<p><span style="color: #000000;">Nokia ទើបតែធ្វើការដាក់ពាក្យប្តឹង Apple នៅប្រទេសអាឡឺម៉ង់ និងសហរដ្ឋអាមេរិច លើការចោទប្រកាន់ថាបានរំលោភបំពាន កម្មសិទ្ធិបញ្ញាចំនួន៣២ ផ្សេងគ្នា ស្ថិតក្នុងបណ្តាផ្នែកដូចជា អេក្រង់ បង្ហាញពន្លឺ, ផ្ទៃ interface, Software, អង់តែង, Chipset, Decode វីដេអូ...។</span></p>
<p><span style="color: #000000;"><a class="thickbox" title="" href="http://camnews.com.kh/FileManager/Commons/2016/12/22/nokiavsapplepatentdispute-22-12-2016--09-13-33.jpg"><img src="http://camnews.com.kh/FileManager/Articles/mce/2016/12/22/nokiavsapplepatentdispute-22-12-2016--09-13-33.jpg" alt="" /></a><br /></span></p>
<p><span style="color: #000000;">Nokia បានឲ្យដឹងបន្ថែមថា “បន្ទាប់ពីច្រើនឆ្នាំធ្វើការចរចារ និងខិតខំប្រឹងប្រែងដើម្បីឈានទៅដល់កិច្ចព្រមព្រៀងមួយជាមួយនឹង Apple ប៉ុន្តែមិនទទួលបានជោគជ័យ ថ្មីៗនេះ ពួកខ្ញុំចាំបាច់ត្រូវការពារផលប្រយោជន៍របស់ខ្លួន”។</span></p>
<p><span style="color: #000000;">បច្ចុប្បន្ន Nokia កំពុងតែមានប័ណ្ណប៉ាតង់ជាច្រើន នៅក្នុងដៃ។ បន្ទាប់ពីពួកគេបានទិញនូវក្រុមហ៊ុនពីរគឺ NSN និង Alcatel-Lucent ចំនួននោះ កាន់តែកើនឡើងថែមទៀត ជាពិសេសគឺស្ថិតក្នុងវិស័យទូរគមនាគមន៍ ឧបករណ៍ចល័ត។</span></p>
<p><span style="color: #000000;">គួរបញ្ជាក់ផងដែរថា កាលពីឆ្នាំ២០១១ Nokia បានធ្លាប់យល់ព្រមឲ្យ Apple ប្រើប្រាស់នូវប័ណ្ណប៉ាតង់របស់ខ្លួនមួយចំនួន ប៉ុន្តែនៅមានមួយចំនួនផ្សេងទៀត Nokia មិនបានយល់ព្រមផ្តល់លិខិតអនុញ្ញាតដល់ Apple ឡើយ៕</span></p>
<p> </p>
<p style="text-align: right;"><em>ប្រែសម្រួល៖ មង្គល</em><br /><em> ប្រភព៖ Nokia, Tinhte</em></p>