<p><span style="color: #000000;"><strong>(ភ្នំពេញ)៖</strong> ប្តីញៀនថ្នាំ ញៀនស្រាម្នាក់បានទាញដាវសាំម៉ូរ៉ៃដេញកាប់ប្រពន្ធ និងកូន រងរបួសធ្ងន់ ព្រមទាំងបំផ្លាញទ្រព្យសម្បត្តិ នៅក្នុងផ្ទះអស់ជាច្រើនបង្កឲ្យមានការភ័យខ្លាច និងភ្ញាក់ផ្អើលដល់កម្លាំងនគរបាលខណ្ឌឫស្សីកែវ ចុះមកអន្តរាគមន៍ដេញតាមចាប់ក្របួចជនសង្ស័យជាប្ដីបានភ្លាមៗ ដើម្បីយកមកធ្វើការសាកសួរ។ ហេតុការណ៍ខាងលើបានកើតឡើងនៅព្រឹកថ្ងៃទី៣ ខែមីនា ឆ្នាំ២០១៦ ស្ថិតនៅចំណុចផ្ទះលេខ២៥៩៣ ផ្លូវបេតុង ភូមិ៥ សង្កាត់ច្រាំងចំរេះទី២ ខណ្ឌឫស្សីកែវ។</span></p>
<p><span style="color: #000000;">នាយប៉ុស្ដិ៍នគរបាលច្រាំងចំរេះទី២ លោក ណុះ សាវី បានឲ្យដឹងថា ជនបង្កជាប្តីឈ្មោះសាន់ ម៉ាត់ អាយុ៥២ឆ្នាំ ជាជនជាតិខ្មែរឥស្លាម មានមុខរបរនៅផ្ទះ បច្ចុប្បន្នស្នាក់នៅចំណុចកើតហេតុខាងលើ ជាមួយប្រពន្ធ ឈ្មោះហ៊ីម ម៉ៃសង អាយុ៥៦ឆ្នាំ ខែ្មរឥស្លាមដូចជា មានមុខរបរជាអ្នកដើរ ទិញសំបកខ្លងម្សៅ។ ស្ត្រីរងគ្រោះបានរៀបរាប់ប្រាប់ភ្នាក់ងារ Fresh News ទាំងទឹកភ្នែកថា ប្ដីរបស់គាត់ សាន់ម៉ាត់ ជាពោះម៉ាយមានកូន២នាក់ និងបានលែងលះជាមួយប្រពន្ធដើមដាច់ស្រេច ហើយទើបបានស្គាល់គ្នាជាមួយគាត់ ដែលជាស្ត្រីមេម៉ាយមានកូនប្រុសស្រីចំនួន៣នាក់ និងបានចាប់ដៃគ្នា ជាប្ដីប្រពន្ធតាំងពីឆ្នាំ១៩៩៤មកម្ល៉េះ។ រយៈពេលជា២០ឆ្នាំនេះ គាត់មិនមានកូនចៅជាមួយគ្នាទេ មកទល់បច្ចុប្បន្ននេះ ដោយឡែកប្ដីរបស់គាត់ពីមុន រត់ម៉ូតូឌុប ប៉ុន្តែថ្ងៃណាក៏ស្រវឹងដែរ និងប្រើប្រាស់ថ្នាំញៀនទៀត ដោយ១ថ្ងៃៗលេងតែល្បែង ដោយការចាញ់ល្បែងក៏លក់ម៉ូតូចោល ទើបគ្មានការងារធ្វើទល់សព្វថ្ងៃនៅតែផ្ទះ។</span></p>
<p><span style="color: #000000;">ស្ត្រីរងគ្រោះបានបន្តថា ចាប់តាំងពីប្ដីរបស់គាត់គ្មានម៉ូតូរត់ឌុប គឺមិនដែលនៅផ្ទះទេ ដើរតែផឹកស្រវឹងរាល់ថ្ងៃ និងជេរប្រមាថរូបគាត់ និងបោកកម្ទេចសម្ភារក្នុងផ្ទះបានក្លាយទៅជាទម្លាប់ទៅហើយ ប៉ុន្តែប្ដីរបស់គាត់ពុំដែលវាយគាត់ សូម្បីតែមួយដៃឡើយ ទើបតែពេលនេះប្ដីគាត់បានទាញដាវមកកាប់ចំពីលើក្បាលរបស់គាត់បណ្ដាលឲ្យរងរបួសហូរឈាមដេរជាច្រើនថ្នេរបែបនេះ ទើបគាត់សម្រេចប្ដឹងទៅសមត្ថកិច្ចប៉ុស្ដិ៍ នគរបាលច្រាំងចំរេះទី២ឲ្យឃាត់ខ្លួនតែម្ដង។ លោក ណុះ សាវី នាយប៉ុស្ដិ៍នគរបាលច្រាំងចំរេះទី២ បានបញ្ជាក់ថា ក្រោយពីទទួលបានសេចក្ដីរាយការណ៍ពីប្រជាពលរដ្ឋថា មានករណី ប្ដីកាប់ប្រពន្ធបណ្ដាលឲ្យរងរបួស រយះក្បាលហូរឈាម កម្លាំងនគរបាលប៉ុស្ដិ៍របស់បានទៅជួយអន្តរាគមន៍ភ្លាមៗ ដោយឃាត់ខ្លួនបុរសជាប្ដី។ ជនបង្កត្រូវបាននគរបាលប៉ុស្ដិ៍ច្រាំងចំរេះទី២ បញ្ជូនទៅឃុំខ្លួនសាកសួរ បណ្ដោះអាសន្ននៅអធិការដ្ឋាន គរបាលខណ្ឌឫស្សីកែវ ដើម្បីចាត់ការតាមនិតិវិធីនៃផ្លូវច្បាប់៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xlp1/v/l/t1.0-9/12799266_1565112013803164_4276958563877837128_n.jpg?oh=b6c5de997cf0b84b41499d0430e03fb7&oe=574F1C0F" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-b-a.akamaihd.net/hphotos-ak-xfp1/v/t1.0-9/12794500_1565112007136498_2284780961168931298_n.jpg?oh=c70ebdfeaa66d6e3fb615bbe2cca2d5a&oe=5760FB7D&__gda__=1466337325_d8f7eb3ab61a680dd53ffa4e1feaa998" alt="" width="730" /></span></p>
<p style="text-align: center;"><span style="color: #000000;"><img src="https://fbcdn-sphotos-h-a.akamaihd.net/hphotos-ak-xlf1/v/t1.0-9/12803259_1565112037136495_3928782229231866776_n.jpg?oh=cf1a3da945b4bdbc671ffa0170d0ca87&oe=575829BF&__gda__=1465009700_82f5d1f12f2f2053837caf50b5cd4ad9" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpl1/v/t1.0-9/12798825_1565112057136493_8392436251075536069_n.jpg?oh=42a58bb594ac9e224bd77b34b70d8c9d&oe=5768196F" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtl1/v/t1.0-9/12799065_1565112147136484_2410133646679628194_n.jpg?oh=a060f7ecc5eee96904e301092fee2a04&oe=5755B6B7" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/l/t1.0-9/12804737_1565112010469831_8582810513451998864_n.jpg?oh=568d53ad3c824267ef0ee6ddc5d7b8e2&oe=57516B24" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/t1.0-9/12803012_1565112063803159_5053012063024256656_n.jpg?oh=9c7eb4a5b6ccf6241e1f6f32f466842d&oe=5797410B" alt="" width="730" /></span></p>
<p><span class="a2a_kit a2a_kit_size_32 addtoany_list" style="line-height: 32px; color: #000000;" data-a2a-url="http://www.freshnewsasia.com/index.php/en/19248-2016-03-03-08-07-29.html" data-a2a-title="ប្តីញៀនថ្នាំទាញដាវសាំម៉ូរ៉ៃដេញកាប់ ប្រពន្ធ និងកូន បណ្តាលឲ្យហូរឈាមដាបផ្លូវ"> <a class="a2a_button_facebook" rel="nofollow" href="http://www.freshnewsasia.com/#facebook" target="_blank"></a><a class="a2a_button_google_plus" rel="nofollow" href="http://www.freshnewsasia.com/#google_plus" target="_blank"></a></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<p><span class="a2a_kit a2a_kit_size_32 addtoany_list" style="line-height: 32px; color: #000000;" data-a2a-url="http://www.freshnewsasia.com/index.php/en/19248-2016-03-03-08-07-29.html" data-a2a-title="ប្តីញៀនថ្នាំទាញដាវសាំម៉ូរ៉ៃដេញកាប់ ប្រពន្ធ និងកូន បណ្តាលឲ្យហូរឈាមដាបផ្លូវ"><a class="a2a_button_google_plus" rel="nofollow" href="http://www.freshnewsasia.com/#google_plus" target="_blank"><span class="a2a_label" style="color: #000000;"><br class="a2a_label" /></span></a> </span></p>