<p><span style="color: #000000;"><strong>(ហ្វីលីពីន)៖</strong> អ្នកស្លាប់កើនឡើងដល់១៤នាក់ និងរងរបួសដល់៧១នាក់ បន្ទាប់ពីហេតុការណ៍ បំផ្ទុះគ្រាប់បែកនៅផ្សាររាត្រី ក្នុងទីក្រុង Davao ដែលជាស្រុកកំណើតរបស់លោក Rodrigo Duterte ប្រធានាធិបតី ប្រទេសហ្វីលីពីន ហើយលោកបានប្រកាសថា នេះជាទង្វើភេរវកម្មសុទ្ធសាធ ដែលតម្រូវឲ្យមាន ការបិទទីក្រុងដើម្បីដោះស្រាយបញ្ហា។ នេះបើយោងតាមព័ត៌មាន CNN ចេញផ្សាយបន្តបន្ទាប់នៅព្រឹកថ្ងៃសៅរ៍ទី០៣ ខែកញ្ញា ឆ្នាំ២០១៦។</span></p>
<p><span style="color: #000000;">មិនទាន់មានការប្រកាសដាក់ច្បាប់អាជ្ញាសឹកនោះទេ ដែលបច្ចុប្បន្នក្រុមប៉ូលិសនៅក្នុងតំបន់ កំពុងតែធ្វើការតាមដានអំពីដើមហេតុ នៃការបំផ្ទុះគ្រាប់បែកយ៉ាង ម៉ត់ចត់បំផុត។ ដោយឡែករថយន្តពន្លត់អគ្គិភ័យ ព្រមទាំងរថយន្តសង្គ្រោះបន្ទាន់ ក៏កំពុងតែធ្វើការសង្គ្រោះប្រជាជន ដែលបានរងរបួសនៅទីនោះផងដែរ។</span></p>
<p><span style="color: #000000;">សូមជំរាបថា ការបំផ្ទុះគ្រាប់បែកនេះ ត្រូវបានកើតឡើងនៅផ្លូវ Roxas នៃទីក្រុងដាវ៉ាវ ប្រទេសហ្វីលីពីន ដែលត្រូវបានស្គាល់ថា ជាផ្សាររាត្រី លក់ចំណីអាហារពេលរាត្រី សម្រាប់ភ្ញៀវទេសចរណ៍ និងអ្នកធ្វើដំណើរផ្សេងៗ ដែលទីក្រុងនោះជាស្រុកកំណើត របស់ប្រធានាធិបតី Rodrigo Duterte ដែលកន្លងមកធ្លាប់ជាប់លំដាប់ថ្នាក់ ជាទីក្រុងដ៏សុខសាន្តបំផុតនៅហ្វីលីពីន៕</span></p>
<p><span style="color: #0000ff;"><a href="/News/Detail/40208/philippines-bomb-attack-on-davao-market-kills-12" target="_blank"><span style="color: #0000ff;">- ផ្ទុះគ្រាប់បែកនៅផ្សាររាត្រី ក្នុងទីក្រុង ស្រុកកំណើតរបស់ប្រធានាធិបតីហ្វីលីពីន ស្លាប់១០នាក់ និងរបួស៦០នាក់</span></a></span></p>
<p><span style="color: #000000;"><img src="http://i2.cdn.turner.com/cnnnext/dam/assets/160902135407-03-philippines-davao-city-explosion-exlarge-169.jpg" alt="" width="730" /></span></p>
<p><span style="color: #000000;"><img src="http://www.xinhuanet.com/english/titlepic/111950/1119504313_1472861836079_title0h.jpg" alt="" width="730" /></span></p>
<p><span style="color: #000000;"><a class="thickbox" title="" href="/FileManager/Commons/2016/9/3/85b-03-09-2016--11-20-04.jpg"><img src="/FileManager/Articles/mce/2016/9/3/85b-03-09-2016--11-20-04.jpg" alt="" /></a><br /></span></p>
<p style="text-align: right;"><span style="color: #000000;">ប្រភព ៖ ស៊ិអិនអិន</span></p>