<p><span style="color: #000000;">ភ្នំពេញ ៖ វេលាម៉ោងប្រហែល ម៉ោង ១០ នាពេលព្រឹក ថ្ងៃទី២៣ ខែមិថុនា ឆ្នាំ២០១៧នេះ ក្មេងស្រីម្នាក់ដែលរៀននៅសាលាបឋមសិក្សាទួលស្វាយព្រៃ ក្នុងខណ្ឌចំការមន ត្រូវបានជនសង្ស័យម្នាក់លួងឲ្យឡើងម៉ូតូ នៅមុខសាលាតែម្ដង ហើយក៏ឌុបយកទៅបាត់ ។ </span></p>
<p><span style="color: #000000;">ឪពុកម្តាយរបស់ជនរងគ្រោះពេលនេះកំពុងតែខ្លោចចិត្តយ៉ាងខ្លាំង ក្រោយកូនស្រីបាត់ខ្លួនទៅ ដោយត្រូវជនមិនស្គាល់មុខឌុបម៉ូតូយកទៅ នៅមុខសាលាបឋមសិក្សាទួលស្វាយព្រៃ ហើយក្រុមគ្រួសារពេលនេះកំពុងតែស្វះស្វែងរក ព្រមទាំងអំពាវនាវឲ្យសមត្ថកិច្ចពាក់ព័ន្ធជួយអន្ដរាគមន៍ផង ។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/6/24/1-24-06-2017--09-45-25.png"><img src="/FileManager/Articles/mce/2017/6/24/1-24-06-2017--09-45-25.png" alt="" /></a><br /></span></p>
<p><span style="color: #000000;">ឪពុកម្ដាយក្មេងស្រីរងគ្រោះបានបញ្ជាក់ថា ក្មេងស្រីដែលចាត់ខ្លួនឈ្មោះ អេន ណា ហើយពេលដែលបាត់នោះ នាងស្លៀកសំពត់ខៀវ អាវស ដូចឈុតដែលសិស្សសាលាទូទៅដែរ ។</span></p>
<p><span style="color: #000000;"><br /><a class="thickbox" title="" href="/FileManager/Commons/2017/6/24/3-24-06-2017--09-45-43.png"><img src="/FileManager/Articles/mce/2017/6/24/3-24-06-2017--09-45-43.png" alt="" /></a><br /></span></p>
<p><span style="color: #000000;">គ្រួសារជនរងគ្រោះបានបន្ថែមទៀតថា នៅកន្លែងកើតហេតុត្រូវបានគេឲ្យដឹងថា មុនពេលកើតហេតុឃើញមានជនសង្ស័យម្នាក់ ជិះម៉ូតូម៉ាក Viva ពាក់មួយការពារ បិទមុខជិត ហើយនិយាយថា ម្ដាយក្មេងស្រីដែលជនរងគ្រោះជួបគ្រោះថ្នាក់ចរាចរណ៍ ដោយត្រូវឲ្យទៅមើលជាបន្ទាន់ ។ ក្រោយកើតហេតុភ្លាមៗ ក្រុមគ្រួសារក្មេងរងគ្រោះ បានទៅដាក់ពាក្យបណ្ដឹងនៅនាយកដ្ឋាននគរបាលព្រហ្មទណ្ឌ ក្រសួងមហាផ្ទៃ ដើម្បីឲ្យសមត្ថកិច្ចជួយអន្ដរាគមន៍ ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2017/6/24/2-24-06-2017--09-45-53.png"><img src="/FileManager/Articles/mce/2017/6/24/2-24-06-2017--09-45-53.png" alt="" /></a><br /></span></p>
<p style="text-align: right;"><span style="color: #000000;">ដោយ ៖ គន្ធា</span></p>