខណៈក្រសួងពាក់ព័ន្ធមួយចំនួន មិនបានយកចិត្តទុកដាក់ ចំពោះបញ្ហានេះថា« មិនសមណាក្រសួងពាក់ព័ន្ធ ជាពិសេសក្រសួងវប្បធម៌ លោកបិទភ្នែកបិទត្រចៀកទៀតនោះទេ គួរណាស់តែលោកចាត់វិធានការណ៍ ធ្វើការព្រមានចំៗឈ្មោះតែម្តងទៅ មិនដឹងថា នៅបិតបាំងលាក់មុខឲ្យដល់ណាទៀតទេ បើនាងព្រហើនដល់ម្លឹងហើយ »។</span></p>
<p><span style="color: #000000;">«ល្មមហើយ ល្មមអាណិតដល់ពួកយើង ជាសិល្បៈនារីៗដែលខិតខំប្រព្រឹត្តខ្លួនល្អ ខំតស៊ូដោយសុច្ចរិតទៀងត្រង់ ទោះអត់ឃ្លានមានហូប ឬ គ្មានសម្ភារៈទំនើបប្រើប្រាស់ ក៏ពួកយើងមិនលក់ឧត្តមគតិដែរ ដើម្បីរក្សាការពារកិត្តិយសជាស្ត្រីខ្មែរ និងសិល្បៈតែបែរជាត្រូវមកស្អុយរលួយឈ្មោះ ព្រោះតែនាងៗប៉ុន្មាននាក់ហ្នឹង គឺមិនត្រឹមត្រូវ និងមិនយុត្តិធម៌ឡើយ សូមមេត្តាក្រសួង លោកជួយធ្វើចំណាត់ការឲ្យច្បាស់ផងក្នុងរឿងនេះ ពួកយើងខ្ញុំហត់ហើយ ហត់នឹងធ្វើល្អ ហត់នឹងអំណត់ ហត់នឹងទទួលពាក្យចោទប្រកាន់ ហត់នឹងពន្យល់មហាជនថា មួយណាជាលាមក មួយណាជាផ្កា »។ នេះជាសម្ដី ក្នុងន័យសុំណូមពរបន្ថែមពីសំណាក់អ្នកនាង ម៉ែង កែវពេជ្ជតា ។</span></p>
<p><span style="color: #000000;">ប្រតិកម្មរបស់អ្នកនាង ម៉េង កែវពេជ្ជតា ខាងលើនេះ បានធ្វើឡើង បន្ទាប់តារាស្រីជំនាន់ថ្មីទើបដុះពន្លក លើវិថីសិល្បៈនាង ដេននី ខ្វាន់ កាន់តែមានចរិតគឃ្លើន ពីមួយថ្ងៃទៅមួយថ្ងៃ ទាំងការប្រើប្រាស់ពាក្យសម្តី មិនសមរម្យ និងភាពសិចស៊ីជ្រួលនិយមមិនប្រមាណខ្លួន មានសញ្ជាតិជារីខ្មែរ ឬជាជាតិសាសន៍អ៉ឺរ៉ុបនោះ។ អ្វីកាន់តែពិសេសជាងនេះ គឺនាងដេននី ខ្វាន់ ហាក់មានចរិតព្រហើន មិនទទួលយកការពិត ហើយថែមទាំងចេញមុខជេរប្រមាថ ដល់មហាជនដែលរិះគន់ ក្នុងន័យស្ថាបនាកែលម្អទៀតផង។</span></p>
<p><span style="color: #000000;">ទាក់ទងបញ្ហានេះ គេហទំព័រ Khmertalking នៅព្រឹកថ្ងៃទី១២ ខែឧសភាឆ្នាំ២០១៦នេះ មិនអាចស្វែងរកការសួរនាំ ពីក្រួសួងវប្បធម៌ និងវិចិត្រសិល្បៈបាននៅឡើយទេ អំពីចំណាត់ការ លើតារាស្រីដែលស្លៀកពាក់ សិចស៊ីដូចនាង ដេននី ខ្វាន់។ រីឯសាមីខ្លួនដែលកំពុងរងនូវការរិះគន់ បាញ់ចាក់ស្រោចយ៉ាងចាស់ដៃ កញ្ញា ខេននី ខ្វាន់ គេហទំព័រKhmertalking ក៏មិនអាចស្វែងរកការបំភ្លឺ បាននៅឡើយដែរ៕</span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13151613_1431919560167683_8152384637594564253_n.jpg?oh=c2cf9a9dc0a534581293c0f623172fdb&oe=57ACA260" alt="" width="730" /></span></p>
<p><span style="color: #000000;"><img src="https://fbcdn-sphotos-b-a.akamaihd.net/hphotos-ak-xtl1/v/t1.0-9/13164250_1431919553501017_3151883339417555555_n.jpg?oh=3898ed6da08e94e0e3e708a2df04a46a&oe=57DCCA9C&__gda__=1470606511_a0cee33232fb74da631f871577ba62df" alt="" width="730" /></span></p>
<p><span style="color: #000000;"><img src="https://fbcdn-sphotos-e-a.akamaihd.net/hphotos-ak-xlf1/v/t1.0-9/13177060_1431919556834350_3574528679697592651_n.jpg?oh=ba6465e3ba405b2eb33a2e209a698a7c&oe=57A2ABA2&__gda__=1470163769_17a08e085fa693bbf8710e5f410ed788" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13177486_1431919603501012_2283847323546760339_n.jpg?oh=932acda500d68d8be451fef1263636d8&oe=57E73261" alt="" width="730" /></span></p>
<p><span style="color: #000000;"><img src="https://scontent-kul1-1.xx.fbcdn.net/v/t1.0-9/13226653_1431919610167678_3046894622089157476_n.jpg?oh=dcfd527b757cc6a11295855f557c9f44&oe=57E02EDF" alt="" width="730" /></span></p>
<p><span style="color: #000000;"><img src="https://fbcdn-sphotos-d-a.akamaihd.net/hphotos-ak-xpf1/v/t1.0-9/13221442_1431919606834345_642431262951765758_n.jpg?oh=4f4c981d3f96f9facf460a61dbc9e31f&oe=57D8F568&__gda__=1469666050_ce3dda9fc7b0fbdcbcb3fc9528072627" alt="" width="730" /></span></p>
<p> </p>
<p style="text-align: right;"><br /><span style="font-size: 12px; color: #000000;">ផ្តល់សិទ្ធដោយ ៖ ខ្មែរថកឃីង</span></p>