<p><span style="color: #000000;"><strong>(បាសេឡូណា)៖</strong> ក្រុមការពារតំណែងជើងឯក FC Barcelona និងក្រុមលេងនៅ La Liga ដូចគ្នា Celta Vigo បាន ឡើងទៅឈរចាំមុនក្នុងវគ្គ៤ក្រុមចុងក្រោយ នៃព្រឹត្តិការណ៍ពានរង្វាន់លំដាប់ទី២អេស្ប៉ាញ Copa del Rey ក្រោយពី ទម្លាក់គូប្រជែងរៀងៗខ្លួនយប់មិញនេះ ។</span></p>
<p><span style="color: #000000;">ក្រុមឈ្នះជើងឯក៥ពាន កាលពីឆ្នាំ២០១៥ Barcelona បន្តធ្វើបានល្អដដែល ក្នុងជើងទី២យប់មិញនេះក្នុងវគ្គ៨ក្រុម ចុងក្រោយ ដោយបានវាយបកឈ្នះ ក្រុមភ្ញៀវ Athletic Bilbao ៣-១ នៅកីឡដ្ឋាន Camp Nou ក្រោយពេលដែល កីឡាករ Inaki Williams បានស៊ុតគ្រាប់នាំមុខឲ្យ Bilbao នៅនាទីទី១២ មុនពេលតារាឆ្នើម Luis Suarez, Pique និង Neymar រកបានម្នាក់១គ្រាប់ឈ្នះវិញនៅនាទីទី៥៣ ៨១ និងចុងម៉ោងនាទីទី៩០ ។</span></p>
<p><span style="color: #000000;">សូមរំលឹកដែរថា កាលពីជើងទី១នៅទឹកដីរបស់ Bilbao ក្រុមដែលកំពុងដឹកនាំដោយគ្រូបង្វឹកល្អបំផុតឆ្នាំ២០១៥ Luis Enrique នោះ ក៏បានយកឈ្នះ ២-១ ផងដែរ ដោយសរុបលទ្ធផលទាំងពីរជើង គឺ Barcelona ៥ និង Athletic Bilbao ២ ។</span></p>
<p><span style="color: #000000;">ងាកមកមើលក្រុមកំពុងឡើងជើងខ្លាំង Celta Vigo វិញ បានយកឈ្នះម្ចាស់ផ្ទះ Atletico Madrid ៣-២ ដោយមិននឹក ស្មានឡើងទៅវគ្គ៤ក្រុមចុងក្រោយ បើទោះបីជាជើងទី១ក្នុងទឹកដីរបស់ខ្លួន (Celta Vigo) មិនអាចធ្វើអ្វីក្រុមរបស់លោក Diego Simeone ក៏ដោយ ដោយរក្សាលទ្ធផល ០-០ ខណៈដែលអវត្តមាន ក្រុមខ្លាំង Real Madrid ដោយសារតែជាប់ បម្រាមរបស់សហព័ន្ធបាល់ទាត់អេស្ប៉ាញ កាត់ចេញពីពាន Copa del Rey តាំងពីក្នុងវគ្គ១៦ក្រុម ក៏ព្រោះតែដាក់ កីឡាករជាប់បម្រាមចូលលេងក្នុងវគ្គ៣២ក្រុមនោះ ៕</span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/01/27/22/30A4946400000578-3419883-image-a-103_1453933011025.jpg" alt="" width="730" /></span></p>
<p style="text-align: center;"><span style="color: #000000;"><img src="http://c.files.bbci.co.uk/E12E/production/_87964675_goal.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/01/27/21/30A46A9F00000578-3419883-image-a-72_1453929301801.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/01/27/22/30A4983600000578-3419883-image-a-89_1453932001888.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/01/27/22/30A4D53B00000578-3419883-image-a-16_1453934167208.jpg" alt="" width="730" /></span></p>
<p style="text-align: center;"><span style="color: #000000;"><img src="http://i.dailymail.co.uk/i/pix/2016/01/27/21/30A455E000000578-3419883-image-a-66_1453928577170.jpg" alt="" width="730" /></span></p>
<p style="text-align: center;"><object width="454" height="389" data="http://www.youtube.com/v/tBhW3J8dO3U&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/tBhW3J8dO3U&rel=1" /></object></p>
<p style="text-align: center;"><object width="410" height="352" data="http://www.youtube.com/v/Hxn5Skl-b6I&rel=1" type="application/x-shockwave-flash"><param name="wmode" value="transparent" /><param name="src" value="http://www.youtube.com/v/Hxn5Skl-b6I&rel=1" /></object></p>
<p style="text-align: center;"><span style="color: #000000;"><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>