<p>ភ្នំពេញ ៖ យោងតាម ប្រភពព័ត៌មាន ពីមន្ដ្រីជាន់ខ្ពស់ រាជរដ្ឋាភិបាល ដែលសុំមិន បញ្ចេញ<br />ឈ្មោះបាន ប្រាប់មជ្ឈមណ្ឌល ព័ត៌មាន ដើមអម្ពិលនៅ ថ្ងៃសុក្រ ទី១២ ខែកក្កដា ឆ្នាំ២០១៣<br />នេះ ថា លោក សម រង្ស៊ី មេដឹកនាំ គណបក្ស ប្រឆាំងដ៏ធំ នៃប្រទេសកម្ពុជា ដែល កំពុង និរ<br />ទេសខ្លួនគេច ពីការតាមចាប់ខ្លួន របស់តុលាការកំពូល ទាក់ទិននឹងដកតម្រុយ បង្គោលព្រំដែន<br /> និងក្លែងលិខិតសាធារណៈ កាលពីខែតុលាឆ្នាំ២០០៩ ត្រូវបានព្រះមហាក្សត្រខ្មែរ សម្ដេចព្រះ<br />បរម នាថនរោត្ដមសីហមុនី ប្រោសព្រះរាជទាន លើកលែងទោស កាលពីថ្ងៃសុក្រ ទី១២ ខែ<br />កក្កដា ឆ្នាំ២០១៣ បន្ទាប់ពីមានសំណើ អន្ដរាគមន៍ពីសម្ដេចតេជោ ហ៊ុន សែន នាយករដ្ឋមន្ដ្រី<br /> នៃព្រះរាជាណាចក្រកម្ពុជា។</p>
<p>មន្ដ្រីជាន់ខ្ពស់រាជរដ្ឋាភិបាលឲ្យដឹងទៀត ថា បន្ទាប់ពីលោក សម រង្ស៊ី បានសរសេរ លិខិតទូល<br />ថ្វាយ ព្រះមហាក្សត្រ កាលពីថ្ងៃ ទី១៣ ខែមិថុនា ដោយក្នុងនោះបានដកស្រង់ប្រសាសន៍របស់<br />សម្តេចតេជោ ហ៊ុន សែន”នៅថ្ងៃ១០និងទី១១មិថុនា នៅខេត្តពោធិសាត់និងកំពង់ឆ្នាំង សម្តេច<br />ហ៊ុន សែន នាយករដ្ឋមន្រ្តី បាន មានប្រសាសន៍ទាក់ទងនឹងការវិលត្រឡប់ចូលមកក្នុងប្រទេស<br />កម្ពុជារបស់ទូលបង្គុំ។ ទូលបង្គុំយល់ ឃើញថា កាយវិការនិងប្រសាសន៍របស់សម្តេច ហ៊ុនសែន<br />ជា សញ្ញាបង្ហាញពីឆន្ទៈនៃការសម្របសម្រួល និងការដោះស្រាយ បញ្ហាដែលទាក់ទងនឹងការ<br />បង្រួបបង្រួមជាតិ ដោយការផ្ដល់ឱកាសឱ្យទូលបង្គុំ ប្រធាន គណបក្សជំទាស់ធំជាងគេ ក្នុងប្រ<br />ទេសកម្ពុជា បានចូលរួមធ្វើសកម្មភាព នយោបាយ ដោយស្មើភាពក្នុងការបោះឆ្នោត ថ្ងៃទី២៨ <br />ខែកក្កដាខាងមុខនេះ”។ ហើយបើទោះបីពេលនេះសម្ដេចតេជោ ហ៊ុន សែន កំពុងឋិតនៅក្នុង<br />ការកាន់ទុក្ខជាទម្ងន់ ចំពោះបិតា ជាទីស្រឡាញ់ស្មើជីវិតរបស់ លោក ទទួលមរណភាព កាលពី<br />វេលាទាបភ្លឺថ្ងៃសុក្រ ទី១២ ខែកក្កដា យ៉ាងណាក៏ដោយ សម្ដេច បានបំពេញនូវគុណធម៌ ដោយ<br />បានសរសេរលិខិត ទូលថ្វាយព្រះមហាក្សត្រ ជាទីគោរពសក្ការៈ សុំប្រោសព្រះរាជទានឱ្យលោក<br />សម រង្ស៊ី រួចពីការជាប់ទោស ។</p>
<p>គួរបញ្ជាក់ថា លោកសមរង្ស៊ី កាលពីថ្ងៃទី១៣ ខែមិថុនា ឆ្នាំ២០១៣ បានសរសេរលិខិត ទូលថ្វាយ<br />ព្រះមហាក្សត្រ ដើម្បីសុំឱ្យព្រះអង្គប្រោស ព្រះរាជទាន លើកលែងទោស ។ នៅយប់ថ្ងៃទី១១ ខែ<br />កក្កដា ឆ្នាំ២០១៣ តាមរយៈវិទ្យុសំឡេង សហរដ្ឋអាម៉េរិក លោកសម រង្ស៊ី បានបន្ទន់ ឥរិយាបថ<br /> ចំពោះសម្ដេចតេជោ ហ៊ុន សែន ក្នុងន័យ មានតែសម្ដេចតេជោ ហ៊ុន សែនទេ ដែលអាចធ្វើអន្ដ<br />រាគមន៍ទៅព្រះមហាក្សត្រ ដើម្បីឱ្យព្រះអង្គព្រះរាជទាន លើកលែងទោស ទៅដល់រូបលោក និង<br />ជាការបង្ហាញ បង្រួប បង្រួមជាតិសាសន៍ ខ្មែរដូចគ្នា ។</p>
<p>ចាប់តាំងពីលោកសម រង្ស៊ី ត្រូវបានកាត់ឱ្យជាប់ទោស មិនដែលមានគំនិត ចង់ដោះស្រាយជា<br />មួយ សម្ដេចហ៊ុន សែន ជាលក្ខណៈខ្មែរនិងខ្មែរទេ ។ លោកសម រង្ស៊ី តែងតែអំពាវនាវបរទេស <br />ឱ្យផ្ដាច់ជំនួយ គៀបសង្កត់មកលើរដ្ឋាភិបាល សម្ដេចហ៊ុន សែន ។ រហូតដល់ថ្មីៗនេះ លោក <br />សមរង្ស៊ី បានសរសេរលិខិតទៅកាន់ បណ្ដា ប្រទេសហត្ថលេខីនៃកិច្ចព្រមព្រៀងទីក្រុងប៉ារីស <br />និងលោកអគ្គលេខាធិការអង្គការ សហប្រជាជាតិ ដោយស្នើសុំឱ្យជួយអន្ដរាគមន៍ ចំពោះរូប<br />លោក បានវិល ត្រឡប់មកប្រទេស កម្ពុជាវិញ ។ ដោយមិនមានលទ្ធផល ទីបំផុតលោកសម<br /> រង្ស៊ី បានបន្ទន់ឥរិយាបថ ងាកមករកនិយាយជាមួយសម្ដេចហ៊ុន សែន ទោះបីជាមិនផ្ទាល់ ក៏<br />តាមរយៈវិទ្យុសំឡេង សហរដ្ឋអាម៉េរិក ក្នុងន័យថា មានតែខ្មែរនិងខ្មែរទេ ទើបអាចរកដំណោះ<br />ស្រាយគ្នាបាន ជាពិសេសមានតែសម្តេចតេជោ ហ៊ុន សែន បុរសខ្លាំងកម្ពុជាតែមួយ ប៉ុណ្ណោះ។</p>
<p>សម្ដេចតេជោ ហ៊ុន សែន ធ្លាប់បាន ប្រកាសជាញយៗថា សម្ដេចមិនទទួលយក ជាដាច់ខាត <br />នូវការកៀបសង្កត់ពីបរទេស ព្រោះកម្ពុជានៅពេលនេះ ស្ថិតនៅក្នុងសុខ សន្ដិភាពនិងការអភិ<br />វឌ្ឍន៍ ។</p>
<p>ហេតុដូច្នេះ ហើយ ទើបលោកសម រង្ស៊ី ផ្លាស់ប្ដូរជំហរពីការពឹងបរទេស មកជាសំដែង នូវកាយ<br />វិការទន់ភ្លន់ ដាក់សម្ដេចតេជោ ហ៊ុន សែន ។ ដូច្នេះស្ថានការណ៍ នយោបាយនៅកម្ពុជានៅ <br />ពេលនេះ គ្មានអ្វីជាស្មុគ្រស្មាញនោះទេ ហើយការបោះឆ្នោតនៅថ្ងៃទី២៨ ខែកក្កដា ឆ្នាំ២០១៣<br />ខាងមុខនេះ ពិតជានឹងប្រព្រឹត្ដទៅដោយរលូន សេរី យុត្ដិធម៌ ត្រឹមត្រូវ ដែលអាចទទួលយកបាន៕</p>
<p><a class="thickbox" title="" href="/FileManager/Commons/2013/7/12/chanroth013-july-57-12-07-2013--20-32-06.jpg"><img src="/FileManager/Articles/mce/2013/7/12/chanroth013-july-57-12-07-2013--20-32-06.jpg" alt="" /></a></p>
<p><a class="thickbox" title="" href="/FileManager/Commons/2013/7/12/chanroth013-july-58-12-07-2013--20-32-40.jpg"><img src="/FileManager/Articles/mce/2013/7/12/chanroth013-july-58-12-07-2013--20-32-40.jpg" alt="" /></a></p>
<p style="text-align: center;"><img src="http://image.dap-news.com:81/dap-news/dap-images/2013/July/id-067/CH-0544.jpg" alt="" width="500" /></p>
<p style="text-align: right;">ដោយ៖ សយ សុភាព<br />ផ្តល់សិទ្ធិដោយ៖ ដើមអំពិល</p>