<p><span style="color: #000000;"><strong>(បរទេស)៖</strong> ពិតជារន្ធត់ណាស់ នៅពេលដែលក្មេងស្រីអាយុ៦ឆ្នាំម្នាក់ បានរត់មកឲ្យគេឯងជួយ ក្រោយពីឪពុកបាញ់ត្រូវក្បាល ក្នុងបំណងសម្លាប់ផ្តាច់ពូជ គ្រួសារខ្លួនឯង។ មនុស្សជាច្រើន ដែលជាមិត្តភក្តិ និងអ្នកធ្វើការជាមួយជនដៃដល់ ពិតជាមានការតក់ស្លុតណាស់ នៅពេលដឹងថា ក្រុមគ្រួសារមួយ ដែលពួកគេធ្លាប់គិតថា ជាគ្រួសារដ៏មានសុភមង្គល តែបែរជាបុរសអាយុ២៤ឆ្នាំ ជាឪពុក និងប្តីឈ្មោះ Jesus Diaz គិតខ្លីសុខចិត្តផ្តាច់សង្ខារប្រពន្ធ និងកូនទៅវិញ។</span></p>
<p><span style="color: #000000;">ហេតុការណ៍នេះ កើតឡើងនៅទីក្រុង Glynn រដ្ឋ Georgia នៅថ្ងៃកើតហេតុ Diaz បានបាញ់សម្លាប់ប្រពន្ធ អាយុ២១ ឆ្នាំឈ្មោះ Emiko នៅចំពោះមុខកូនស្រីដ៏តូចឈ្មោះ Eva បន្ទាប់មកក៏បង្វែរចុងកាំភ្លើង មកបាញ់ចំក្បាលកូនស្រីតែម្តង ប៉ុន្តែនាងតូចក្លាហានប្រឹងរត់គេច មករកអ្នកជិតខាងឲ្យជួយ ដែលប្រហែលជាគ្រាប់មិនចំក្បាលខ្លាំងទេ។ </span><br /><span style="color: #000000;">ឃើញបែបនេះ អ្នកជិតខាងបានទូរស័ព្ទ ហៅរថយន្តសង្គ្រោះបន្ទាន់ភ្លាម ដើម្បីដឹកក្មេងស្រីទៅមន្ទីរពេទ្យ តែក៏បានឧទ្ធម្ភាគចក្រមួយគ្រឿង មកដឹកយកនាងតូចទៅពេទ្យយ៉ាងប្រញាប់ដែរ ដោយពេលនេះក្មេងស្រី កំពុងស្ថិតក្នុងសភាព សង្គ្រោះបន្ទាន់ រីឯឪពុកម្តាយបានស្លាប់ អស់ទៅហើយ៕</span></p>
<p><span style="color: #000000;"><a class="thickbox" title="" href="/FileManager/Commons/2016/8/30/12a-30-08-2016--11-53-01.jpg"><img src="/FileManager/Articles/mce/2016/8/30/12a-30-08-2016--11-53-01.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>