<p><span style="color: #000000;"><strong>ភ្នំពេញ៖</strong> នៅក្នុងឱកាសបុណ្យភ្ជុំបិណ្ឌនេះ គេសង្កេតឃើញ វត្តមានអ្នកសិល្បៈ និងបងប្អូនប្រជាពលរដ្ឋ បាននាំក្រុមគ្រួសារ ទៅវត្តជួបជុំរួមគ្នា ធ្វើបុណ្យយ៉ាងសប្បាយរីករាយ។ ទន្ទឹមនឹងគ្នានោះ គេឃើញវត្តមានតារាសម្តែង និងជាតារាចម្រៀង លោក យ៉ែម សំអូន បែរជាមានភាពកណ្តោចកណ្តែង ទៅវត្តតែម្នាក់ឯង ក្រោយពីលោកបានបែកបាក់ ជាមួយភរិយា រូបស្អាតមក ដែលមើលទៅលោកហាក់ដូចជា កំសត់ខ្លាំងណាស់ ។</span></p>
<p><span style="color: #000000;">នាពេលកន្លងមក តារាសម្តែងប្រុសរូបស្អាត លោក យ៉ែម សំអូន តែងតែបង្ហាញវត្តមាន ដោយមានការបណ្តើរភរិយា អ្នកនាង យ៉ាន លីនដា គ្រប់កម្មវិធី ប្រៀបដូចជា លលកញីឈ្មោល មិនដែលបែកគ្នាឡើយ ដោយមើលទៅស្វាមីភរិយាមួយគូនេះ ស្រលាញ់គ្នា ល្អូកល្អឺនខ្លាំងណាស់។ បន្ទាប់ពីតារាប្រុសរាងខ្ពស់ស្រឡះ លោក យ៉ែម សំអូន បានផ្ទុះហឹង្សារហូតដល់ វាយភរិយា ជាំមុខជាំមាត់មក ភរិយារបស់លោកក៏បាន បោះជំហានចាកចេញពីលោក ទៅរស់នៅអូស្ត្រាលី ដោយបន្សល់ទុក ឲ្យលោករស់នៅកណ្តោចកណ្តែង កំព្រាតែម្នាក់ឯង ។</span></p>
<p><span style="color: #000000;">អ្វីដែលទស្សនិកជន មានការចាប់អារម្មណ៍ ចំពោះភាពសោកសៅរបស់ លោក យ៉ែម សំអូន នោះគឺ នៅពេលដែលលោក ទៅណាមកណាម្តងៗ លោកតែងតែផ្លាស់ប្តូរ ដៃគូសម្តែង និងច្រៀងពីមួយទៅមួយ ហើយនៅក្នុងនោះ សូម្បីតែការទៅចូលរួមកាន់បិណ្ឌ នៅក្នុងឱកាសបុណ្យភ្ជុំបិណ្ឌនេះ លោកបានបង្ហាញវត្តមាន ទៅវត្តតែម្នាក់ឯង ខុសប្លែកពីពេលមុនៗ ដែលលោកទៅណាមកណា តែងមានគូបណ្តើរ ញញឹមគ្រប់កម្មវិធី ។</span></p>
<p><span style="color: #000000;">សូមជម្រាបផងដែរថា ក្រោយពីលោក យ៉ែម សំអូន បានប្រើហឹង្សាដាក់ភរិយា អ្នកនាង យ៉ាន លីនដា មក ពួកគេទាំងពីរនាក់ បានរស់នៅបែកគ្នា ។ មិនតែប៉ុណ្ណោះ នៅពេលជួបបញ្ហានោះ ភរិយារបស់លោក បានប្រកាសក្តែងៗថា នឹងលែងលះស្វាមី ហើយមិនវិលមករួមរស់ជាមួយគ្នា តទៅទៀតទេ ។ រហូតមកដល់ពេលនេះ ចំណងស្នេហា របស់ស្វាមីភរិយាមួយគូនេះ ហាក់នៅទ្រឹងស្ងៀម ពុំមានអ្វីប្រែប្រួលថ្មីនោះទេ ហើយសម្រាប់រឿងរ៉ាវ លែងលះ ក៏ស្ងប់ស្ងាត់ ចំណែកម្ចាស់សាម៉ីខ្លួន លោក យ៉ែម សំអូន ក៏បដិសេធន៍មិននិយាយ ពីរឿងលែងលះនេះតទៅទៀតដែរ ៕</span></p>
<p><span style="color: #000000;"><a class="thickbox" title="" href="/FileManager/Commons/2015/10/3/42-03-10-2015--12-05-53.jpg"><img src="/FileManager/Articles/mce/2015/10/3/42-03-10-2015--12-05-53.jpg" alt="" /></a></span></p>
<p><a class="thickbox" title="" href="/FileManager/Commons/2015/10/3/40-03-10-2015--12-06-02.jpg"><img src="/FileManager/Articles/mce/2015/10/3/40-03-10-2015--12-06-02.jpg" alt="" /></a><span style="color: #000000;"><a class="thickbox" title="" href="/FileManager/Commons/2015/10/3/42-03-10-2015--12-05-53.jpg"></a></span></p>
<p><a class="thickbox" title="" href="/FileManager/Commons/2015/10/3/41-03-10-2015--12-06-09.jpg"><img src="/FileManager/Articles/mce/2015/10/3/41-03-10-2015--12-06-09.jpg" alt="" /></a><span style="color: #000000;"><br /></span></p>
<p><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ដើមអម្ពិល</span></p>