<p><span style="color: #000000;"><strong>(បាសេឡូណា)៖</strong> កីឡាករបាល់ទាត់ជនជាតិអាហ្សង់ទីន Lionel Messi របស់ក្លឹបអាជីព FC Barcelona និងឪពុករបស់ខ្លួន លោក Jorge Messi ត្រូវតុលាការអេស្ប៉ាញ សម្រេចកាត់ក្តីឲ្យជាប់ពន្ធនាគាររយៈពេល ២១ខែ (ជិត២ឆ្នាំ) ពីបទបន្លំប្រាក់បង់ពន្ធនៅចន្លោះឆ្នាំ២០០៧ និងឆ្នាំ២០០៩ នាពេលកន្លងមក។</span></p>
<p><span style="color: #000000;">សារព័ត៌មាន BBC របស់អង់គ្លេស បានចេញផ្សាយនៅល្ងាចថ្ងៃពុធ ទី០៦ ខែកក្កដា ឆ្នាំ២០១៦ នេះថា តារាបាល់ទាត់ ឆ្នើម វ័យ២៩ឆ្នាំ Messi រួមជាមួយឪពុករបស់គេ បានលួចបន្លំពន្ធគិតជាទឹកប្រាក់ប្រមាណ ៤.៦លានដុល្លារអាមេរិក ដែលជាការបិទបាំងប្រាក់ចំណូលរបស់គេ ដែលបានមកពីការលក់សិទ្ធិរូបភាព ទៅឲ្យក្រុមហ៊ុន Belize និងប្រទេសអ៊ុយរូហ្គាយ ក្នុងចន្លោះឆ្នាំ២០០៧ និង ២០០៩ នេះបើយោងតាមចៅក្រម បានថ្លែងឲ្យដឹងក្នុងពេលជំនុំជំរះក្តី។</span></p>
<p><span style="color: #000000;">ទាំង Messi និងឪពុករបស់គេ ត្រូវបានរកឃើញគណនីមិនប្រក្រតីចំនួន ៣ ពីការបន្លំប្រាក់បង់ពន្ធរបស់ពួកគេ ត្រូវបានរកឃើញដោយតុលាការស្ថិតក្នុងទីក្រុង Barcelona នាថ្ងៃពុធ ទី០៦ កក្កដានេះ គ្រាដែលកីឡាករក្នុងក្រុមជម្រើសជាតិអាហ្សង់ទីនមួយនេះ បានបដិសេធថា <strong>«រូបគេមិនដឹងអីសោះ»</strong> អំពីការរៀបចំហិរញ្ញវត្ថុរបស់គេឡើយ ដោយបានលើកឡើងថា គេជាកីឡាករបាល់ទាត់មួយរូប ដោយមិនបានដឹងពីច្បាប់ជ្រៅជ្រះរបស់អេស្ប៉ាញឡើយ៕</span></p>
<p><span style="color: #000000;"><img src="http://ichef.bbci.co.uk/news/660/cpsprodpb/DDAE/production/_90305765_gettyimages-537561844.jpg" alt="" width="730" /></span></p>
<p><span style="color: #000000;"><img src="http://feelgrafix.com/data/lionel-messi/Lionel-Messi-7.jpg" alt="" width="730" /></span></p>
<p style="text-align: right;"><span style="color: #000000;">ផ្តល់សិទ្ធដោយ ៖ ខ្មែរថកឃីង</span></p>