<p><span style="color: #000000;"><strong>(ព្រះសីហនុ)៖</strong> នៅព្រឹកព្រលឹមថ្ងៃទី១៧ ខែកុម្ភៈ ឆ្នាំ២០១៦នេះ នាវាកងទ័ពស្វ័យការពារជប៉ុនចំនួន ៣គ្រឿង ផ្ទុកកងម៉ារីនជាង ៦០០នាក់ បានចូលចតនៅកំពង់ផែស្វយ័តក្រុងព្រះសីហនុ ដើម្បីបំពេញទស្សនកិច្ចនៅកម្ពុជារយៈពេល ៤ថ្ងៃ ចាប់ពីថ្ងៃទី១៧ ដល់ ថ្ងៃទី២០ ខែកុម្ភៈ ឆ្នាំ២០១៦។</span></p>
<p><span style="color: #000000;">នាវាទាំង៣នេះ រួមមាន៖ ទី១. ឈ្មោះ AKEBONO (4,550t) ផ្ទុកកងម៉ារីនចំនួន ២០៤នាក់, ទី២. ឈ្មោះYAMAYUKI (3,050t) លេខ១២៩ ផ្ទុកកងម៉ារីនចំនួន ២០២នាក់ និងទី៣. ឈ្មោះHATAKAZE (4,600t) ផ្ទុកកងម៉ារីនចំនួន ២៣១នាក់។</span></p>
<p><span style="color: #000000;">លោកឧត្តមនាវីទោ រស់ វាសនា មេបញ្ជាការរង និងជានាយសេនាធិការកងទ័ពជើងទឹកមូលដ្ឋានសមុទ្ររាម បានដឹកនាំប្រតិភូធ្វើពិធី បដិសណ្ឋារកិច្ចស្វាគមន៍យ៉ាងកក់ក្តៅ ចំពោះដំណើរមកដល់របស់នាវាកងទ័ពជើងទឹកជប៉ុនទាំង ៣គ្រឿងនេះ។</span></p>
<p><span style="color: #000000;">ស្ថានទូតជប៉ុន បានឲ្យដឹងថា ដំណើរមកកាន់ដែនសមុទ្រកម្ពុជា របស់នាវាជប៉ុនទាំង៣គ្រឿងនេះ ធ្វើឡើងដើម្បីជាការហ្វិកហ្វឺន និង កម្សាន្ត ហើយក៏ដើម្បីពង្រឹង និងពង្រីកចំណងមិត្តភាពរវាងជប៉ុន និងកម្ពុជា តាមរយៈកម្មវិធីផ្លាស់ប្តូរនានា ក៏ដូចជាផ្តល់ឱកាសឲ្យ ទាហាន ទើបបញ្ចប់ការសិក្សានៅសាលា បានទទួលការសិក្សាអំពីយោធា និងវប្បធម៌របស់កម្ពុជាផងដែរ។</span></p>
<p><span style="color: #000000;">ព័ត៌មានពីស្ថានទូតបានបន្តថា អំឡុងពេលស្នាក់នៅកម្ពុជានេះ លោកកាពីទែន កាហ្ស៊ូហ៊ីកុ មីហ្សេ មានគម្រោងបំពេញទស្សនកិច្ច នៅរាជធានីភ្នំពេញ ដើម្បីជួបសម្តែងការគួរសមជាមួយមេបញ្ជាការកងទ័ពជើងទឹកកម្ពុជា នៅថ្ងៃទី១៨ ខែកុម្ភៈ ហើយលោក ក៏នឹងផ្ត ល់កិត្តិយសក្នុងការបំពេញទស្សនកិច្ច នៅមូលដ្ឋានទ័ពជើងទឹករាម, សាលាខេត្តព្រះសីហនុ និងកំពុងផែក្រុងព្រះសីហនុ នៅថ្ងៃទី១៧ ខែកុម្ភៈ៕</span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpt1/v/t1.0-9/12715682_1559225914391774_6257938512521723248_n.jpg?oh=5f4af56f3f5c7960e85a7c29f9bc2859&oe=5730228D" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xpl1/v/t1.0-9/12717846_1559225907725108_3018104846160369691_n.jpg?oh=d759c060e11074dda4cd3d2d17b0a610&oe=572979A8" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlp1/v/t1.0-9/12744669_1559225897725109_1770822353419914475_n.jpg?oh=9399682a3110e60e0457c53befbc3880&oe=572EC938" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xtf1/v/t1.0-9/12688245_1559225894391776_110524070351579801_n.jpg?oh=01c2af4327cb0eff38c963a6ac8f1f59&oe=575EF7B3" alt="" width="730" /></span></p>
<p style="text-align: center;"><span style="color: #000000;"><img src="https://scontent-hkg3-1.xx.fbcdn.net/hphotos-xlf1/v/t1.0-9/12715746_1559225917725107_3339974852861767059_n.jpg?oh=bf5ebd4ab2878c25bd32fee5d29b1322&oe=575E5A5E" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>