<p><span style="color: #000000;">កាលពីប៉ុន្មានថ្ងៃកន្លងទៅនេះ Samsung បានចាប់ផ្តើមផ្ញើត្រលប់មកវិញ នូវបណ្តា Galaxy Note 7 ម៉ូដែលថ្មី បន្ទាប់ពីបានបញ្ចប់នូវដំណើរការជួសជុលបញ្ហា ស្តីពីការឡើងកំដៅថ្មខ្លាំង រហូតធ្វើឲ្យទូរស័ព្ទផ្ទុះឆេះ។</span></p>
<p><span style="color: #000000;"><a class="thickbox" title="" href="/FileManager/Commons/2016/10/5/1578421-05-10-2016--22-37-27.jpg"><img src="/FileManager/Articles/mce/2016/10/5/1578421-05-10-2016--22-37-27.jpg" alt="" /></a><br /></span></p>
<p><span style="color: #000000;">កូរ៉េខាងត្បូង គឺជាប្រទេសដំបូងគេមួយ ក្នុងចំណោមបណ្តាប្រទេសមួយចំនួនទៀត ដែលត្រូវបាន Samsung ផ្តល់អាទិភាពផ្លាស់ប្តូរ Galaxy Note 7 ម៉ូដែលមានសុវត្ថិភាព។ បណ្តាអតិថិជន នៅក្នុងប្រទេសកូរ៉េខាងត្បូង បានចាប់ផ្តើមទទួលបាន Samsung Galaxy Note 7 "សុវត្ថិភាព" ដំបូងគេ។ ក្រុមហ៊ុនកូរ៉េខាងត្បូង បានប្រកាសថា បណ្តាបញ្ហាកំហុសនៃថ្ម ត្រូវបានដោះស្រាយ បន្ទាប់ពីធ្វើការ ផ្លាស់ប្តូរថ្មីរួចមក។</span></p>
<p><span style="color: #000000;">ជាក់ស្តែង កាលពីថ្ងៃម្សិលមិញនេះ ម្ចាស់ស្មាតហ្វូន Galaxy Note 7 "ម៉ូដែលមានសុវត្ថិភាព" មួយរូបបានបង្ហោះនូវវីដេអូ ថតពីទិដ្ឋភាពនៃការផ្ទុះឆេះយ៉ាងសាហាវ នៃស្មាតហ្វូនរបស់ខ្លួន។ រូបគាត់បានឲ្យដឹងថា គាត់ទើបតែធ្វើការបើកទូរស័ព្ទ ហើយបានឆែកមើលសារ Kakaotalk ស្រាប់តែស្មាតហ្វូនក៏ផ្ទុះឆេះយ៉ាងសាហាវ រហូតដល់ខូចខាតទាំងស្រុងតែម្តង។ </span></p>
<p><a class="thickbox" title="" href="/FileManager/Commons/2016/10/5/1578424-05-10-2016--22-38-58.jpg"><img src="/FileManager/Articles/mce/2016/10/5/1578424-05-10-2016--22-38-58.jpg" alt="" /></a></p>
<p style="text-align: justify;"><span style="color: #000000;">ម្ចាស់ទូរស័ព្ទខាងលើ ក៏បានបង្ហាញពីភស្តុតាង ដែលបញ្ជាក់ថា Galaxy Note 7 នេះ ត្រូវបានផ្លាស់ប្តូរថ្មីជាមួយនឹងប្រអប់មានសញ្ញាសំគាល់ពិសេស និងលេខ IMEI របស់ស្មាតហ្វូនផងដែរ។ ព័ត៌មាននេះក៏ត្រូវបានប៉ុស្តិ៍ទូរទស្សន៍ JTBCNews បានចុះផ្សាយ និងបានបង្ហោះឡើងនៅលើ Page ផ្លូវការរបស់ពួកគេផងដែរ។ </span></p>
<p style="text-align: justify;"><a class="thickbox" title="" href="/FileManager/Commons/2016/10/5/1578418-05-10-2016--22-39-29.jpg"><img src="/FileManager/Articles/mce/2016/10/5/1578418-05-10-2016--22-39-29.jpg" alt="" /></a></p>
<p style="text-align: justify;"><span style="color: #000000;">ចំណែកខាងអ្នកតំណាងក្រុមហ៊ុន Samsung វិញបានឲ្យដឹងថា ការផ្ទុះឆេះឧបករណ៍លើកនេះ គឺមកពីកត្តាជះឥទ្ធិពលពីខាងក្រៅ។ មកដល់ពេលនេះ នៅតែមិនទាន់មានព័ត៌មានណាមួយផ្សេងទៀត ស្តីពីបញ្ហាដែលបានកើតឡើងខាងលើនេះទៀតទេ។ រីឯខាងក្រុមហ៊ុន Samsung ក៏មិនមានព័ត៌មានអ្វីបន្ថែមទៀត ស្តីពីបញ្ហានេះដែរ៕</span></p>
<p style="text-align: center;"><span style="color: #000000;"><object width="500" height="400" data="http://www.youtube.com/v/2SAYSELD5Ts&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/2SAYSELD5Ts&rel=1" /></object></span></p>
<p style="text-align: left;"><a href="http://www.camnews.com.kh/News/Detail/20830/dxomark-evaluated-camera-of-google-pixel-is-the-best-camera-in-the-world"><span style="color: #0000ff;"><em>- DxOMark វាយតម្លៃកាមេរ៉ារបស់ Google Pixel ជាកាមេរ៉ាស្មាតហ្វូន ល្អជាងគេបំផុតលើពិភពលោក ពេលបច្ចុប្បន្ននេះ</em></span></a><span style="color: #000000;"><br /></span></p>
<p style="text-align: justify;"> </p>
<p style="text-align: right;"><em>ប្រែសម្រួល៖ មង្គល</em><br /><em>ប្រភព៖ vreview</em></p>