<div class="article-content">
<p><strong>ភ្នំពេញៈ</strong> អតីតបុគ្គលិកក្រុមហ៊ុន អឹមហ្វូន មានពន្លឺចំពោះប្រាក់ខែ និងប្រាក់អតីតភាពរបស់ពួក<br />គេហើយ បន្ទាប់ពីមានការសម្របសម្រួល របស់ក្រសួងសង្គមកិច្ច អតីតយុទ្ធជន និងយុវនីតិ<br />សម្បទា ដោយតម្រូវឲ្យសំណុំរឿងនេះ ទៅតុលាការជាអ្នកដោះស្រាយ ដោយមូលហេតុថា <br />ក្រុមហ៊ុនទូរស័ព្ទខាងលើនេះ បានក្ស័យធនពិតប្រាកដ។</p>
<p>លោកនីម សូលីដា ជាវិស្វករបច្ចេកទេសនៃក្រុមហ៊ុន MFONE និងជាតំណាងបុគ្គលិក ក្រុមហ៊ុន<br />អឹមហ្វូនទាំងអស់ បានថ្លែងបន្ទាប់ពីកិច្ចជំនួប ដោយបិទទ្វារ រវាងក្រសួងសង្គមកិច្ច ដឹកនាំដោយ<br />លោក វង្ស សុវណ្ណ អនុប្រធានដោះស្រាយបាតុកម្ម និងកូដកម្មគ្រប់ជំនាញ និងអភិបាលបណ្តោះ<br />អាសន្នក្រុមហ៊ុន MFONE នារសៀលថ្ងៃទី១៩ ខែមីនា ឆ្នំា២០១៣នេះថាពេលនេះពួកលោក បាន<br />យល់ព្រមទៅតាមការសម្របសម្រួល របស់ក្រសួងសង្គមកិច្ចហើយ ដោយក្រសួងបាន ឲ្យសំណុំ<br />រឿងនេះទៅតុលាការ ជាអ្នកដោះស្រាយ ក៏ប៉ុន្តែលោកនៅតែបន្តធ្វើ កូដកម្មដដែលរហូតដល់<br />ទទួលបាន លទ្ធផលជាស្ថាពរ។</p>
<p>លោកនីម សូលីដា បានបញ្ចាក់ថា "ដោយសារតែសំណុំរឿង ក្រុមហ៊ុនវាស្ថិតនៅក្នុងសំណុំរឿង<br /> ក្ស័យធនអញ្ចឹងហើយយើង ត្រូវការរង់ចាំ តុលាការជាអ្នកធ្វើការរឿងហ្នឹង។ ហើយម្យ៉ាងទៀតតុលាការ បានចេញដីការសម្រេចជម្រះបញ្ជីហើយ អភិបាលបណ្តោះអាសន្ន របស់ក្រុមហ៊ុនគាត់មានសិទ្ធិ <br />សម្រេចលក់ឥវ៉ាន់ក្រុមហ៊ុន យកមកឲ្យយើងខ្ញុំ"។</p>
<p>បុគ្គលិកក្រុមហ៊ុនអឹមហ្វូន បាននាំគ្នាធ្វើការតវ៉ាអស់ រយៈពេលបីថ្ងៃមកហើយដើម្បី ស្វែងរកកិច្ច<br />អន្តរាគមន៍ពី រាជរដ្ឋាភិបាលចំពោះបញ្ហារបស់ពួក ដែលបំរើការងារជាច្រើនឆ្នាំ ហើយមិនទាន់<br />ទទួលបានប្រាក់ខែ និងប្រាក់អ្វីផ្សេងបន្ទាប់ពី ក្រុមហ៊ុននេះបានបិទទ្វារ ៕</p>
<p style="text-align: right;">ផ្តល់សិទ្ធិដោយ៖ ដើមអម្ពិល</p>
</div>