<div>
<p><span style="color: #000000;"><strong>(ភ្នំពេញ)៖</strong> តារាសម្តែង និង ម៉ូដែលប្រុសរូបសង្ហាចង្កាស្រួចលោក អេឡិច ចិន្ត្រា មុននេះត្រូវគេមើលឃើញថា លោកមិនត្រឹមតែទទួលបាននូវភាពជោគជ័យ ពីអាជីពសិល្បៈទេ ថែមទាំងបានបង្កើននូវភាពល្បីល្បាញបានកាន់តែខ្លាំង រហូតត្រូវបានទស្សនិកជនទទួលស្គាល់ និងគាំទ្រស្ទើរគ្រប់ស្រទាប់វណ្ណៈ។</span></p>
<p><span style="color: #000000;">ខណៈពេលដែលជោគជ័យក្នុងអាជីពសម្តែង និងដើរម៉ូដត្រូវបានមហាជនអ្នកគាំទ្រគ្រប់មជ្ឈដ្ឋានមើលឃើញថា តារាប្រុសរូបនេះក៏បានជួបប្រទះរឿងអាស្រូវ ជីវិតផ្ទាល់ខ្លួនខាងក្រៅ ស្ទើរតែរាប់ភ្លេចទៅហើយកាលពីពេលមុនៗកន្លងមកនេះ។ យ៉ាងណាក្តីទោះរឿងរ៉ាវនេះត្រូវបានរសាត់ចាកឆ្ងាយកន្លងផុត ពីមួយទៅមួយក៏ពិតមែន ស្រាប់តែថ្មីៗនេះលឺគេនិយាយមកថា តារាប្រុសលោក អេឡិច ចិន្ត្រា ហាក់ដូចបញ្ចេញចរិកប្ញកពារឆ្មើងឆ្មៃដាក់ រហូតមានការរិះគន់ខ្លះៗពីរង្វង់អ្នកសិល្បៈដូចគ្នាក៏មានដែរ ។</span></p>
<p><span style="color: #000000;">ស្រដៀងជាមួយគ្នានេះបើប្រភពពីមជ្ឈដ្ឋានអ្នកគាំទ្រខាងក្រៅក៏បានលើកឡើងថា តារាប្រុសរូបសង្ហាដែលកំពុងមានឱសកាសច្រើនសម្រាប់ជ្រែកចូល ទីផ្សារសិល្បៈ ហើយក៏អាចទាញយកការគាំទ្របានច្រើនពីទស្សនិកជនលោក អេឡិច ចិន្ត្រា ក្រោយពីមានកេរ្តិ៍ឈ្មោះល្បីលេចធ្លោ ហើយនោះ ឥឡូវនេះគឺហាក់ដូចជាដំកើង ប្ញកហួសការស្មានមិនសមភ្នែកមហាជនអ្នកគាំទ្រសោះឡើយ។</span></p>
<p><span style="color: #000000;">ប្រភពខាងលើបានធ្វើការរិះគន់ទៅលើតារាសម្តែងលោក អេឡិច ចិន្ត្រា ទៀតថា ចាប់តាំងពីតារាប្រុសរូបនេះ មានឈ្មោះល្បីបន្តិចមក លោកក៏បានផ្លាស់ប្តូរឥរិយាបថខុសប្លែកពីមុនដោយ ចរិកអំនួត និងភាពល្បីភ្លេចគិតដល់អារម្មណ៍របស់អ្នកដែលតែងគាំទ្រជុំវិញខ្លួន ទើបធ្វើឲ្យមួយរយៈពេលចុងក្រោយនេះ ពុំសូវមានការគាំទ្រច្រើនដូចពេលមុនៗនោះ។</span></p>
<p><span style="color: #000000;">ប្រភពបានបន្ថែមថា លោក អេឡិច ចិន្ត្រា បើទោះបីជាកន្លងមកត្រូវបានគេទទួលស្គាល់ថាជាតារាសម្តែង និងតារាម៉ូដែលដែលមានភាពលេចធ្លោ នៅលើទីផ្សារសិល្បៈស្រុកខ្មែរក៏ដោយ តែលោកមិនបានសម្រប ខ្លួនទៅតាមពេលវេលាដែលជាការចង់បានពីមហាជនជាអ្នកគាំទ្រវិញនោះឡើយ ។ ផ្ទុយទៅវិញ តារារូបនេះតែង គេចវេស ហើយបញ្ចេញឥរិយាបថប្ញកពារឆ្មើងឆ្មៃធ្វើឲ្យមានមតិរិះគន់ពីភាពសមគួរទាំងនេះ ។</span></p>
<p><span style="color: #000000;">គេហទំព័រកម្សាន្ត Khmertalking មិនអាចទំនាក់ទំនង ដើម្បីសុំការបកស្រាយដោយផ្ទាល់ពីលោក អេឡិច ចិន្ត្រា បាននៅឡើយទេនារសៀលថ្ងៃទី១៣ ខែមីនា ឆ្នាំ២០១៦ តែយ៉ាងណាក៏ដោយ Khmertalking សូមស្វាគមន៍ចំពោះការ ចេញមុខបកស្រាយពីតារាចម្រៀង អេឡិច ចិន្ត្រា នៅពេលក្រោយដោយក្តីរីករាយ ៕</span></p>
<p><span style="color: #000000;"><a class="thickbox" title="" href="/FileManager/Commons/2016/3/14/15a-14-03-2016--10-26-35.jpg"><img src="/FileManager/Articles/mce/2016/3/14/15a-14-03-2016--10-26-35.jpg" alt="" /></a></span></p>
<p><a class="thickbox" title="" href="/FileManager/Commons/2016/3/14/15b-14-03-2016--10-26-44.jpg"><img src="/FileManager/Articles/mce/2016/3/14/15b-14-03-2016--10-26-44.jpg" alt="" /></a><span style="color: #000000;"><a class="thickbox" title="" href="/FileManager/Commons/2016/3/14/15a-14-03-2016--10-26-35.jpg"></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>
<p style="text-align: center;"> </p>
</div>