<div>
<p><span style="color: #000000;">(ភ្នំពេញ)៖ ហេតុការណ៍គ្រោះថ្នាក់ចរាចរណ៍មួយ បង្កឡើងដោយរថយន្តមួយគ្រឿង ម៉ាកឡិចស៊ីស RX 330 ពណ៌សពាក់ស្លាកលេខ ភ្នំពេញ 2AF-9779 បើកបរដោយបុរសរូបសង្ហាម្នាក់ ដែលគេស្គាល់ថា ជាតារាចម្រៀងរបស់ផលិតកម្មសាន់ដេ លោក អាន គុនកូឡា ក្នុងល្បឿនលឿន ក៏បានជ្រុលចង្កូតទៅបុកជាមួយខឿន ផ្លូវក្រោមដីស្ពានអាកាសទិចណូ បណ្តាលឲ្យដាច់ក្រឡេកង់មុខ បើកទៅមុខលែងរួច បង្កការភ្ញាក់ផ្អើលដល់ប្រជាពលរដ្ឋ ទាំងពាក់កណ្ដាលយប់។</span></p>
<p><span style="color: #000000;">បើតាមប្រភពពីអ្នកឃើញ ហេតុការណ៍គ្រោះថ្នាក់ខាងលើ បាននិយាយឲ្យដឹងថា នៅវេលាម៉ោង ១១៖២៥ នាទីយប់ថ្ងៃទី២២ ខែធ្នូ ឆ្នាំ២០១៥ កន្លងទៅនេះ រថយន្តឡិចស៊ីសRX 330 របស់តារាចម្រៀងប្រុស ប្រចាំផលិតកម្មសាន់ដេ លោក អាន គុនកូឡា បានបើកក្នុងល្បឿនយ៉ាងលឿន ទិសដៅតាមបណ្តោយ ផ្លូវលេខ២៨៩ ពីជើងទៅត្បូង ឆ្លងកាត់ផ្លូវក្រោមដី ស្ពានអាកាសទិចណូ ស្រាប់តែមកដល់ចំណុចកើតហេតុ រថយន្តបួងចង្កួតមិនទាន់ក៏បានជ្រុលទៅបុកជាមួយរនាំងខឿនផ្លូវ បណ្តាលឲ្យរថយន្តខូចបើកទៅមុខលែងរួចតែម្តង។</span></p>
<p><span style="color: #000000;">ប្រភពខាងលើបាននិយាយថា ក្រោយពីបង្កហេតុ អ្នកបើបររថយន្តដែលត្រូវគេស្គាល់ ជាតារាចម្រៀងលោក អាន គុណកូឡា ពុំបាននៅចាំដោះស្រាយ ឬទទួលខុសត្រូវចំពោះទង្វើ ដែលខ្លួនបង្កនោះទេ។ ផ្ទុយទៅវិញបែជាតារាប្រុសរូបនេះ បានបើកទ្វាចុះពីលើរថយន្តហើយព្យាយាម ដើរគេចចេញពីកន្លែង កើតហេតុទៅបាត់ ដោយទុកតែរថយន្ត នឹងមិត្តភក្តិរួមដំណើរម្នាក់ទៀត នៅចាំដោះស្រាយតែប៉ុណ្ណោះ។</span></p>
<p><span style="color: #000000;">បើតាមប្រភពខាងលើ បានដាក់ការសង្ស័យ លើកតារាប្រុសលោក អាន គុណកូឡា ថាគ្រោះថ្នាក់នេះ អាចបណ្តាលមកពីការធ្វេសប្រហែស នឹងបើកបរក្នុងស្ថានភាពស្រវឹងក៏ថា បានព្រោះមកដល់ចំណុចកើតហេតុ គេសង្កេតឃើញរថយន្តពុំបានបន្ថយល្បឿនឡើយ។ គេហទំព័រ Khmer TALKING នៅព្រឹកថ្ងៃទី២៤ ខែធ្នូ ឆ្នាំ២០១៥ នេះមិនអាចទំនាក់ទំនង ដើម្បីសុំការបំភ្លឺពីលោក អាន គុណកូឡា បានទេ ព្រោះលេខទូរស័ព្ទប្រព័ន្ធ០៨១ ដែលលោកធ្លាប់ប្រើត្រូវបានបិទ។ ដូច្នេះ Khmer TALKING រង់ចាំស្វាគមន៍ ចំពោះការចេញមុខបកស្រាយ ពីតារាប្រុសរូបនេះ៕</span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xtf1/v/t1.0-9/1933817_1537026456611720_7881148796866600343_n.jpg?oh=002747aa2f3fed77f553603bd4e4151d&oe=570E1448" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xfl1/v/t1.0-9/944385_1537026449945054_4505859587116712117_n.jpg?oh=a77ca95a39f7321ba4e65bf8c2b0627b&oe=57120D56" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xpt1/v/t1.0-9/1937187_1537026453278387_6165846508050735965_n.jpg?oh=77ce8ade2757f50b1dcee06addac350a&oe=571A28B2" alt="" width="730" /></span></p>
<p style="text-align: center;"><span style="color: #000000;"><img src="https://scontent-kul1-1.xx.fbcdn.net/hphotos-xap1/v/t1.0-9/12376063_1537026509945048_5068599781069424619_n.png?oh=ab787bc1b3c47a70a07dbcd7acbb0b3d&oe=5710D35F" alt="" width="730" /></span></p>
<p style="text-align: center;"> </p>
<p style="text-align: right;"><span style="color: #000000;">ផ្តល់សិទ្ធដោយ ៖ ហ្រ្វេសញូវអាស៊ី</span></p>
</div>