<p><span style="color: #000000;"><strong style="font-size: 12px;">(</strong><strong style="font-size: 12px;">ភ្នំពេញ)៖</strong><span style="font-size: 12px;"> ក្រុមជើងឯកលីគកំពូលកម្ពុជា ២ជំនាន់ បឹងកេតអង្គរ នៅព្រឹកថ្ងៃទី២៩ ខែវិច្ឆិកានេះ បានចេញដំណើរទៅចូលរួមប្រកួតពានរង្វាន់ BTV Cup 2016 នៅលើទឹកដីប្រទេសវៀតណាមនាដើមខែក្រោយហើយ ប៉ុន្ដែមុនចេញពីទឹកដីកម្ពុជា ក្រុមបាល់ទាត់តំណាងឲ្យប្រទេសកម្ពុជានេះ ត្រូវឈប់សម្រាក និងបោះជំរុំហ្វឹកហាត់១ថ្ងៃ នៅខេត្តស្វាយរៀងសិន មុននឹងបន្ដដំណើរនៅថ្ងៃស្អែក។</span></span></p>
<p><br /><a class="thickbox" title="" href="/FileManager/Commons/2016/11/29/14-29-11-2016--11-17-39.jpg"><img src="/FileManager/Articles/mce/2016/11/29/14-29-11-2016--11-17-39.jpg" alt="" /></a></p>
<p><span style="color: #000000;">គួរបញ្ជាក់ថា នេះជាលើកទី១ហើយ ដែលភាគីវៀតណាមអញ្ជើញក្លឹបបាល់ទាត់កម្ពុជា ចូលរួមប្រកួតក្នុងព្រឹត្តិការណ៍ខាងលើ ដោយក្រុមបឹងកេតអង្គរ ស្ថិតក្នុងពូល A ជាមួយក្រុមម្ចាស់ផ្ទះវៀតណាម ២ក្រុម និងក្រុមមកពីសាធារណរដ្ឋកូរ៉េ ១ក្រុម ខណៈការប្រកួតគ្រោងនឹងចាប់ផ្ដើមជាផ្លូវការចាប់ពីថ្ងៃទី២-៦ ខែធ្នូខាងមុខនេះ សម្រាប់ការប្រកួតសន្សំពិន្ទុក្នុងពូល ប៉ុន្ដែបើសិនបឹងកេតឡើងវគ្គបន្ដ គឺត្រូវបន្ដការប្រកួតទៀត។</span></p>
<p><span style="color: #000000;">លោក ប្រាក់ សុវណ្ណារ៉ា បានចាត់ទុកពាន BTV Cup 2016 គឺជាការប្រកួតប្រជែងដ៏សំខាន់ ដើម្បីពង្រឹកសមត្ថភាពក្រុមឲ្យបានកាន់តែល្អប្រសើរ ដើម្បីត្រៀមប្រជែងកៅអីវគ្គផ្ដាច់ព្រ័ត្រនៃពានរង្វាន់ TOYOTA Mekong Cup 2016 នាចុងឆ្នាំនេះ។</span></p>
<p><span style="color: #000000;">ដូច្នេះលោកនឹងប្រើប្រាស់ធនធានកីឡាករល្អទាំងថ្មី និងចាស់ឲ្យអស់គ្មានការលាក់ជើងឡើយ ក្នុងព្រឹត្តិការណ៍នេះ ប៉ុន្ដែលោកមិនទាន់ប៉ងលើកពាន BTV Cup នេះនៅឡើយទេ៕</span></p>
<p><span style="color: #000000;"><br /><a class="thickbox" title="" href="/FileManager/Commons/2016/11/29/14a-29-11-2016--11-17-20.jpg"><img src="/FileManager/Articles/mce/2016/11/29/14a-29-11-2016--11-17-20.jpg" alt="" /></a><br /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>
<p> </p>