<p>រូបភាពស្ដីពីស្មាតហ្វូនបន្ទាប់ ដែលប្រើប្រាស់សេនសឺរ ‘PureView’ គឺ Lumia 830 បានបង្ហាញ<br />មុខយ៉ាងច្បាស់ ឈរទន្ទឹមគ្នានឹង Lumia 930 ប៉ុន្ដែ តម្លៃរបស់វា អាចនឹងទាបជាងកំណែមុន ព្រោះ<br />ថាវាប្រើប្រាស់ឈីប ឈីប Snapdragon 400 ។</p>
<p>នៅលើបណ្ដាសង្គម Baidu របស់ចិន គេឃើញមានការបង្ហោះរូបភាពគំរូរបស់ Lumia 830 ដែល<br />មានជ្រុងច្បាស់លាស់ ចំណែកស្មាតហ្វូនដែលនៅក្បែរ គឺម៉ូដែល WP flagship មានឈ្មោះថា<br /> Lumia 930។ រូបភាពកែច្នៃប្រឌិតនេះ ត្រូវបានបង្កើតឡើងទៅតាមព័ត៌មានចចាមអារម្មណ៍ ក្នុង<br />រយៈពេលកន្លងមកនេះ។</p>
<p style="text-align: center;"><a class="thickbox" title="" href="/FileManager/Commons/2014/8/26/nk-26-08-2014--09-00-42.jpg"><img src="/FileManager/Articles/mce/2014/8/26/nk-26-08-2014--09-00-42.jpg" alt="" /></a></p>
<p>រូបភាពស្មាតហ្វូនទាំង ២នេះ មានទំហំ និងរចនារូបរាងប្រហាក់ប្រហែលគ្នា បើទោះ Lumia 830<br /> ខ្ពស់ជាងបន្តិច ធៀបនឹង Lumia 930 ។ ស្មាតហ្វូន Lumia 930 មានទំហំ 137x71ម.ម ចំណែក<br />ទិន្នន័យពី ប្រេហ្សីល បង្ហាញថា Lumia 830 នឹងមានទំហំ 139x70.7ម.ម។</p>
<p>តាមគម្រោង Lumia 830 នឹងបំពាក់ស្រទាប់អេក្រង់ប្រភេទ IPS LCD ជំនួសឱ្យ AMOLED ដែល<br />កំពុងប្រើប្រាស់នៅលើ Lumia 930។ អេក្រង់របស់ Lumia 830 នឹងមានទំហំចន្លោះពី 4.5 ទៅ<br /> 4.7 inch និងមានរីសូលូសឹន 720p ។</p>
<p>ព័ត៌មានទាក់ទិននឹងគ្រឿងម៉ាស៊ីនផ្សេងៗទៀតរបស់ Lumia 830 រួមមាន កាមេរ៉ា “យក្ស” 20MP<br /> PureView, ឈីប Snapdragon 400 (Lumia 930 ប្រើឈីប Snapdragon 800) ។ ដោយសារតែ<br />ប្រូសេសឺររបស់ម៉ាស៊ីន ត្រូវបានកាត់បន្ថយបែបនេះ គឺជឿថា តម្លៃរបស់ Lumia 830 នឹងទាបជាង<br />ច្រើន ធៀបនឹង Lumia 930 ។ ស្មាតហ្វូន Lumia 830 នេះ អាចនឹងត្រូវបានឧទ្ទេសនាម នៅក្នុង<br />ព្រឹត្តិការណ៍ពិព័រណ៍ IFA នៅដើមខែក្រោយនេះ៕</p>
<p style="text-align: right;"><br />ប្រែសម្រួលដោយ ៖ តារា<br />ប្រភព ៖ gsmarena<br /><br /><br /></p>