<div class="splitLeft" style="text-align: left;">ខណៈដែលអ្នកលេងអ៊ីនធើរណិត កំពុងសង្ស័យអំពីភាពពិតនៃដំណើរទេសចរណ៍ ១៩៦ប្រទេស របស់កម្លោះ James Asquith ក៏ស្រាប់តែមានភ័ស្ដុតាងជាក់ច្បាស់បំផុត បានបង្ហាញខ្លួន ៖ សៀវភៅឯតទគ្គកម្មពិភពលោក Guinness បានទទួលស្គាល់។<br /><br />កម្លោះជនជាតិអង់គ្លេសម្នាក់ ឈ្មោះ James Asquith អាយុ ២៤ឆ្នាំ បានធ្វើដំណើរទេសចរណ៍ដ៏អស្ចារ្យមួយ ដោយបានឈានជើងមកជាន់ទឹកដី និងទស្សនាប្រទេសឯករាជ ចំនួន ១៩៦ ប្រទេស ជាមួយនឹងប្រាក់ ១២៥,០០០ ផោន (ប្រហែល ២សែនដុល្លារ) ។</div>
<div class="splitLeft" style="text-align: left;"><br />James Asquith បានចាប់ផ្ដើមដំណើរទេសចរណ៍របស់ខ្លួន នាឆ្នាំ ២០០៨ ហើយវៀតណាម គឺជាប្រទេសដំបូងដែលគាត់មកដល់។ បន្ទាប់មក កម្លោះកើតឆ្នាំ ១៩៨៨ នេះ បានធ្វើដំណើរទៅកាន់ប្រទេសផ្សេងៗជុំវិញពិភពលោក ក្នុងនោះមានកម្ពុជាផងដែរ។ រហូតដល់ឆ្នាំ ២០១៣ James បានបញ្ចប់ដំណើរទៅកាន់ប្រទេសចំនួន ១៩៦ របស់ខ្លួន។<br /><br />James ឱ្យដឹងថា ៖ “ខ្ញុំក៏បានទៅដល់ អាមេរិក និងកាណាដា ហើយបានចំណាយប្រហែល ៥ខែនៅទីនោះ។ ខ្ញុំបានដើរទស្សនាក្នុងរដ្ឋតូចៗ ចំនួន ២៧របស់អាមេរិក ចាប់ពី Hawaii ដល់Alaska" ។<br /><br />កម្លោះនេះឱ្យដឹងថា ដើម្បីមានប្រាក់គ្រប់គ្រាន់សម្រាប់ដំណើរទេសចរណ៍នេះ គាត់បានធ្វើការរកប្រាក់ តាំងពីអាយុ ១៦ឆ្នាំ។ ជំនួសឱ្យការចំណាយប្រាក់ទិញរបស់លេងឥតប្រយោជន៍ James បែរមកសន្សំប្រាក់ សម្រាប់ក្ដីស្រមៃរបស់ខ្លួន។ ប៉ុន្ដែ ទឹកប្រាក់ដែលរកបានមុនការធ្វើដំណើរ មិនគ្រប់គ្រាន់នោះទេ ដូច្នេះ គាត់ត្រូវធ្វើការរកប្រាក់បន្ថែម នៅក្នុងប្រទេសដែលគាត់មកដល់។ <br /><br />តំបន់អាហ្វ្រិក គឺជាកន្លែងដែលកម្លោះនេះ ចំណាយពេលដល់ទៅ កន្លះឆ្នាំ សម្រាប់ដើរទស្សនា។ គាត់បានជួបប្រជាជន និងកុលសម្ព័ន្ធនានា និងឆ្លងកាត់ព្រំដែនដ៏លំបាក ដើម្បីទទួលបានបទពិសោធនៃជីវិត។<br /><br />James Asquith បានទៅកាន់ប្រទេសចំនួន ១៩៦ ក្នុងរយៈពេល ៥ឆ្នាំ ហើយគាត់មិនមានបំណងបញ្ឈប់ដំណើររបស់គាត់ត្រឹមនេះនោះទេ។<br /><br />ដំណើរទេសចរណ៍របស់ James ត្រូវបានគណកម្មការឯតទគ្គកម្មពិភពលោក Guinness ទទួលស្គាល់ ដោយបានដាក់នាមថា “មនុស្សវ័យក្មេង ឆ្លងកាត់បានច្រើនប្រទេសបំផុតក្នុងពិភពលោក” ។ <br /><br />គួររំឭកថា កាលពីឆ្នាំទៅ Graham Hughes បានបង្កើតឯតទគ្គកម្មដូចគ្នានេះ ដោយគាត់បានទៅដល់ប្រទេសចំនួន ២០១ ដោយមិនជិះយន្ដហោះ។ ប៉ុន្ដែ ឯតទគ្គកម្មនេះ ត្រូវបាន James បំបែក ដោយសារថា តំបន់មួយចំនួនដែល Graham Hughes ទៅដល់ គឺមិនទាន់ត្រូវបានអន្ដរជាតិទទួលស្គាល់។</div>
<div class="splitLeft" style="text-align: left;"></div>
<div class="splitLeft" style="text-align: center;">
<p style="text-align: center;"><img class="blkBorder" src="http://i.dailymail.co.uk/i/pix/2013/10/14/article-2458550-18BA637300000578-656_634x423.jpg" alt="Vanuatu: James Asquith, 24, spent a whopping £125,000 to achieve his ambition " width="459" height="306" /></p>
</div>
<div class="splitLeft" style="text-align: center;">ថតជាមួយកុលសម្ព័ន្ធ</div>
<div class="splitLeft" style="text-align: center;"></div>
<div class="splitLeft" style="text-align: center;"></div>
<div class="splitLeft" style="text-align: center;"><img class="blkBorder" src="http://i.dailymail.co.uk/i/pix/2013/10/14/article-2458550-18BA807F00000578-296_634x476.jpg" alt="PIC FROM CATERS NEWS - (PICTURED: ALBANIA) " width="419" height="314" />
<p class="imageCaption"> Albania</p>
</div>
<div class="splitRight" style="text-align: center;"><img class="blkBorder" src="http://i.dailymail.co.uk/i/pix/2013/10/14/article-2458550-18BA82E500000578-353_306x423.jpg" alt=" GREAT WALL OF CHINA" width="306" height="423" /></div>
<div style="text-align: center;">នៅមហាកំពែងចិន</div>
<div class="artSplitter" style="text-align: center;">
<p class="imageCaption"> </p>
</div>
<div class="splitLeft" style="text-align: center;"><img class="blkBorder" src="http://i.dailymail.co.uk/i/pix/2013/10/14/article-2458550-18BA828400000578-51_306x423.jpg" alt="India" width="306" height="423" /></div>
<div class="splitLeft" style="text-align: center;">ឥណ្ឌា</div>
<div class="splitLeft" style="text-align: center;"></div>
<div class="splitRight" style="text-align: center;"><img class="blkBorder" src="http://i.dailymail.co.uk/i/pix/2013/10/14/article-2458550-18BA811A00000578-689_306x423.jpg" alt="(PICTURED: LIBYA) -" width="306" height="423" /></div>
<div style="text-align: center;">លីប៊ី</div>
<div style="text-align: center;"></div>
<p style="text-align: center;"> <img class="blkBorder" src="http://i.dailymail.co.uk/i/pix/2013/10/14/article-2458550-18BA83D000000578-100_306x423.jpg" alt="(PICTURED: NORTH KOREA) " width="306" height="423" /></p>
<p style="text-align: center;">កូរ៉េខាងជើង</p>
<div class="splitLeft" style="text-align: center;"></div>
<div class="splitRight" style="text-align: center;"><img class="blkBorder" src="http://i.dailymail.co.uk/i/pix/2013/10/14/article-2458550-18BA87A500000578-365_306x423.jpg" alt=" (PICTURED: RUSSIA)" width="306" height="423" /></div>
<div class="splitRight" style="text-align: center;">រុស្ស៊ី</div>
<div class="splitRight" style="text-align: center;"></div>
<div class="splitRight" style="text-align: left;"><strong>អត្ថបទផ្សេងៗគួរឱ្យចាប់អារម្មណ៍<br /><br /></strong></div>
<div class="splitRight" style="text-align: left;"><span style="color: #3366ff;"><a href="/News/Detail/47083/jonathan-trappe-floated-across-atlantic-by-365-helium-party-balloons"><span style="color: #3366ff;">ឆ្លងកាត់មហាសមុទ្រ ដោយប្រើប៉េងប៉ោងហោះចំនួន ៣៦៥ បើទោះដឹងថា ធ្លាប់មានមនុស្សស្លាប់</span></a></span></div>
<div class="splitRight" style="text-align: left;"><span style="color: #3366ff;"><a href="/News/Detail/54809/tom-lackey-breaks-world-record-for-wing-walking-aged-93"><span style="color: #3366ff;">លោកតាវ័យ ៩៣ឆ្នាំ ឈរលើស្លាបយន្ដហោះ បង្កើតឯតទគ្គកម្មថ្មី</span></a></span></div>
<div class="splitRight" style="text-align: left;"><span style="color: #3366ff;"><a href="/News/Detail/87512/florida-family-finds-300000-worth-of-sunken-treasure"><span style="color: #3366ff;">រកឃើញកំណប់មាសមួយតម្លឹង ក្រោមបាតសមុទ្រ តម្លៃបីសែនដុល្លារ</span></a></span></div>
<div class="splitRight" style="text-align: center;"></div>
<div class="splitRight" style="text-align: right;"><br />ប្រែសម្រួលដោយ ៖ តារា<br />ប្រភព ៖ Dailymail</div>