<p><span style="color: #000000;"><strong>(បាងកក)៖</strong> នៅព្រឹកថ្ងៃសៅរ៍នេះ សម្តេចតេជោ ហ៊ុន សែន នាយករដ្ឋមន្រ្តី នៃកម្ពុជា បានលើកឡើងថា ទស្សនកិច្ចផ្លូវការនៅប្រទេសថៃ កាលពីម្សិលមិញ ត្រូវបានបញ្ចប់ជាមួយលទ្ធផលប្រកបដោយផែ្លផ្កា ហើយនៅថ្ងៃនេះគណៈរដ្ឋមន្ត្រីនៃប្រទេសទាំងពីរ និងប្រជុំជាលើកទី២ បន្ទាប់ពីការប្រជុំនៅ ឆ្នាំ២០០៣។ ដោយក្នុងនោះមាន ឯកសារមួយចំនួន នឹងត្រូវចុះហត្ថលេខាដែលសុទ្ធសឹងតែជាផលប្រយោជន៏ នៃប្រជាជនទាំងសងខាង កម្ពុជា និងថៃ។</span></p>
<p><span style="color: #000000;">សម្តេចតេជោ ហ៊ុន សែន បានលើកឡើងនៅលើ Facebook ផ្លូវការរបស់សម្តេចថា៖ <strong>«ទាំងទស្សនកិច្ច ទាំងការប្រជុំគណៈរដ្ឋមន្ត្រី នៃប្រទេសទាំងពីរធ្វើឡើងចំពេលខួបអនុស្សាវរីយ៍លើក៦៥ឆ្នាំ នៃទំនាក់ទំនងការទូតរវាង ប្រទេសទាំងពីរកម្ពុជា ថៃ។ រាល់ការសន្ទនា ខ្ញុំមិនភ្លេចលើកឡើង អំពីពលករកម្ពុជា ដែលកំពុងធ្វើការនៅក្នុងប្រទេសថៃ ដែលបានស្នើឲ្យភាគីថៃ យកចិត្តទុកដាក់ជួយ ថែទាំ និងខិតខំរួមគ្នាដើម្បីលប់បំបាត់ពួកជួញដូរមនុស្ស និងកេងប្រវញ្ច័កម្លាំងពលកម្ម»។</strong></span></p>
<p><span style="color: #000000;">ក្រៅពីនោះសម្តេចតេជោ សូមការយោគយល់អាធ្យាស្រ័យពីសំណាក់បងប្អូនពលករ និងនិស្សិតកម្ពុជាដែលកំពុងសិក្សា និងធ្វើការក្នុងប្រទេសថៃ ដែលសម្តេចពុំមានលទ្ធភាពរៀបចំការជួបសណេះសំណាលបាន អាស្រ័យដោយពុំមានពេលវេលាគ្រប់គ្រាន់។ សម្តេចតេជោ សូមផ្តាំផ្ញើសាកសួរសុខទុក្ខ និងសូមជូនពរបងប្អូន ទាំងអស់ជួបតែសេចក្តីសុខ៕</span></p>
<p><span style="color: #000000;">សម្តេចតេជោ បានសរសេរនៅលើ Facebook យ៉ាងដូច្នេះថា៖ «សូមបងប្អូនពលករនិងនិស្សិតកម្ពុជាដែលកំពុងសិក្សានិងធ្វើការក្នុងប្រទេសថៃ មេត្តាយោគយល់អាធ្យាស្រ័យដែលខ្ញុំ ពុំមានលទ្ធភាពរៀបចំការជួបសណេះសំណាលបាន អាស្រ័យដោយពុំមាន ពេលវេលាគ្រប់គ្រាន់។ ខ្ញុំសូមផ្តាំផ្ញើសាកសួរសុខទុក្ខនិងសូមជូនពរបងប្អូន ទាំងអស់ជួបតែសេចក្តីសុខ»៕</span></p>
<p><span style="color: #000000;"><a class="thickbox" title="" href="/FileManager/Commons/2015/12/19/12-19-2015-8-39-01-am-19-12-2015--08-45-43.png"><span style="color: #000000;"><img src="/FileManager/Articles/mce/2015/12/19/12-19-2015-8-39-01-am-19-12-2015--08-45-43.png" alt="" /></span></a></span></p>
<p style="text-align: right;"><span style="color: #000000;">ផ្ដល់សិទ្ធដោយ៖ ហ្វេ្រសញ៉ូវអាស៊ី</span></p>