<p><span style="color: #000000;"><strong>(ស្វាយរៀង)៖</strong> បុរសម្នាក់ត្រូវបានលួចសាហាយស្មន់ជាមួយប្រពន្ធគេ ស្រាប់តែប្តីគេមកទាន់ វាយសម្លាប់ចោលយ៉ាងអាណោចអាធ័ម នៅវេលាម៉ោង ១០យប់ ថ្ងៃទី៩ ខែមិថុនា ឆ្នាំ២០១៦ ស្ថិតនៅភូមិបឹងក្រៀល ឃុំអង្គតាសូ ស្រុកស្វាយជ្រំ ខេត្តស្វាយរៀង។</span></p>
<p><span style="color: #000000;">សមត្ថកិច្ចមូលដ្ឋានបាន ប្រាប់ឲ្យដឹងថា ជនសង្ស័យមាន ឈ្មោះ ងួន សាខន អាយុ៥៣ឆ្នាំ មុខរបរធ្វើស្រែ មានទីលំភូមិបឹងក្រៀល ឃុំអង្គតាសូ ស្រុកស្វាយជ្រំ ខេត្តស្វាយរៀង។ ដោយឡែកជនរងគ្រោះឈ្មោះ ម៉ូវ ខេង អាយុ៥៣ឆ្នាំ មុខរបរធ្វើស្រែ រស់នៅភូមិជាមួយគ្នា។</span></p>
<p><span style="color: #000000;">សមត្ថកិច្ចបានបញ្ជាក់ថា ខណៈដែលជនរងគ្រោះ កំពុងលួចមានសាហាយស្មន់ជាមួយប្រពន្ធ របស់ជនសង្ស័យនៅតាមវាលស្រែនោះ ស្រាប់តែជនសង្ស័យទៅទាន់ បានចាប់ក្បាលជនរងគ្រោះវាយទៅលើដី និងជាន់ករហូតដាច់ខ្យល់ស្លាប់តែម្តង បើទោះបី បងប្អូនអ្នកស្រុកជួយខំដឹកទៅសង្គ្រោះក៏ដោយ។</span></p>
<p><span style="color: #000000;">ក្រោយពីទទួលបានព័ត៌មានកម្លាំងប៉ុស្តិ៍អង្គតាសូ និងកម្លាំងអធិការដ្ឋានស្រុកស្វាយជ្រំ ចុះទៅកន្លែងកើតហេតុភ្លាមៗ ហើយក៏បានធ្វើការឃាត់ខ្លួនជនសង្ស័យ ដោយ បច្ចុប្បន្នជនកំពុងឃុំខ្លួននៅអធិការដ្ឋានស្រុកស្វាយជ្រំ ដើម្បីចាត់ការតាមច្បាប់៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/6/10/1-10-06-2016--10-35-27.png"><img src="/FileManager/Articles/mce/2016/6/10/1-10-06-2016--10-35-27.png" alt="" /></a><br /></span></p>
<p><span style="color: #000000;"><img src="http://image.freshnewsasia.com/2016/019/05/fn-2016-06-10-10-00-55-0.jpg" alt="" width="730" /></span></p>
<p style="text-align: right;"><br /><span style="color: #000000;">ផ្តល់សិទ្ធិដោយ ៖ ខ្មែរថកឃីង</span></p>