<p><span style="color: #000000;"><strong>(ពោធិ៍សាត់)៖</strong> មន្ត្រីដែលបម្រើការងារ ក្នុងសាលាខេត្តពោធិ៍សាត់ម្នាក់ បានធ្លាក់ពីលើដំបូលផ្ទះបាក់កស្លាប់ ខណៈកំពុងឡើងទៅមើលជាងតសំយ៉ាបផ្ទះ បន្សល់ទុកប្រពន្ធ និងកូន។</span></p>
<p><span style="color: #000000;">ហេតុការណ៍នេះ កើតឡើងកាលពីល្ងាចថ្ងៃទី២២ ខែកញ្ញា ឆ្នាំ២០១៦ នៅចំណុចផ្ទះជនរងគ្រោះ ស្ថិតក្នុងភូមិមល់ ឃុំរកាត ស្រុកភ្នំក្រវាញ ខេត្តពោធិ៍សាត់។</span></p>
<p><span style="color: #000000;">លោក វង សាវ៉េត អធិការនគរបាលស្រុកភ្នំក្រវាញ បានប្រាប់ភ្នាក់ងារ Fresh News ឱ្យដឹងព្រឹកថ្ងៃទី២៤នេះថា ជនរងគ្រោះដែលធ្លាក់ពីលើដំបូលផ្ទះបាក់កស្លាប់នោះ មានឈ្មោះ ម៉ៃ នីម ភេទប្រុស អាយុ ៤១ឆ្នាំ មុខរបរជាមន្ត្រីបម្រើការងារក្នុងសាលាខេត្តពោធិ៍សាត់ នៅទីចាត់ការអន្តរវិស័យ មានប្រពន្ធឈ្មោះ ឆន ចិន អាយុ ៣៣ឆ្នាំ និងកូនឈ្មោះ នឹម បញ្ញា អាយុ ០៥ឆ្នាំ បច្ចុប្បន្នរស់នៅភូមិឃុំកើតហេតុខាងលើ។</span></p>
<p><span style="color: #000000;">លោកអធិការបន្ដថា មុនពេលកើតហេតុ ជនរងគ្រោះបានឡើងទៅលើដំបូល ដើម្បីមើលជាងតសំយ៉ាបផ្ទះ តែដោយមេឃកំពុងតែភ្លៀងផងនោះ មិនដឹងជាយ៉ាងម៉េច ក៏រអិលធ្លាក់ពីលើផ្ទះរបួសធ្ងន់ (បាក់ក) តែម្តង។ ក្រោយពេលកើតហេតុ ក្រុមគ្រួសារក៏បានព្យាយាមបញ្ជូនជនរងគ្រោះ ទៅសង្គ្រោះបន្ទាន់នៅមន្ទីរពេទ្យរាជធានីភ្នំពេញ តែជាអកុសលជនរងគ្រោះបានដាច់ខ្យល់ស្លាប់ពាក់កណ្តាលផ្លូវ កាលពីវេលាម៉ោង ២៖៥៣នាទីទៀបភ្លឺ។</span></p>
<p><span style="color: #000000;">បច្ចុប្បន្នសាកសពជនរងគ្រោះ ត្រូវបានក្រុមគ្រួសាររៀបចំធ្វើបុណ្យតាមប្រពៃណី ដោយមានការចូលរួមពីបងប្អូនសាច់ញាតិនៃសព និងមន្ត្រីសាលាខេត្តពោធិ៍សាត់ជាច្រើននាក់ផងដែរ៕</span></p>
<p><span style="color: #000000;"><img src="http://image.freshnewsasia.com/2016/006/09-2016/fn-2016-09-24-09-13-38-0.jpg" alt="" width="730" /></span></p>
<p><span style="color: #000000;"><img src="http://image.freshnewsasia.com/2016/006/09-2016/fn-2016-09-24-08-47-30-0.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្វ្រេសញូវអាស៊ី</span></p>