<div class="article-content">
<p><strong>ភ្នំពេញ៖</strong> បុរសម្នាក់ធ្វើឬក ច្រងេងច្រងាង ផឹកស៊ីស្រវឹង ស្រែកឡូឡា បោកកែវ បោកចាន អាង<br />ខ្លួនជា យោធា បង្កឲ្យមានការភ្ញាក់ផ្អើល ដល់បងប្អូន ប្រជាពលរដ្ឋ ដែលរស់នៅជិត ផ្ទះរបស់គេ។<br /> ហេតុការណ៍នេះ ភ្ញាក់ផ្អើលឡើង កាលពីវេលា ម៉ោង ១៨និង២០នាទីល្ងាច ថ្ងៃទី២២ ខែកុម្ភៈ ឆ្នាំ<br />២០១៣ នៅចំណុចផ្ទះជួល ក្នុងភូមិម័រ សង្កាត់ដង្កោ ខណ្ឌដង្កោ។</p>
<p>គួរបញ្ជាក់ថា ភាពភ្ញាក់ផ្អើលនេះ ធ្វើឲ្យសមត្ថកិច្ចមូលដ្ឋាន និងនគរបាលព្រហ្មទណ្ឌ ខណ្ឌដង្កោ <br />បានចុះមក អន្តរាគមន៍ភ្លាមៗ ឃាត់បុរសជា យោធាម្នាក់នោះ ដើម្បីយកទៅ ធ្វើការអប់រំ។</p>
<p>មន្រ្តី យោធា ដែលបង្កើតភាព អាណាធិបតេយ្យខាងលើនេះ មានឈ្មោះ ជា លាងហួត បម្រើការងារ<br /> នៅក្នុងនាយកដ្ឋាន កងអង្គរក្ស។ ទាក់ទិននឹង បញ្ហានេះ ពេលដែលសមត្ថកិច្ចចុះ ទៅឃាត់ខ្លួន ឈ្មោះ<br />ជា លាងហួត ខាងលើនេះ មានស្រ្តីម្នាក់ ដែលស្រវឹងស្រា ជោគខ្លួន បានស្រែកជេរ និងដៀលប្រមាថ<br /> សមត្ថកិច្ចយ៉ាងខ្លាំងទៅ តាមកំហឹងរបស់នាង ដោយមិនព្រម ឲ្យសមត្ថកិច្ច ឃាត់ខ្លួនឈ្មោះ ជា លាង<br />ហួត ត្រូវជាប្អូនប្រុស របស់គេ យកទៅទីស្នាក់ការ ប៉ុស្តិ៍ឡើយ។</p>
<p>ក្នុងហេតុការណ៍នេះ ស្រ្តីជាបងស្រីឈ្មោះ ជា លាងហួត ក៏បានស្រែកជេរ ចំពោះក្រុមអ្នកកាសែត <br />ដែលចុះទៅថតយករូបភាព និងយកព័ត៌មាន មកចុះផ្សាយផងដែរ ។</p>
<p> ទង្វើរបស់នាងធ្វើឲ្យ សមត្ថកិច្ច និងក្រុមអ្នកកាសែត មានការខឹងសម្បា យ៉ាងខ្លាំង ចំពោះការជេរប្រ-<br />មាថ និងមើលងាយ សមត្ថកិច្ចថា ជាក្រុមពុករលួយ ស៊ីសំណូក ។ ដោយសារតែមាន ការរារាំងពីស្រ្តី<br />រូបនោះ ហើយមន្រ្តី យោធា ឈ្មោះ ជា លាងហួត ដឹងកំហុស របស់ខ្លួន បានលើកដៃសំពះសុំទោស <br />សមត្ថកិច្ច អ្នកកាសែត និងបងប្អូនប្រជាពលរដ្ឋដែលរស់នៅ ជិតខាងថា ខ្លួនដឹងខុសហើយ ពេលខ្លួន<br /> ស្រែឡូឡា ព្រោះតែខ្លួនស្រវឹង បាត់បង់ស្មារតី។</p>
<p>ការដឹងកំហុស បែបនេះនឹងគ្មាន អ្នកដាក់ពាក្យបណ្តឹងឲ្យ ឃាត់ខ្លួនកងអង្គរក្សនេះ ទើបសមត្ថកិច្ចយោគ<br />យល់ មិនឃាត់ខ្លួនបុរសនេះ យកទៅស្នាក់ការប៉ុស្តិ៍ឡើយ ដោយគ្រាន់តែធ្វើការ អប់រំណែនាំ នូវកន្លែង<br />កើតហេតុ តែប៉ុណ្ណោះ។</p>
<p>សមត្ថកិច្ចក៏បានអំពាវនាវ ដល់បងប្អូនប្រជាពលរដ្ឋ ក៏ដូចជា មន្រ្តីរាជការកងអង្គរក្ស ទាំងអស់ពេលស្រ-<br />វឹងស្រា សូមកុំប្រើអំពើហិង្សា និងចរិកឬកពារ ដូចជា កងអង្គរក្ស មួយរូបខាងលើនេះ៕</p>
<p style="text-align: center;"><img src="http://111.92.240.170:81//dap-news/dap-images/2013/February/id-007/pheak-0351.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/February/id-007/pheak-0352.jpg" alt="Photo by DAP-NEWS" width="400" /></p>
<p style="text-align: center;"><img src="http://111.92.240.170:81//dap-news/dap-images/2013/February/id-007/pheak-0353.jpg" alt="Photo by DAP-NEWS" width="400" /></p>
<p style="text-align: right;">ផ្តល់សិទ្ធិដោយ៖ ដើមអំពិល</p>
</div>