<div class="article-content">
<p><strong>មណ្ឌលគិរី៖</strong> ផ្សែងអ័ព្ទ ងងឹតខ្លាំង គ្របដណ្តប់ ក្រុងសែនមនោរម្យ និងបណ្តា ស្រុកមួយចំនួនទៀតនៅ<br />ខេត្តមណគិរី បង្កឲ្យបង្កមាន អាកាសធាតុត្រជាក់យ៉ាងខ្លាំង នាព្រឹកថ្ងៃទី ១៧ ខែកក្កដា ឆ្នាំ ២០១៣នេះ<br /> រហូតដល់ម៉ោង ៨និង៤០នាទី ទើរសាត់បាត់ជាបណ្តើរៗ បន្តែមិនទាន់ស្រឡះទាំងស្រុង នៅឡើយទេ<br />ស្ថានភាពបែបនេះ ធ្វើឲ្យអ្នកធ្វើដំណើរ តាមបណ្តោយផ្លូវ ពិបាកក្នុងការ ធ្វើចរាចរណ៍ ។</p>
<p>លោក ខែម ភារម ប្រធានមន្ទីរធនធានទឹកខេត្ត បានប្រាប់អ្នកព័ត័មានដើមអម្ពិល នៅព្រឹកថ្ងៃទី១៧ <br />ខែកក្កដា ឆ្នាំ២០១៣នេះថា នៅខេត្តមណ្ឌលគិរី សំណើម មានកំរិតខ្ពស់ស្ទើរ ១០០% ដូចនេះបង្កឲ្យ<br />មានការធ្លាក់ផ្សែង អ័ព្ទជាញឹកញាប់ណាស់ម្យ៉ាងវិញទៀត ក្រុងនិងស្រុកចំនួនពីរខាងលើនេះ មានរយៈ<br />កម្ពស់ខ្លាំងណាស់ពីណេវ៉ូទឹកសមុទ្រគឺមានរយៈកំពស់ចាប់ពី៧០០ម៉ែត្ររហូតដល់ ៩០០ម៉ែត្រឯណោះ ដូចច្នេះហើយអាចបង្កអោយចុះត្រជាក់ និងមានផ្សែង អ័ព្ទលាយភ្លៀង ផ្គរជាញឹកញាប់ផងដែរ ។</p>
<p>លោកបានបន្តទៀតថា ធាតុអាកាសបែបនេះ វាក៏ជាផ្នែកមួយ អាចទាក់ទាញភ្ញៀវទេសចរណ៍ជាតិ និង<br /> អន្តរជាតិ មានការចាប់អារម្មណ៍នៅតំបន់ដ៍ស្រសត្រកាល និងមានអាកាសធាតុត្រជាក់ខ្លាំងមួយនេះ។</p>
<p>លោក ញ៉ែម វ៉ាន់នី ស្នងការខេត្តមណ្ឌលគិរីដោយបានមើលឃើញស្ថានភាពបែបនេះ លោកចាត់វិធាន<br />ការ មួយដល់មន្ត្រី នគរបាលចរាចរណ៍ផ្លូវគោក នៃស្នងការ នគរបាលខេត្ត ត្រូវធ្វើការណែនាំ ដល់បង<br />ប្អូនធ្វើដំណើរ ទាំងអស់ តាមរថយន្ត និង យានយន្តគ្រប់ប្រភេទ បង្កើនការប្រុងប្រយ័ត្ន ក្នុងពេលធ្វើ<br />ដំណើរឲ្យបានខ្ពស់ ព្រោះខណៈនេះនៅតំបន់យើង ពោរពេញដោយផ្សែងអ័ព្ទ ធ្លាក់ចុះខ្លាំង លក្ខណៈ<br />បែបនេះ អាចបង្កឲ្យមាន គ្រោះថ្នាក់ផ្សេងៗ កើតឡើង លោកថាសូមបើកបរ ក្នុងល្បឿនយឺតៗ និង<br />ប្រើសប្រាស់ឲ្យ អស់លក្ខណៈបច្ចេកទេស ក្នុងការបើកបរ ដូចជាបើកភ្លើងកូដ និង ហ្វា ជាសញ្ញាផង<br />ដែរ ដើម្បីធ្វើយ៉ាងណា ជៀសវាងកុំឲ្យ មានគ្រោះថ្នាក់ចរាចរណ៍៕</p>
<p style="text-align: center;"><img src="http://image.dap-news.com:81/dap-news/dap-images/2013/july/id-011/Hong-0423.jpg" alt="" width="500" /></p>
<p style="text-align: right;">ដោយ៖ ដើមអម្ពិល<br />ផ្តល់សិទ្ធិដោយ៖ ដើមអម្ពិល </p>
</div>