<p><span style="color: #000000;">ព័ត៌មានអន្តរជាតិ ៖ មានករណីបាញ់ប្រហារមនុស្ស ៣ នាក់ ខណៈចំណាប់ខ្មាំងច្រើននាក់ផ្សេងៗ ទៀតអាចនឹងត្រូវបានឧក្រិដ្ឋជននាំយកទៅកាន់អាគារ រោងចក្រ មួយកន្លែង នាជាយក្រុង ស៊ីដនី ប្រទេសអូស្រ្តាលី នេះបើយោងតាមការគូសបញ្ជាក់ដោយផ្ទាល់ ពីសំណាក់ មន្រ្តីប៉ូលីស អូស្រ្តាលី ១ម៉ោងមុននេះបន្តិច។ ទោះជាយ៉ាងណាក៏ដោយចុះ ពុំទាន់ បាន ដឹងជាក់ច្បាស់នៅឡើយទេ ថា តើ ចេតនាអ្វីឲ្យប្រាកដ បានជានាំឲ្យមានការវាយប្រហារ សម្លាប់ និងចាប់ចំណាប់ខ្មាំង លើកនេះ</span></p>
<p><span style="color: #000000;"><a class="thickbox" title="" href="/FileManager/Commons/2016/3/7/13-07-03-2016--10-27-03.jpg"><img src="/FileManager/Articles/mce/2016/3/7/13-07-03-2016--10-27-03.jpg" alt="" /></a><br /></span></p>
<p><span style="color: #000000;">អ្នកនាំពាក្យឲ្យនាយកដ្ឋានប៉ូលីសរដ្ឋ New South Wales ឲ្យដឹងថា អាជ្ញាធរមានជំនឿជាក់ ច្បាស់ ថា មនុស្ស ៣ នាក់ រងនូវការបាញ់ប្រហារ ។ សារព័ត៌មានក្នុងស្រុក ប្រទេស អូស្រា្តលី ធ្វើសេចក្តី រាយការណ៍ឲ្យដឹងថា ជនរងគ្រោះម្នាក់ ត្រូវបានឧក្រិដ្ឋជនបាញ់សម្លាប់ ខណៈ ២ នាក់ផ្សេងទៀត រងរបួសនិងបានបញ្ជូនទៅកាន់មន្ទីរពេទ្យ ដើម្បីសង្គ្រោះបន្ទាន់ បើទោះជាយ៉ាងនេះក្តីមន្រ្តីប៉ូលីស ភ្លាមៗពុំទាន់បញ្ជាក់ឲ្យច្បាស់ពីការលើកឡើងនេះនៅឡើយទេ។ បន្ថែម ពីលើនេះ ប្រភពបន្តឲ្យ ដឹងថា ក្រុមអ្នកជំនាញចរចារ ក៏ដូចជាក្រុមអ្នកជំនាញភារវកម្ម បាន ចុះទៅដល់ទីតាំងកើតហេតុ នាអាគាររោងចក្រ ជាយក្រុង ស៊ីដនីហើយ ក្នុងគោលបំណង តែមួយគត់ ដើម្បីចុះអន្តរាគមន៍ ឲ្យ ទាន់ពេលវេលា ។ ព័ត៌មានលម្អិត ក្រុមការងារយើងខ្ញុំ នឹង បន្ត ផ្សាយជូនជាបន្តបន្ទាប់ នៅពេល ដែលមានព័ត៌មាន Update ៕</span></p>
<p> </p>
<p style="text-align: right;"><span style="color: #000000;">ប្រែសម្រួល ៖ កុសល</span></p>
<p style="text-align: right;"><span style="color: #000000;">ប្រភព ៖ CNA</span></p>
<p> </p>